Новости
23/09/2019
ՀՀ ԳԱԱ-ում մեկնարկեց «Քիմիա և քիմիական տեխնոլոգիաներ» VI միջազգային գիտաժողովը

    Սույն թվականի սեպտեմբերի 23-ին ՀՀ ԳԱԱ-ում մեկնարկեց «Քիմիա և քիմիական տեխնոլոգիաներ» VI միջազգային գիտաժողովը: Գիտաժողովի նպատակն է վերլուծել ու քննարկել քիմիայի և քիմիական տեխնոլոգիաների բնագավառում տեսական և կիրառական հետազոտությունների գիտատեխնիկական տեղեկատվության արդի վիճակն ու առաջընթացը: 
    Բացման խոսքով հանդես եկավ ՀՀ ԳԱԱ  Մ.Մանվելյանի անվան ընդհանուր և անօրգանական քիմիայի ինստիտուտի տնօրեն Կարեն Գրիգորյանը՝ ներկայացնելով գիտաժողովի ծրագիրը:
Մասնակիցներին ողջունեցին Քիմիական և Երկրի մասին գիտությունների բաժանմունքի ակադեմիկոս-քարտուղար ակադեմիկոս Լևոն Թավադյանը և Երևանում Ռուսաստանի գիտության և մշակույթի կենտրոնի տնօրեն Սերգեյ Ռիբինսկին:Գիտաժողովի թեմաներն են՝

  • Անօրգանական նյութերի և միացությունների քիմիան և տեխնոլոգիան
  • Հանքային և երկրորդային հումքի վերամշակման քիմիա-մետալուրգիական գործընթացները
  • Սիլիկատների և հատուկ մաքրության նյութերի տեխնոլոգիա
  • Հոմոգեն, նանոչափ և կոմպոզիցիոն նյութերի տեխնոլոգիա
  • Գերկարծր նյութերի քիմիա և քիմիական տեխնոլոգիա
  • Կոմպլեքս միացությունների քիմիա
  • Քիմիական տեխնոլոգիայի գործընթացներ և սարքավորումներ
  • Քիմիական և մետալուրգիական արտադրությունների էկոլոգիական հիմնախնդիրները
  • Քիմիական արտադրությունների, տեխնոգեն և բնական օբյեկտների նկատմամբ վերլուծություն և վերահսկողություն 
  • Քիմիական տեխնոլոգիաների և բնապահպանական ճարտարագիտության ոլորտների կրթական համակարգ
  • Հավելման տեխնոլոգիաներ

20190923_3_1.jpg

    Գիտաժողովին մասնակցում են անվանի քիմիկոսներ, տեխնոլոգներ, երիտասարդ մասնագետներ՝ Հայաստանից, Ռուսաստանի Դաշնությունից, Ուկրանիայից, Վրաստանից, Բելառուսից, Ուզբեկստանից, Իսրայելից: 

    Գիտաժողովը կազմակերպվել է ՀՀ ԳԱԱ Մ.Մանվելյանի անվան ընդհանուր և անօրգանական քիմիայի ինստիտուտի, ՀՀ ԳԱԱ  քիմիական և Երկրի մասին գիտությունների բաժանմունքի, ՌԴ ԳԱ  Ն.Ս. Կուռնակովի անվան ընդհանուր և անօրգանական քիմիայի ինստիտուտի, Դ.Ի. Մենդելեևի անվան ռուսական քիմիական ընկերության, ՌԴ ԳԱ «Քիմիական տեխնոլոգիաներ» գիտական խորհրդի, Երևանում Ռուսաստանի գիտության և մշակույթի կենտրոնի կողմից, ՀՀ ԿԳՄՍՆ Գիտության պետական կոմիտեի և ՀՀ ԳԱԱ ֆինանսական աջակցությամբ:
Գիտաժողովի աշխատանքները կշարունակվեն մինչև ս.թ. սեպտեմբերի 27-ը:

ՀՀ ԳԱԱ Տեղեկատվական-վերլուծական ծառայություն
23.09.2019թ.



Сайт последний раз обновлялся:  21:23, 27/11/2020

Главная страница - Об Академии - Отделения - Организации - Члены - Связь с нами - COVID-19 - Структура - Члены президиума
Документы - Инновационные предложения - Новости - Конференции - Публикации в прессе - Объявления - Фотогалерея
Газета "Гитутюн" - Фонды - Юбилеи - Публикации - Веб ресурсы - Другие академии
Университеты - Линдау - Карта сайта - Поиск