Նորություններ
15/11/2019
Հայաստանի գիտությունների ազգային ակադեմիայի և Թաթարստանի գիտությունների ակադեմիայի միջև կնքվեց համագործակցության համաձայնագիր

    Սույն թվականի նոյեմբերի 15-ին Հայաստանի Հանրապետության գիտությունների ազգային ակադեմիայի (ԳԱԱ) և Թաթարստանի Հանրապետության գիտությունների ակադեմիայի (ԳԱ) միջև կնքվեց համագործակցության համաձայանգիր: Համաձայանգիրը ստորագրեցին ՀՀ ԳԱԱ նախագահ ակադեմիկոս Ռադիկ Մարտիրոսյանը և Թաթարստանի ԳԱ նախագահ ակադեմիկոս Մյակզյում Սալախովը:

20191115_3.jpg
    Համաձայնագրի շրջանակներում կողմերը կիրականացնեն հետազոտություններ հումանիտար, բնական և տեխնոլոգիական գիտությունների ոլորտներում: Համագործակցության շնորհիվ ակադեմիաների գիտնականները կապահովվեն անհրաժեշտ տեղեկատվությամբ համատեղ ծրագրեր, գիտական հետազոտություններ իրականացնելու համար: Համատեղ կիրականացվի գիտահետազոտական աշխատանքների, գիտատեխնիկական արդյունքների փորձաքննություն,  գիտական կադրերի պատրաստում և ատեստավորում, կկազմակերպվեն գիտաժողովներ, սիմպոզիումներ և քննարկումներ:

20191115_2.jpg
Հայաստանի և Թաթարստանի ակադեմիաները կհամագործակցեն հետևյալ ուղղություններով.

  • Պատմության, հնագիտության և փիլիսոփայության արդի խնդիրներ
  • Պատմամշակութային ժառանգության պահպանություն
  • Գյուղատնտեսություն և կեսաբանություն
  • Ռեսուրսա- և էներգախնայող տեխնոլոգիաներ
  • Էկոլոգիա և շրջակա միջավայրի պահպանություն
  • Բժշկություն և առողջապահություն
  • Տեղեկատվական տեխնոլոգիաներ
  • Կրթություն և կադրերի պատրաստում

20191115_1.jpg

ՀՀ ԳԱԱ տեղեկատվական-վերլուծական ծառայություն
15.11.2019թ.


Կայքը վերջին անգամ թարմացվել է՝  12:31, 24/02/2020

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում - Հայտարարություններ - Լուսանկարներ
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ - Այլ ակադեմիաներ
Համալսարաններ - Լինդաու - Կայքի քարտեզ - Որոնում