Նորություններ
27/11/2017
Երևանում կմեկնարկի «Ճառագայթման կենսամարկերները շրջակա միջավայրում. ռիսկի գնահատման արդյունավետ միջոցներ» միջազգային գիտաժողովը

   Սույն թվականի նոյեմբերի 28-ին ժամը 9:00-ին, Երևանում («Իբիս Երևան Կենտրոն» հյուրանոց, հասցե` Հյուսիսային պող., 5/1 շենք) կմեկնարկի «Ճառագայթման կենսամարկերները շրջակա միջավայրում. ռիսկի գնահատման արդյունավետ միջոցներ» միջազգային եռօրյա գիտաժողովը: Գիտաժողովի շրջանակներում ոլորտի առաջատար գիտնականները և մասնագետները կքննարկեն շրջակա միջավայրում ճառագայթման ազդեցության գնահատման կենսամարկերների կիրառության առկա և մշակվող ուղղությունները:
Գիտաժողովին կմասնակցեն գիտնականների  ԱՄՆ-ից, Ավստրիայից, Ավստրալիայից,  Ալբանիայից, Բելառուսից, Գերմանիայից, Իտալիայից, Կանադայից, Մեծ Բրիտանիայից, Շվեդիայից, Ուկրաինայից:

   Արծարծվող հիմնական թեմաներն են՝

  • ճառագայթման կենսամարկերների զգայունությունը
  • կենսամարկերների սպեցիֆիկությունը տարբեր սթրեսային գործոնների ազդեցության նկատմամբ
  • Ճառագայթման կենսամարկերների զգայունության կապը ճառագայթման հետևանքների վաղ հայտմաբերման և կանխարգելման հետ
  • Ճառագայթման մոնիթորինգի մեթոդաբանական անճշտությունները կենսամարկերները՝ որպես ճառագայթման և դրա ազդեցության գնահատման առավել արդյունավետ միջոց
  • ՆԱՏՕ-ի արձագանքման ծրագրերի շրջանակներում կենսամարկերների կիրառման նպատակահարմարությունը ֆինանսական և գործնական  տեսանկյունից:

   Գիտաժողովը կազմակերպել են ՀՀ ԳԱԱ Մոլեկուլային կենսաբանության ինստիտուտը և Սալֆորդի համալսարանը (Մեծ Բրիտանիա)՝ ՆԱՏՕ-ի ֆինանսավորմամբ:

   ՀՀ ԳԱԱ Տեղեկատվական-վերլուծական ծառայություն
   27.11.2017թ.



Կայքը վերջին անգամ թարմացվել է՝  16:16, 18/09/2020

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - COVID-19 - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում - Հայտարարություններ - Լուսանկարներ
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ - Այլ ակադեմիաներ
Համալսարաններ - Լինդաու - Կայքի քարտեզ - Որոնում