ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Սփյուռքի բաժինը ներկայացնում է
Արմաիս Կամալով

    Բժշկական գիտությունների դոկտոր, պրոֆեսոր, ՌԳԱ ակադեմիկոս, ՀՀ ԳԱԱ արտասահմանյան անդամ Արմաիս Կամալովը ծնվել է Թբիլիսիում, 1961 թ. հունիսի 3-ին:

    Գերազանցությամբ ավարտելով միջնակարգ դպրոցը՝ Արմաիս Կամալովը 1978 թ. ընդունվում է Ն. Ի. Պիրոգովի անվան Մոսկվայի պետական բժշկական ինստիտուտ, որը գերազանց առաջադիմությամբ ավարտում է 1984 թ.-ին: Այնուհետև, 1985-1987 թթ. կրթությունը շարունակել է կլինիկական օրդինատուրայում՝ Ա. Վ. Վիշնևսկիի անվան ուրոլոգիական ինստիտուտում:

    Ավարտելով օրդինատուրան՝ 1987 թ. Ա. Կամալովն աշխատանքի է անցնում և մինչև 2010 թ. աշխատում է ՌԴ առողջապահության նախարարության ուրոլոգիական գիտահետազոտական ինստիտուտում: Այս ժամանակաշրջանում նա խորամուխ է լինում նոր էնդոսկոպիկ մեթոդով բուժման ուսումնասիրություններում, որը լայնորեն կիրառվում է մինչ այժմ:

    Այս ուսումնասիրությունների արդյունքում՝  1992 թ. Ա. Կամալովը պաշտպանում է իր թեկնածուական թեզը՝  «Трансуретральная эндоскопическая уретеролитотрипсия и уретеролитоэкстракция» թեմայով:

    1998 թ. Ա. Կամալովն իրականացրած բազմաթիվ փորձերի և ստացած արդյունքներով պաշտպանում է դոկտորական «Эндоскопические методы диагностики и лечения доброкачественной гиперплазии простаты, стриктур и облитераций уретры, рака мочевого пузыря» թեմայով:

    Միևնույն ժամանակ, նա իր գիտելիքները փոխանցում է երիտասարդ մասնագետներին: 2001 թ. Կամալովը նշանակվում է Մ. Վ. Լոմոնոսովի անվան Մոսկվայի պետական համալսարանի պրոֆեսոր՝ դասավանդելով ուրոլոգիային վերաբերող դասընթացներ:

    2010 թվականից ցայժմ նա հանդիսանում է Մ. Վ. Լոմոնոսովի անվան Մոսկվայի պետական համալսարանի Հիմնարար բժշկության ուրոլոգիայի և անդրոլոգիայի ամբիոնի ղեկավար:

    Կամալովը նաև պատրաստում է երիտասարդ մասնագետներ, որի արդյունքում նրա ղեկավարությամբ պաշտպանել են 3 գիտությունների դոկտորներ, 10 գիտությունների թեկնածուներ:

    Գիտամանկավարժական ողջ ժամանակահատվածում Ա. Ա. Կամալովը հրատարակել է 300-ից ավելի գիտական հոդվածներ, մեթոդաբանական երաշխավորագրեր, երեք մենագրություն (համահեղինակությամբ), 6 դասագիրք, 8 գիրք (համահեղինակությամբ), որոնք վերաբերվում են ուրոլոգիային: Ունի երեք արտոնագիր, որոնք վերաբերում են ուրոլոգիական բուժման և դրանց գործիքներին: Կամալովի ղեկավարությամբ իրականացվել է ավելի քան 40 կլինիկական հետազոտություն:

    Ա. Ա. Կամալովը երբեք Հայաստանում չապրելով, այնուամենայնիվ, մշտապես պահպանել է կապը մայր հայրենիքի գիտական կազմակերպությունների հետ, մասնակցել տարատեսակ ծրագրերի և իր գիտելիքները ի սպաս դրել հայրենական բժշկական գիտության զարգացմանը: Դրա վառ ապացույցը եղավ 2011 թ. Երևանում կազմակերպված միջազգային կոնգրեսը. այն իրականացվեց «Առողջ տղամարդ, երջանիկ ընտանիք» խորագրով, որն ունեցավ ոչ միայն առողջապահական, այլ նաև սոցիալական նշանակություն: Հայաստանը հյուրընկալեց
ավելի քան 1500 բժիշկների աշխարհի տարբեր ծայրերից: Ա. Կամալովը հուսով է, որ այս միջազգային կոնգրեսի հաջողված փորձը կարող է նպաստել՝ Երևանում կառավարության աջակցությամբ  իրականացնելու մարդու ուրոանդրոլոգիայի և վերականգնողական կլինիկայի ստեղծմանը:

    Նրա գերնպատակն է, Իսրայելի օրինակով, Հայաստանը դարձնել տարածաշրջանի բժշկական գլխավոր կենտրոններից մեկը, ինչին կարող են նպաստել աշխարհով մեկ սփռված լավագույն հայ բժիշկները: Սա կարող է ոչ միայն բարձրացնել Հայաստանի վարկանիշն աշխարհում, այլև իրական օգնություն կլինի տնտեսությանը:

    2014 թ. ի վեր Ա. Կամալովը ղեկավարում է Մ. Վ. Լոմոնոսովի անվան Մոսկվայի պետական համալսարանի բժշկական գիտակրթական կենտրոնը, որտեղ իր գործընկերների հետ աշխատում են պրոտեոմիկայի, գենոմիկայի, բջջային տեխնոլոգիաների, ռեգեներատիվ բժշկության հիմնարար գիտական ծրագրերի ուղղությամբ:

    Նրա կարծիքով, բժշկության ոլորտում հնարավոր է հաստատել սերտ միջպետական գիտական կապեր Հայաստանի և Ռուսաստանի միջև, քանզի Հայաստանում շատ կան տաղանդավոր գիտնականներ, բժիշկներ, գիտահետազոտական ինստիտուտներ, կենտրոններ ու լաբորատորիաներ, որտեղ հնարավոր է ապագայում իրականացնել կարևոր համատեղ ծրագրեր:

    Հիրավի բազմաթիվ են Ա. Կամալովի մասնագիտական ձերքբերումները. ՌԴ մեդալ «Աշխատանքային գործունեության համար» (1997 թ.), «Ռուսաստանի լավագույն բժիշկ» (2006 թ.), «Ն. Ա. Լոպատկինի անվան մրցույթի դափնեկիր» Ռուսաստանի ուրոլոգիայի զարգացման գործում ունեցած ներդրման համար (2009 թ.), Ռուսաստանի Դաշնության գիտության վաստակավոր գործիչ (2015 թ.): Նա 2012-2014 թթ. Մոսկվա քաղաքի առողջապահության վարչության գլխավոր ուրոլոգն էր, ինչպես նաև ուրոլոգների եվրոպական ընկերակցության անդամ, համաշխարհային էնդրոուրոլոգիայի ընկերության անդամ, ինչպես նաև 2003 թվականից «Տղամարդկային առողջություն»  ՌՈՒԸ նախագահ:  2020 թվականին պարգևատրվել է Ալեքսանդր Նևսկու շքանշանով, ունի նաև III աստիճանի Պատվո շքանշան։

    Հաշվի առնելով Արմաիս Կամալովի գիտական ձեռքբերումները և սերտ կապերը Հայաստանի հետ, բարձր գնահատելով նրա ավանդը գիտության զարգացման գործում՝ ՀՀ գիտությունների ազգային ակադեմիան 2014 թվականին նրան ընտրել է ԳԱԱ արտասահմանյան անդամ:

    Ռուսաստանի Դաշնության գիտությունների ակադեմիան, բարձր գնահատելով Ա. Կամալովի ներդրումը հայրենական առողջապահության ոլորտում, 2016 թ. նրան ընտրեց ՌԳԱ ակադեմիկոս:

    Այսօր էլ Ա. Կամալովը շարունակում է սերտ համագործակցությունը հայաստանյան բժշկական, գիտակրթական հիմնարկների և ոլորտի մասնագետների հետ: 2019թ. Հայաստանի հեռավոր գյուղերում, որտեղ մշտական բժիշկներ չկան, օրգանիզմի դիագնոստիկա են իրականացրել Մոսկվայի պետական համալսարանում ստեղծված սարքերով։ Ակադեմիկոսը հիմնադրել է «Ժառանգություն և առաջընթաց» հիմնադրամը, որը զբաղվում է Հայաստանի և Ռուսաստանի միջպետական մշակութային ժառանգության պահպանությամբ։

   Գոհար Իսկանդարյան, պ.գ.թ. դոցենտ
   ՀՀ ԳԱԱ սփյուռքի բաժնի գիտքարտուղար


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/02/2024

Դա հետաքրքիր մեխանիզմ է. Օրինակ՝ կարող է սահմանագծման գործընթացում գիտական թեմա ի հայտ գալ. Փաշինյան
news.am
21/02/2024

Փաշինյանն առաջարկել է բուհերի ազատված շենքերը վարձակալության տալ և եկամուտն ուղղել «Ակադեմիական քաղաքի» ֆինանսավորմանը
news.am
21/02/2024

Գիտական կոչումների շնորհման գործընթացում ստաբիլ ցածր դինամիկա կա. պատճառը գրագողության դեմ պայքարն է. Սարգիս Հայոցյան
news.am
20/02/2024

Վարչապետին է ներկայացվել Բարձրագույն կրթության և գիտության կոմիտեի 2023թ. հաշվետվությունը
primeminister.am
Կայքը հաճախել են
6 853 005

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:41, 23/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: