ՀՀ գիտությունների ազգային ակադեմիա

Ազդեր

Էջեր՝


	2018թ. մարտի 28-ին ժ.10:00-ին ՀՀ ԳԱԱ նիստերի դահլիճում կկայանա ՀՀ ԳԱԱ տարեկան ժողովը՝ նվիրված Ակադեմիայի 2017թ. գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները տեղի կունենան մարտի 27-ին ժամը 10:00-ին




	Ապրիլի 16-ին և 17-ին, ԵՊԲՀ նիստերի դահլիճում տեղի կունենա գիտագործնական համաժողով` նվիրված իմունաախտորոշման և իմունաթերապիայի արդի խնդիրներին: Զեկույցներով հանդես կգան 14 պրոֆեսորներ Ռուսաստանի Դաշնությունից և Հայաստանից: Գիտաժողովը ներկայացված է առողջապահության նախարարություն կրեդիտավորման համար




	FAST կրթաթոշակային ծրագրի` 2018-2019թթ. ուսումնական տարվա համար նախատեսված հայտադիմումներն արդեն բաց են: Դիմումների ներկայացման վերջնաժամկետը 2018թ. ապրիլի 30-ն է




	ՀՀ ԳԱԱ մոլեկուլային կենսաբանության ինստիտուտը 2018թ. ապրիլի 25-ից 26-ը կազմակերպում է սեմինար «Թունաբանություն. Գիտական խնդիրներ և կրթական ծրագրեր» խորագրով: Դասախոսություններն անց են կացվելու անգլերեն լեզվով Հելգա Շտոպպերի (Վյուրցբուրգի համալսարան, Գերմանիա), Հենինգ Հինցշեի (Վյուրցբուրգի համալսարան, Գերմանիա) և Էյլուլ Բանկօղլու (Վյուրցբուրգի համալսարան, Գերմանիա) կողմից: Գրանցման վերջնաժամկետն է 2018թ. ապրիլի 15-ը




	2018թ. ապրիլի 25-27-ը ՀՀ ԳԱԱ մոլեկուլային կենսաբանության ինստիտուտը կազմակերպում է պրակտիկ դասընթաց «R-ը կենսաինֆորմատիկայում. ուղեցույց սկսնակների համար» թեմայով, որի նպատակն է ուսանողներին և տվյալների մշակմամբ ու կենսաինֆորմատիկայով հետաքրքրվող գիտաշխատողներին ներկայացնել R հաշվողական լեզուն: Դասընթացը ներառում է R միջավայրում ծրագրավորման հիմունքները, ինչպես նաև կենսաբանական տվյալների վերլուծության հիմնական/տարածված համակարգչային փաթեթները




	2018թ. ապրիլի 30-ից մայիսի 1-ը ՀՀ ԳԱԱ մոլեկուլային կենսաբանության ինստիտուտը կազմակերպում է պրակտիկ դասընթաց «Գիտական ծրագրավորում R-ի միջավայում» թեմայով, որի նպատակն է մասնակիցներին ներկայացնել մեծ ծավալներով կենսաբանական տվյալների վերլուծության համար կիրառվող վիճակագրական և մեքենայական ուսուցման մոտեցումները




	2018թ.-ի մայիսի 20-25-ը ՀՀ ԳԱԱ Նախագահությունը, ՀՀ ԳԱԱ մաթեմատիկայի ինստիտուտը, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը, Երևանի պետական համալսարանը, Հարավային Ֆլորիդայի համալսարանը, Երևանի մաթեմատիկական մեքենաների գիտահետազոտական ինստիտուտը ՓԲԸ-ը, Հայկական Մաթեմատիկական միությունը անց են կացնում Սերգեյ Մերգելյանի 90-ամյակին նվիրված միջազգային գիտաժողով (Երևան, Հայաստան)




	ՀՀ ԳԱԱ հայագիտության և հասարակական գիտությունների բաժանմունքը, Երևանի պետական համալսարանը ՀՀ Սփյուռքի նախարարության աջակցությամբ 2018 թ. մայիսի 25-26-ին հրավիրում են միջազգային գիտաժողով «Հայաստանի Հանրապետություն - 100» խորագրով՝ նվիրված Հայաստանի Հանրապետության հռչակման և Մայիսյան հերոսամարտերի 100-րդ տարեդարձին




	2018թ.-ի մայիսի 27-ից հունիսի 2-ը ՀՀ ԳԱԱ Մաթեմատիկայի ինստիտուտը, Հայկական Մաթեմատիկական միությունը, Մաթեմատիկայի բանգավառում երիտասարդների համար մրցանակներ շնորհող Էմիլ Արթինի անվան կոմիտեն, Բերգենի համալսարանը, Երևանի պետական համալսարանը, Հայաստանի Ամերիկյան համալսարանը, Ռուսաստանի Գիտությունների ակադեմիայի Վ.Ա. Ստեկլովի անվան մաթեմատիկական ինստիտուտի աջակցությամբ անց են կացնում Էմիլ Արթինի 120-ամյակին նվիրված միջազգային գիտաժողով (Երևան, Հայաստան)




	2018թ. հունիսի 7-8-ը ՀՀ ԳԱԱ արևելագիտության ինստիտուտը կազմակերպում է միջազգային գիտաժողով՝ նվիրված անվանի դիվանագետ և վաճառական Մանուկ Բեյ Միրզայանին (1769-1817)




	ՀՀ ԳԱԱ փիլիսոփայության, սոցիոլոգիայի և իրավունքի ինստիտուտը 2018թ. մայիսի 7-ին կազմակերպում է կլոր-սեղան՝ նվիրված Կարլ Մարքսի ծննդյան 200-ամյակին




	2018 թ. հուլիսի 26-ին, ժամը 15:00-ին ՀՀ ԳԱԱ Լ. Օրբելու անվան ֆիզիոլոգիայի ինստիտուտի նիստերի դահլիճում (Երևան, Օրբելի եղբայրների 22, 1-ին հարկ) տեղի կունենա պրոֆ. Ստանիսլավ Եմելյանովի (ԱՄՆ) «Լույս, ձայն, նանոգործոններ. զարգացնելով վիզուալիզացիան և թերապևտիկ տեխնոլոգիաները» թեմայով դասախոսությունը: Մուտքն ազատ է




	FAST - Foundation for Armenian Science and Technology հիմնադրամը հայտարարում է համագործակցային հետազոտությունների նպատակով 2018-2019թթ. ճամփորդական դրամաշնորհների մրցույթ։ Դրամաշնորհներն (առավելագույնը 7500 USD) ուղղված են STEM ոլորտում հայ և միջազգային հետազոտողների միջև համագործակցության խթանմանը։ Դիմումների վերջնաժամկետը հոկտեմբերի 30-ն է։ Հարցերի պարագայում գրեք grants@fast.foundation էլ.հասցեին




	2018թ.-ի սեպտեմբերի 9-15-ը ՀՀ ԳԱԱ մաթեմատիկայի ինստիտուտը, ՌԳԱ Վ. Ա. Ստեկլովի անվան մաթեմատիկական ինստիտուտը, Ռուս-Հայկական համալսարանը անց են կացնում միջազգային գիտաժողով `«Ռուս-Հայկական 7-րդ խորհրդակցություն մաթեմատիկական ֆիզիկայի, կոմպլեքս անալիզի և հարակից հարցերի գծով» նվիրվածՀՀ ԳԱԱ 75-ամյակին (Երևան, Հայաստան): Մանրամասներին կարելի է ծանոթանալ www.mathnet.ru/conf1298 կայքում




	ՀՀ ԳԱԱ մոլեկուլային կենսաբանության ինստիտուտը և Ռուս-Հայկական համալսարանը ս․թ․ սեպտեմբերի 10-13-ը կազմակերպում են «Տեր-մանրէ փոխազդեցություններ -7․ բջջային մորֆոգենեզն առողջ վիճակում և հիվանդության ժամանակ» խորագրով երիտասարդ գիտնականների 7-րդ դպրոցը՝ նվիրված ՀՀ ԳԱԱ 75-ամյակին




	2018թ. սեպտեմբերի 10-17-ը ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ Վ.Ա.Համբարձումյանի անվ. Բյուրականի աստղադիտարանը Բյուրականում անց են կացնում «VI միջազգային աստղագիտական դպրոց» միջազգային գիտաժողով: Մանրամասներին կարելի է ծանոթանալ http://www.bao.am կայքում




	2018թ. սեպտեմբերի 15-16-ը ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ ֆիզիկական հետազոտությունների ինստիտուտը և Յոհաննես Գուտենբերգի համալսարանը Աղվերանում անց են կացնում «Օպտիկական մագնիտոմետրիայի միջազգային սեմինար»-ը: Մանրամասները՝ http://ipr.sci.am/lp/ կայքում




	2018թ.-ի սեպտեմբերի 16-22-ը ՀՀ ԳԱԱ մաթեմատիկայի ինստիտուտը,Երևանի պետական համալսարանը անց են կացնում Ալեքսանդր Թալալյանի 90-ամյակին նվիրված «Հարմոնիկ անալիզ և մոտավորություններ, VII » միջազգային գիտաժողով (Ծաղկաձոր, Հայաստան): Մանրամասներին կարելի է ծանոթանալ http://mathconf.sci.am/haa2018 կայքում




	2018թ. սեպտեմբերի 17-21-ը ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ Վ.Համբարձումյանի անվ. Բյուրականի աստղադիտարանը Բյուրականում անց են կացնում «Անկայուն երևույթներ և տիեզերքի էվոլյուցիա» միջազգային գիտաժողովը՝ նվիրված Վ.Համբարձումյանի 110-ամյակին: Բացումը՝ 17.09.2018թ. ժ. 09:30 ՀՀ ԳԱԱ նիստերի դահլիճում: Մանրամասներին կարելի է ծանոթանալ http://www.bao.am կայքում:




	2018թ. սեպտեմբերի 18-21-ը ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ ֆիզիկական հետազոտությունների ինստիտուտը Աշտարակում անց են կացնում «Լազերային ֆիզիկա 2018» ավանդական միջազգային գիտաժողով` նվիրված ՖՀԻ հիմնադրման 50-ամյակին: Մանրամասները՝ http://ipr.sci.am/lp/ կայքում




	2018թ. սեպտեմբերի 19-ին ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ Վ.Ա.Համբարձումյանի անվ. Բյուրականի աստղադիտարանը Բյուրականում անց են կացնում «Հարավարևելյան և Կենտրոնական Ասիայի տարածաշրջանային աստղագիտական դպրոց» միջազգային գիտաժողով: Մանրամասներին կարելի է ծանոթանալ http://www.bao.am կայքում




	2018թ. սեպտեմբերի 19-21-ը ՀՀ ԳԱԱ ֆիզիկայի և աստղաֆիզիկայի բաժանմունքը, ՀՀ ԳԱԱ Ռադիոֆիզիկայի և էլեկտրոնիկայի ինստիտուտը անց են կացնում Աղվերանում «ԳԲՀ և ՏՀՑ տեխնոլոգիաներ և անլար հաղորդակցություն» միջազգային գիտաժողով: Մանրամասներին կարելի է ծանոթանալ http://www.irphe.am կայքում




	ՀՀ ԳԱԱ Լ.Օրբելու անվան ֆիզիոլոգիայի ինստիտուտը ս.թ. սեպտեմբերի 22-26-ը Երևանում կազմակերպում է «Կենդանական, բուսական և մանրէաբանական թույների հետազոտական և կլինիկական ասպեկտները» խորագրով Թունաբանության միջազգային միության եվրոպական բաժանմունքի 19-րդ կոնգրեսը




	2018թ. սեպտեմբերի 24-26-ը ՀՀ ԳԱԱ մոլեկուլային կենսաբանության ինստիտուտը կազմակերպում է պրակտիկ դասընթաց “R-ը կենսաինֆորմատիկայում. ուղեցույց սկսնակների համար” թեմայով, որի նպատակն է ուսանողներին և տվյալների մշակմամբ ու կենսաինֆորմատիկայով հետաքրքրվող գիտաշխատողներին ներկայացնել R հաշվողական լեզուն: Դասընթացը ներառում է R միջավայրում ծրագրավորման հիմունքները, ինչպես նաև կենսաբանական տվյալների վերլուծության հիմնական/տարածված համակարգչային փաթեթները




	2018թ. սեպտեմբերի 25-ից 29-ը ՀՀ ԳԱԱ Ա.Բ. Նալբանդյանի անվ. քիմիական ֆիզիկայի ինստիտուտը ք. Երևանում կազմակերպում է «Քիմիական ֆիզիկայի արդի խնդիրները» V միջազգային գիտաժողով




	2018թ. սեպտեմբերի 27-28-ը ՀՀ ԳԱԱ մոլեկուլային կենսաբանության ինստիտուտը կազմակերպում է պրակտիկ դասընթաց «Գիտական ծրագրավորում R-ի միջոցով» թեմայով, որի նպատակն է մասնակիցներին ներկայացնել մեծ ծավալներով կենսաբանական տվյալների վերլուծության համար կիրառվող վիճակագրական և մեքենայական ուսուցման առաջատար տեխնոլոգիաները և մոտեցումները




	2018թ.-ի հոկտեմբերի 1-6-ը ՀՀ ԳԱԱ մեխանիկայի ինստիտուտը, ՀՀ կիրառական և տեսական մեխանիկայի ազգային կոմիտեն, Ռուսաստանի գիտությունների ակադեմիայի Ա.Յու. Իշլինսկու անվան մեխանիկայի պրոբլեմների ինստիտուտը, Գորիսի պետական համալսարանը, Արցախի պետական համալսարանը, Հայաստանի ազգային պոլիտեխնիկական համալսարանը, Ճարտարապետության և շինարարության Հայաստանի ազգային համալսարանը, անց են կացնում "Դեֆորմացվող միջավայրերի փոխազդեցության պրոբլեմները" 9-րդ միջազգային գիտաժողով (Գորիս, Հայաստան): Մանրամասներին կարելի է ծանոթանալ http://www.mechins.sci.am կայքում




	Ս.թ. հոկտեմբերի 5-7-ը ք.Ծաղկաձորում ՀՀ ԳԱԱ Ա.Լ. Թախտաջյանի անվ. Բուսաբանության ինստիտուտը և Կենդանաբանության և հիդրոէկոլոգիայի գիտական կենտրոնը՝ ԵՊՀ կենսաբանության ֆակուլտետի հետ համատեղ կազմակերպում են «Կենսաբազմազանություն և վայրի բնության պահպանության էկոլոգիական հիմնախնդիրները» երիտասարդ գիտնականների երկրորդ միջազգային գիտաժողովը՝ նվիրված ՀՀ ԳԱԱ 75-ամյակին




	2018 թ.-ի հոկտեմբերի 12-13-ին ՀՀ ԳԱԱ ՀՀ ԳԱԱ ինֆորմատիկայի և ավտոմատացման պրոբլեմների ինստիտուտը և SmartGateVC-ն՝ ՀՀ ԳԱԱ, ՀՀ ԿԳՆ ԳԿ, ԵԳԱԾ, ՀԵՀ, ՁԻՀ (EIF), Zero և GiZ աջակցությամբ, անց են կացնում «Գիտության և տեխնիկայի մերձեցում» գիտաժողով (Երևան, Հայաստան): Մանրամասներին կարելի է ծանոթանալ www.stcc.am կայքում, իսկ հարցերի դեպքում գրել stc@asnet.am հասցեով




	2018 թ.-ի հոկտեմբերի 15-16-ը ՀՀ ԳԱԱ-ում տեղի կունենա ԱՊՀ գիտնականների II Ֆորումը

Պահոց

Էջեր՝