Նորություններ
19/06/2017
Աշխարհահռչակ բուսաբան Արմեն Թախտաջյանի անունն արդեն ՀՀ ԳԱԱ Բուսաբանության ինստիտուտի ցուցատախտակում է

    Հունիսի 16-ին ՀՀ ԳԱԱ բուսաբանական ինստիտուտում տեղի ունեցավ  հանդիսավոր արարողություն` նվիրված ՀՀ ԳԱԱ բուսաբանական ինստիտուտի` աշխարհահռչակ բուսաբան, ֆիլոգենետիկ և էվոլյուցիոնիստ ակադեմիկոս Արմեն Թախտաջյանի անունով անվանակոչմանը:
    Միջոցառման մասնակիցները ողջունեցին ՀՀ ԳԱԱ բուսաբանության ինստիտուտի անվանակոչումն անվանի գիտնականի անունով` ընդգծելով նրա հսկայական ավանդը համաշխարհային գիտության մեջ, Հայաստանում բուսաբանության զարգացման գործում: Արմեն Թախտաջյանի անունը կրող ՀՀ ԳԱԱ Բուսաբանության ինստիտուտի ցուցատախտակը տեղադրվեց Երևանի բուսաբանական այգու մուտքի մոտ:

20170619-1.jpg
    Ողջույնի ելույթներով հանդես եկան ՀՀ ԳԱԱ նախագահ  ակադեմիկոս Ռադիկ Մարտիրոսյանը, ՀՀ ԳԱԱ Բնական գիտությունների ակադեմիկոս-քարտուղար ՀՀ ԳԱԱ թղթակից անդամ Ռուբեն Հարությունյանը, ՀՀ ԳԱԱ Արմեն Թախտաջյանի անվան բուսաբանության ինստիտուտի տնօրեն ՀՀ ԳԱԱ թղթակից անդամ Ժիրայր Վարդանյանը, Ռուսական բուսաբանական ընկերության փոխնախագահ պրոֆեսոր Լեոնիդ Ավերյանովը, ԵՊՀ-ի բուսաբանության ամբիոնի պրոֆեսոր, ՀՀ ԳԱԱ ակադեմիկոս Լիա Օսիպյանը, Արմեն Թախտաջյանի դուստր Ալլա Մովսեսյանը, ՀՀ կրթության և գիտության նախարարության  գիտության պետական կոմիտեի աշխատակազմի ղեկավար Լևոն Մարդոյանը:
    Արմեն Թախտաջյանի կյանքի և գործունեության մասին պատմեց Թախտաջյանի աշակերտ կենսաբանական գիտությունների դոկտոր, պրոֆեսոր Էլիոնորա Գաբրիելյանը:
    ՀՀ ԳԱԱ Բուսաբանության ինստիտուտի անվանակոչումը հաստատված է ՀՀ կառավարության 2017 թ. մայիսի 4-ի որոշմամբ:

ՀՀ ԳԱԱ Տեղեկատվական-վերլուծական ծառայություն
19.06.2017թ.

Լուսանկարներ


Կայքը վերջին անգամ թարմացվել է՝  18:31, 24/09/2021

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - COVID-19 - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն - Գիտաժողովներ - Հրապարակումներ մամուլում - Հայտարարություններ - Լուսանկարներ -
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ -
Այլ ակադեմիաներ Համալսարաններ - Լինդաու - Կայքի քարտեզ - Որոնում