ՀՀ ԳԱԱ պատմության ինստիտուտի և Իտալիայի Միջերկրածովյան և արևելյան հետազոտությունների ասոցիացիայի (ISMEO) միջև ստորագրվել է համագործակցության պայմանագիր։ Այն ստորագրել են ՀՀ ԳԱԱ պատմության ինստիտուտի տնօրեն, ՀՀ ԳԱԱ ակադեմիկոս Աշոտ Մելքոնյանը և ISMEO-ի ներկայացուցիչ, հետազոտող դոկտոր Ռոբերտո Դանը։
Համագործակցության շրջանակում նախատեսվում է իրականացնել համատեղ հետազոտություններ, գիտաժողովներ, հրատարակություններ, փորձի փոխանակում և մի շարք այլ ծրագրեր:
Աշոտ Մելքոնյանը նշել է նման համագործակցության անհրաժեշտությունն ու կարևորությունը: Ռոբերտո Դանը բարձր է գնահատել ՀՀ ԳԱԱ պատմության ինստիտուտի հետ համագործակցության նշանակությունը և Աշոտ Մելքոնյանին է փոխանցել ISMEO-ի նախագահ պրոֆեսոր Ադրիանո Ռոսսիի ջերմ բարեմաղթանքները:
![academy [@] sci.am](images/email.jpg "academy [@] sci.am")
