- հայ ժողովրդի կազմավորումը, Հայոց հնագույն պետականությունների պատմություն
- Հայաստանը միջին դարերում, Կիլիկիայի հայկական պետականության պատմություն 
- հայ եկեղեցու պատմություն
- հայ ազգային-ազատագրական շարժումների պատմություն
- հայկական հարցի և հայոց ցեղասպանության պատմություն
- հայ մամուլի, քաղաքական հոսանքների և կուսակցությունների պատմություն
- Հայաստանում ժողովրդագրական գործընթացների ուսումնասիրություն
- Հայաստանի I (1918-1920 թթ.), II (1920–1991 թթ.), III (1991 թ. հետո) հանրապետությունների, ԼՂԻՄ, ԼՂՀ  պատմություն
- հայ գաղթավայրերի և սփյուռքի պատմություն
- հայոց պատմության աղբյուրագիտություն և պատմագրություն

Հրատարակվել են`
- «Մանր ժամանակագրություններ», «Հայերեն ձեռագիր հիշատակարաններ», «Կանոնագիրք Հայոց», Արևելյան Հայաստանի Ռուսաստանին միանալուն, Օսմանյան կայսրությունում Հայոց ցեղասպանությանը և մեծ տերությունների քաղաքականությանը (հայերեն, ռուսերեն, գերմաներեն), Հայաստանի I հանրապետության քաղաքական պատմությանը, Լեռնային Ղարաբաղի 1917-1923 թթ. դեպքերին, Երկրորդ համաշխարհային և Հայրենական մեծ պատերազմներին հայերի մասնակցությանը, հայ-ռուսական, հայ-ուկրաինական, հայ-մոլդովական, հայ-հունգարական պատմական և մշակութային կապերի պատմությանը նվիրված ժողովածուներ, «Հայ գաղթաշխարհի պատմության» երկու հատորները, «Հայ պարբերական մամուլի պատմություն (18-19-րդ դարեր)» մեծածավալ աշխատության I հատորը:
- Հայ պատմաբանների ձեռքբերումները խորհրդային ժամանակաշրջանում ընդհանրացվել են «Հայ ժողովրդի պատմություն» ութհատորյակում (1967-1984 թթ., որն արժանացել է պետական մրցանակի):
- Արդի հայ պատմագիտության ձեռքբերումներն արտացոլվելու են «Հայոց պատմություն» ակադեմիական նոր հրատարակությունում: 2010 թ. հրատարակվել է այդ աշխատության III հատորի I գիրքը (17-րդ դ. II կես–1900 թ.) և IV հատորի I գիրքը (1918-1945 թթ.):
- Հրատարակվում է «Հայոց պատմության հարցեր» գիտական հոդվածների ժողովածուն: