National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N355-356 հուլիս 2021թ.
N355-356
COVID-19
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Մոլեկուլային կենսաբանության ինստիտուտ
Մոլեկուլային կենսաբանության ինստիտուտ
Բնական գիտությունների բաժանմունք
Մասնագիտացում՝ Մոլեկուլային-բջջային կենսաբանություն
Հիմնադրման տարեթիվ՝ 1966թ.
Տնօրեն՝ կ.գ.թ.
Առաքելյան Արսեն Արտաշեսի
Հասցե՝ ք. Երևան 0014, Հասրաթյան փ. 7
Հեռախոսահամար՝ (+374 10) 281626
Ֆաքս՝ (+374 10) 282061
Էլեկտրոնային փոստ՝ aarakelyan {[ at ]} sci.am, imb {[ at ]} sci.am
Ինտերնետային կայք՝ http://www.molbiol.sci.am/
Ընդհանուր տեղեկություններ

Պատմությունը

ՀՀ ԳԱԱ Մոլեկուլային կենսաբանության ինստիտուտը (ՄԿԻ) հիմնադրվել է 1966թ.-ին` Հայաստանում մոլեկուլային կենսաբանության ոլորտում հետազոտությունների զարգացման նպատակով: XXդ. ընթացքում ՄԿԻ-ում տարվող ուսումնասիրությունները  զգալի ներդրում են ունեցել նուկլեինաթթուների, սպիտակուցների, բջիջների և բջջային օրգանելների կառուցվածքաֆունկցիոնալ կազմավորման օրինաչափությունների պարզաբանման հարցերում: 

Մարդկային ներուժը և ենթակառուցվածքը

Ինստիտուտում աշխատում է 130 աշխատակից, որոնց թվում` 15 գիտության դոկտորներ և 53 գիտության թեկնածուներ: ՄԿԻ աշխատակազմի մեջ մտնում են 18 գիտահետազոտական (1 բաժին, 11 լաբորատորիա և 7 խմբեր) և 3 գիտակրթական ենթաբաժիններ: ՄԿԻ-ում գործում են` գիտական խորհուրդը, երիտասարդ գիտնականների խորհուրդը և էթիկայի կոմիտեն: ՄԿԻ-ի ծառայողական և սպասարկող ենթամիավորներն են` գրադարանը, մարդու ԴՆԹ-երի նմուշների բանկը, բջջային գծերի հավաքածուն, կենդանանոցը և համակարգչային տեղային ցանցը:

Գործունեության հիմնական ոլորտներ

Այսօր ՄԿԻ գիտական հետազոտությունները հիմնականում ուղղված են բջջային ակտիվության կարգավորման մեխանիզմների, ինչպես նաև օրգանիզմի տարբեր ախտաբանական վիճակներում` ներառյալ աուտաիմունային, աուտաբորբոքային, վարակիչ, օնկոլոգիական, հոգեկան և ուղեղանոթային հիվանդությունների ժամանակ դրանց խանգարումների պարզաբանմանը: Ուսումնասիրություններն անցկացվում են in vivo, in vitvo, in situ և in silico` գենետիկական, բջջային, թաղանթային և ենթաբջջային մակարդակներով: Առանձնահատուկ ուշադրություն է դաևձվում իմունային և ազդանշանային համակարգերի միջնորդանյութերին: Հետազոտություններում օգտագործվում են փորձարարական կենդանիներ, բջջային կուլտուրաներ, կլինիկան նյութեր և համակարգչային մոդելներ: ՄԿԻ-ում իրականացվող հետազոտությունների կարևորագույն խնդիրը հայկական գենոմի ուսումնասիրությունն է` պաթոգենոմիկայի, էկոգենոմիկայի, իմունոգենոմիկայի և պոպուլյացիոն գենոմիկայի մոտեցումների կիրառությամբ:

Հիմնական արդյունքներ

Հետազոտությունների արդյունքների հիմնարար և կիրառական արժեքը

ՄԿԻ-ում իրականացվող ուսումնասիրությունները թույլ են տալիս պարզաբանել մի շարք բազմագործոն բնույթի պոլիգենային հիվանդությունների մոլեկուլաբջջային պաթոմեխանիզմները, նույնակայնացնել հիվանդությունների մոլեկուլային կենսամարկերները և թերապևտիկ թիրախները, ինչպես նաև հայտնաբերել թերապևտիկ արժեք ունեցող նոր ֆիզիոլոգիապես ակտիվ նյութեր: Հետազոտությունների արդյունքների կիրառման ոլորտը ներառում է հիվանդությունների մոլեկուլային ախտորոշումը, կանխորոշումը, կանխարգելումը և բուժումը, ինչպես նաև հիվանդության ընթացքի վերահսկումը և կիրառվող թերապիայի արդյունավետության գնահատումը: Վերոհիշյալ ոլորտներում ՄԿԻ-ն ունի մի շարք մշակումներ և հանդիսանում է համապատասխան արտոնագրերի սեփականատեր:

Գիտական արտադրանքը և կիրառական մշակումները

ՄԿԻ վերջին տարիների (2007-2013թթ.) գիտական արտադրանքը ներառում է 24 գրքեր, 216 հոդվածներ արտասահմանյան ամսագրերում, 172 հոդվածներ հայաստանյան ամսագրերում, 162 հրապարակումներ միջազգային գիտաժողովների նյութերում, 196 հրապարակումներ Հայաստանում անցկացված գիտաժողովների նյութերում և 12 արտոնագրեր: ՄԿԻ գիտնականների կողմից մշակվել են ժամանակակից թեսթ-համակարգեր՝ շիզոֆրենիայի և գերհոգնածության ախտանիշի մոլեկուլային ախտորոշման համար, նորարարական մոտեցումներ տարբեր տիպի լեյկոզների և ուռուցքների քիմիաթերապիայի անհատական կուրսի ընտրության համար, նոր հակավիրուսային պատրաստուկ դաբաղի և Նյու-Կասլի հիվանդությունների կանխարգելման և բուժման համար ու մի շարք այլ արտադրանքներ:  

Միջազգային գործունեություն

ՄԿԻ-ն ինտեգրված է միջազգային գիտական համակարգի մեջ և սերտորեն համագործակցում է մի շարք արտասահմանյան գիտական կենտրոնների և համալսարանների հետ: Համագործակցությունն իրագործվում է համատեղ ծրագրերի իրականացման, ինչպես նաև համատեղ գիտաժողովների, դպրոցների և սեմինարների կազմակերպման մակարդակով:
Վերջին տարիների ընթացքում (2007-2013թթ.) ՄԿԻ-ի գիտաշխատողներն ակտիվ մասնակցություն են ցուցաբերել միջազգային գիտաժողովներում և նմանատիպ միջոցառումներում:
Այդ իսկ տարիների ընթացքում (2007-2013թթ.) միջազգային գիտաժողովներում ներկայացվել է 132 բանավոր զեկույց և 86 պաստառ, իսկ ՄԿԻ-ի 18 աշխատակիցներ դարձել են լավագույն զեկույցների մրցանակակիրներ:  Ի հավելում պետք է նշել, որ ՄԿԻ-ը հանդիսանում է Հայաստանում բազմաթիվ միջազգային գիտաժողովների ու գիտական միջոցառումների կազմակերպիչ:
2007-ից 2013 թթ-ի ընթացքում ՄԿԻ-ում կազմակերպվել ու անցկացվել են 6 միջազգային գիտաժողովներ, 1 սեմինար և 2 միջազգային դպրոցներ:

Հավելյալ տեղեկություններ

Ֆինանսավորման աղբյուրները և հետազոտական դրամաշնորհները

ՄԿԻ հիմնական գործունեությունը ֆինանսավորվում է պետբյուջեյի միջոցներից: Բացի այդ, ՄԿԻ գիտաշխատողներն ինստիտուտի գիտական ուղղվածության շրջանակներում ներգրավված են մի շարք ծրագրերի մեջ, որոնք իրականացվում են մրցութային կարգով տրվող ազգային կամ միջազգային դրամաշնորհների միջոցով: Սկսած 2000թ.-ից այդպիսի ծրագրերի ընդհանուր թիվը կազմում է 89:

Գործընկեր կազմակերպությունները Հայաստանում

Հայաստանում ՄԿԻ-ն համագործակցում է հանրապետության գլխավոր համալսարանների, ՀՀ ԱՆ գիտաբժշկական կենտրոնների, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի և մի շարք այլ կազմակերպությունների հետ: Համագործակցությունն իրագործվում է գիտատեխնիկական համագործակցության պայմանագրերի հիման վրա համատեղ ծրագրերի իրականացման, համատեղ լաբորատորիաների և ամբիոնների ստեղծման և համատեղ գիտաժողովների, դպրոցների ու սեմինարների կազմակերպման և անցկացման մակարդակով: ՄԿԻ-ն հանդիսանում է Կենսաբանական հոգեբուժության հայկական միավորման, Մոլեկուլաբջջային կենսաբանության ու իմունոլոգիայի հայկական ասոցիացիայի հիմնադիր և Հայկական կենսատեխնոլոգիական ասոցիացիայի, Հայաստանի էլեկտրոնային գրադարանների կոնսորցիումի և Հայաստանի «Technology Transfer» ասոցիացիայի անդամ, ինչպես նաև GARA-ի (Խոզերի Աֆրիկական Ժանտախտի Հետազոտությունների  Համաշխարհային Միության) գործընկեր:

Վերջին հայտարարություններ








ՀՀ ԳԱԱ գիտակրթական միջազգային կենտրոնը հայտարարում է 2021-2022 ուս տարվա ընդունելություն մագիստրատուրայում

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/07/2021
Նոր հետազոտություն. թունավոր մակաբույծները կարող են մահվան պատճառ դառնալ
1lurer.am
28/07/2021
Тепло Земли
golosarmenii.am
27/07/2021
Վերսկսվել են երկու պատերազմների պատճառով ընդհատված պեղումները
hy.armradio.am
12/07/2021
ՀՀ ԳԱԱ-ում քննարկվել է գիտաշխատողների աշխատավարձերի բարձրացման հարցը shantnews.am
12/07/2021
Ադրբեջանից եկող գետերի ջրի որակը պետք է թունաբանական մոնիթորինգի ենթարկվի. Գաբրիելյան armeniasputnik.am
11/07/2021
Կառավարությունը գիտության ոլորտում կատարել է երկու աննախադեպ քայլ, բայց դա բավարար չէ, կիսաքայլեր են 1in.am
Կայքը հաճախել են
5 792 508

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  15:46, 29/07/2021 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - COVID-19 - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: