National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N336 դեկտեմբեր 2019թ.
N336
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
27/09/2017
ՀՀ ԳԱԱ-ում անցկացվեց «ՏՀՏ և հարակից ոլորտներում Հայաստանի և Սփյուռքի գիտնականների միջև համագործակցության խթանում» աշխատաժողովը

    Սեպտեմբերի 27-ին ՀՀ Գիտությունների ազգային ակադեմիայում (ՀՀ ԳԱԱ) անցկացվեց Եվրոպական ծրագրերում Հայաստանի և Սփյուռքի գիտնականների միջև համագործակցության խթանմանն ուղղված աշխատաժողով: Աշխատաժողովի հիմնական նպատակն էր խթանել Հայաստանի և Սփյուռքի գիտնականների ավելի սերտ համագործակցությունը, մասնավորապես, Եվրոպական «Հորիզոն 2020» ծրագրի շրջանակներում տեղեկատվական տեխնոլոգիաների և հարակից գիտությունների ոլորտում համատեղ առաջարկների նախապատրաստման և ներկայացման միջոցով:  Միջոցառմանը մասնակցեցին Եվրահանձնաժողովի և Հայաստանում Եվրամիության պատվիրակության ներկայացուցիչներ, հայազգի գիտնականներ Գերմանիայից, Հունաստանից, Մեծ Բրիտանիայից, Նիդերլանդներից, Նորվեգիայից, Հայաստանի տարբեր գիտահետազոտական ինստիտուտներից, համալսարաններից, ձեռնարկություններից: 

    Ողջունելով աշխատաժողովի մասնակիցներին` ՀՀ ԳԱԱ փոխնախագահ ակադեմիկոս Յուրի Շուքուրյանն ասաց. «ՀՀ ԳԱԱ-ն զգալի ուշադրություն է դարձնում ինչպես եվրոպական ծրագրերում մեր ինստիտուտների ավելի ակտիվ մասնակցության խթանմանը, այնպես էլ Սփյուռքի գիտնականների հետ ավելի սերտ համագործակցության զարգացմանը: Ակադեմիայի համակարգում վերջին տարիներին ստեղծվել և գործում է Միջազգային գիտական և տեխնոլոգիական ծրագրերի բաժինը, որի հիմնական գործառույթն է եվրոպական ծրագրերում ինստիտուտների մասնակցության համար խորհրդատվություն տրամադրելը, տեղեկատվություն  տարածելը և նպատակային միջոցառումներին աջակցելը: Ստեղծվել է նաև Սփյուռքի բաժին, որի նպատակն է զարգացնել և խորացնել համագործակցությունը հատկապես գիտական սփյուռքի հետ: Ուրախալի փաստ է, որ այս միջոցառմանը մասնակցում են գիտական սփյուռքի ներկայացուցիչներ այնպիսի երկրներից, ինչպիսիք են` Մեծ Բրիտանիան, Գերմանիան, Նիդեռլանդները, Նորվեգիան, որոնք ներկայացնում են առաջատար համալսարաններ և  ձեռնարկություններ: Համոզված եմ, որ նրանք կնպաստեն գիտական կապերի զարգացմանը և համատեղ առաջարկներ կմշակեն «Հորիզոն 2020» ծրագրի մրցույթներին ներկայացնելու համար»: 

27092017_1.jpg
    Աշխատաժողովի մասնակիցներին ողջունեց Եվրամիության պատվիրակության ներկայացուցիչ Հոա-Բին Աջեմյանը:  Նա կարևորեց Հայաստանի և Եվրամիության համագործակցությունը` նշելով, որ նախատեսվում է Հայաստանի և Եվրամիության միջև համագործակցության համաձայնագրի ստորագրում: «Այդ համաձայնագրի շրջանակներում նախատեսվում է տարբեր ոլորտներում համագործակցություն, ինչպես նաև այդ համաձայնագրի կարևոր կետերից է աջակցող խմբերի հետ համագործակցությունը: Մենք հավատում ենք, որ Սփյուռքը Հայաստանը դիտում է ոչ միայն որպես հայրենիք, այլ որպես ներդրումների վայր: Եւ այս տեսանկյունից մենք աջակցում ենք Սփյուռքի կազմակերպություններին` որպես աջակցող խմբերի` համոզված լինելով, որ նրանք կարող են Հայաստանում փոփոխություններ իրականացնել»,- մասնավորապես ասաց Հոա-Բին Աջեմյանը: 

27092017_2.jpg
    Աշխատաժողովն անցկացվեց «Կոմպյուտերային գիտություններ և տեղեկատվական տեխնոլոգիաներ» (CSIT 2017) միջազգային գիտաժողովի  շրջանակներում` ՀՀ ԳԱԱ մասնակցությամբ «Հորիզոն 2020» ծրագրի «Գիտության, տեխնոլոգիաների և նորարարության ոլորտում համագործակցության ցանց Արևելյան գործընկերության երկրների համար պլյուս» նախագծի հետ համատեղ: 
Աշխատաժողովի ընթացքում ներկայացվեցին «Հորիզոն 2020» ծրագրի տեղեկատվական տեխնոլոգիաների ուղղության 2018-2020 թվականների աշխատանքային ծրագիրը և մրցույթների թեմատիկաները, ինչպես նաև «Հորիզոն 2020» ծրագրին 2016թ-ին Հայաստանի ասոցացման արդյունքում նոր հնարավորությունները` մասնավորապես, թվինինգ գործիքը: 

ՀՀ ԳԱԱ Տեղեկատվական-վերլուծական ծառայություն
27.09.2017թ.

Վերջին հայտարարություններ
Հրապարակումներ մամուլում
09/01/2020
Սարգիս Հայոցյանը նշանակվել է գիտության կոմիտեի նախագահ
armtimes.com
13/12/2019
Հանրային խորհրդում քննարկվել է «Բարձրագույն կրթության և գիտության մասին» ՀՀ օրենքի նախագիծը
ankakh.com
02/12/2019
Գիտությունների ազգային ակադեմիայի դերը Հայաստանի դատափորձագիտական ոլորտի զարգացման գործում
news.am
02/12/2019
Նա առանձնահատուկ էր թե՛ որպես պրպտուն գիտնական, թե՛ որպես իսկական մանկավարժի որակներով օժտված դասախոս, և որպես մարդ, ով ուներ բարձր արժեհամակարգ. ՀՀ նախագահը ցավակցական ուղերձ է հղել ակադեմիկոս Դավիթ Սեդրակյանի ընտանիքին
aravot.am
01/12/2019
Կյանքից հեռացել է հայ մեծանուն ֆիզիկոս և աստղաֆիզիկոս Դավիթ Սեդրակյանը
mamul.am
30/11/2019
Գիտությունն ու դրա ֆինանսավորումը Հայաստանում. Հովհաննես Հովհաննիսյան
hetq.am
Կայքը հաճախել են
1 831 803

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  15:33, 23/01/2020 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2020, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: