Սույն թվականի հոկտեմբերի 25-ին ՀՀ Գիտությունների ազգային ակադեմիայում տեղի ունեցավ առաջին «SciTalk» գիտական հանդիպումը, որը կազմակերպվել էր բժիշկ ուսանողների համար։ Նպատակը՝ ապագա
բժիշկներին ներգրավել գիտական հետազոտություններում, ամրապնդել բժիշկ-գիտնական կապը, ստեղծել ընդհանուր հարթակ, որտեղ ՀՀ ԳԱԱ համակարգի գիտնականները և բժիշկները կքննարկեն առողջապահական խնդիրները տարբեր տեսանկյուններից։
Հանդիպման ժամանակ առողջապահության և բժշկության գիտական հիմքերը ներկայացրին ՀՀ ԳԱԱ Լևոն Օրբելու անվան ֆիզիոլոգիայի ինստիտուտի տնօրեն Նաիրա Այվազյանը, «Folding» ընկերության գործադիր
տնօրեն Էմանուել Ղանդիլյանը, մանկական վիրաբույժ և ուրոլոգ Աշոտ Հովսեփյանը և Լեհաստանից հոգեբան Կատարինա Կովալչզուկը։
Նրանք պատմեցին օձի թույնի ժամանակակից հետազոտությունների, հյուսվածքային ինժեներիայի ներկա վիճակի և կանխատեսումների, Հայաստանում պրոթեզավորման արդի վիճակի և վնասի նվազեցման մեթոդների մասին։
«SciTalk» գիտական հանդիպումը կկրի շարունակական բնույթ։ Այն կազմակերպել էր ՀՀ ԳԱԱ Միջազգային կապերի և երիտասարդական ծրագրերի վարչությունը՝ «ԲԻԼ Հայաստան» առողջապահության ուսանողների ասոցիացիայի հետ համատեղ։
ՀՀ ԳԱԱ գիտության հանրայնացման և հասարակայնության հետ կապերի բաժին
30.10.2024թ․
![academy [@] sci.am](images/email.jpg "academy [@] sci.am")
