Նորություններ
01/03/2017
Կայացել է ՀՀ բնապահպանության նախարարին կից գիտատեխնիկական խորհրդի հերթական նիստը

ՀՀ բնապահպանության նախարարությունում կայացել է նախարարին կից գիտատեխնիկական խորհրդի հերթական նիստը, որը վարել է նախարար Արծվիկ Մինասյանը: Երևանի բուսաբանական այգում կենսաբազմազանության և գիտակրթական կենտրոնի զարգացման հեռանկարները հարցի շուրջ զեկույցով հանդես է եկել ՀՀ ԳԱԱ բուսաբանության ինստիտուտի տնօրեն Ժիրայր Վարդանյանը: 

20170301_01.jpg
Բանախոսը մանրամասնորեն ներկայացրել է  բուսաբանական այգու` որպես ինքնատիպ ազգային արժեք ներկայացնող գիտական, էկոկրթական հաստատության գործունեությունը, անդրադարձել առավել կենսական հիմնախնդիրներին, այդ թվում, ոռոգման համակարգի հիմնանորոգմանը, նաև բնակչության լայն զանգվածների համար բացօթյա բարեկարգ ռեկրեացիոն գոտու ստեղծման անհրաժեշտությանը: ՀՀ ԳԱԱ էկոլոգանոոսֆերային հետազոտությունների կենտրոնի տնօրեն Ա. Սաղաթելյանը ներկայացրել է Ամուլսարի հանքավայրի շահագործման էկոլոգիական և տեխնիկական ռիսկերի մասին զեկույցը: 

20170301_02.jpg
ՀՀ բնապահպանության նախարարության "Բնապահպանական ծրագրերի իրականացման  գրասենյակ" պետական հիմնարկի փոխտնօրեն, կենսաբանական գիտությունների դոկտոր Ս. Բալոյանը ներկայացրել է "Գիտական հետազոտությունների արդյունքները էկոլոգիական հիմնախնդիրների լուծման գործում" հայեցակարգը:

20170301_03.jpg
Անդրադարձ է եղել բնապահպանության ոլորտում գիտական հետազոտությունների վերաբերյալ ՀՀ ստանձնած միջազգային պարտավորություններին,  գիտական հետազոտությունների անհրաժեշտությանը, կադրային խնդիրների: Զեկույցներում արծարծված հարցերի առավել խորքային քննարկման նպատակով դրանց անդրադարձ կարվի նաև հաջորդ նիստում:

ՀՀ բնապահպանության նախարարություն
Տեղեկատվության և հասարակության հետ կապերի վարչություն
01.03.2017թ.



Կայքը վերջին անգամ թարմացվել է՝  15:57, 28/09/2021

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - COVID-19 - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն - Գիտաժողովներ - Հրապարակումներ մամուլում - Հայտարարություններ - Լուսանկարներ -
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ -
Այլ ակադեմիաներ Համալսարաններ - Լինդաու - Կայքի քարտեզ - Որոնում