ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
19/04/2024
«Մենք կանգնած ենք անորոշությունների առջև»․ ՀՀ ԳԱԱ Էկոլոգոնոոսֆերային հետազոտությունների կենտրոնի տնօրեն Լիլիթ Սահակյան

Սույն թվականի ապրիլի 3-ին կայացած ՀՀ Գիտությունների ազգային ակադեմիայի ընդհանուր ժողովում քննարկվեց ՀՀ պետական ԲՈՒՀ-երի խոշորացման և գիտահետազոտական կազմակերպությունների հետ ինտեգրման հարցը։ Ելույթներով հանդես եկան ՀՀ ԳԱԱ գիտական ինստիտուտների և կենտրոնների տնօրեններ և գիտաշխատողներ։

«Ակադեմիական քաղաք» ծրագրի հայեցակարգով նախատեսվում է ստեղծել 6 կլաստեր՝ դասական, բժշկական, տեխնոլոգիական, կրթական, արվեստների և սպայական, որոնցում միավորվելու են ԲՈՒՀ-երն ու գիտահետազոտական ինստիտուտները և կենտրոնները։ 

«Մենք կանգնած ենք անորոշությունների առջև։ Այսօր խոսակցությունների մեծ մասը հաղորդակցության պակասի մասին է։ Կարծիքները տարբեր են և՛ այն կողմից, և՛ այս կողմից, և սա բերեց ավելի մեծ անորոշությունների։ 

Ի՞նչն էր խանգարում ակադեմիային իրականացնել մի նպատակային ծրագիր, որտեղ բոլոր մասնագետները կհամախմբվեին և մենք այսօր կունենայինք հակընդեմ փաստարկներ այդ ծրագրին («Ակադեմիական քաղաք»)։ Ռիսկերը շատ մեծ են։ Ռիսկեր տեսնում եմ կենտրոնացման մեջ, որ անվտանգային խնդիրներ ունեցող երկրում անկախ գիտական կազմակերպություններ նախատեսված չեն, կամ, գուցե, նախատեսված են, բայց այդ մասին չի ասվել։ 

Ես հույս ունեմ, որ այսօրվա քննարկումները ոչ թե կխորացնեն այն հեռավորությունը, որը կա այս ծրագիրն («Ակադեմիական քաղաք») առաջ տանողի և Գիտությունների ազգային ակադեմիայի միջև, այլ կբերեն կառուցողական դաշտ։ Մեր բաժանմունքում տնօրեններով առաջարկեցինք, հստակ պատկերացնելով, որ եթե տնօրենները համախմբվեն, մենք կկարողանանք ավելի պահանջատեր լինել՝ Գիտությունների ազգային ակադեմիայում ավելի ռադիկալ փոփոխություններ իրականացնելու համար, և հասնել նրան, որ Բարձրագույն կրթության և գիտության կոմիտեն ավելի հաշվետու լինի և ավելի մեր հետ հաշվի նստի։ Շարժիչ ուժն այն է, որ մենք ունենանք միասնական մոտեցում՝ ոնց ենք մեզ դիրքավորում աշխատանքային խմբերում։ Այո, կարող ենք ուղղակի չդիրքավորվել, ասել՝ չենք մասնակցում, բայց եթե դա բերելու է լավ տեղ, քննարկենք, միասին դա անենք։ 

Մեր բոլորի խնդիրն է, որ եթե փոփոխություններն անխուսափելի են, ապա այդ փոփոխությունները լինեն գոնե կառավարելի ռիսկերով։ Այսօր ես ռիսկերի կառավարման մեխանիզմները չեմ տեսնում, որովհետև քննարկում ենք անորոշության պայմաններում։ ԲՈՒՀ-ական ուռճացրած համակարգը խանգարելու է գիտնականներին և գցելու է մեր ճկունությունը։ Կոչ եմ անում, որ ակադեմիան նորից փորձի հասկանալ՝ որտեղից երկխոսությունը կտրվեց և ոնց կարող ենք Հայաստանի ընդհանուր 4000 գիտնականներով նստենք, խոսենք, հասկանանք՝ որն է մեր նպատակը»։

ՀՀ ԳԱԱ նախագահ, ակադեմիկոս Աշոտ Սաղյանն արձագանքեց․ «Գիտությունների ազգային ակադեմիան միշտ պատրաստ է երկխոսության։ Սակայն դուք գիտեք, թե հարցն ինչպես է դրված և այդ հարցի մեջ կա՞ ակադեմիայի անունը, թե՝ չէ։ Ձեզ հետ քննարկումների միշտ պատրաստ ենք, ձեր շահերը միշտ պաշտպանել ենք և պաշտպանելու ենք։ Այստեղ խնդիրն ինստիտուտները պահպանելն է, ինստիտուտներ, որոնք բոլորն էլ ինչ-որ ռազմավարական ուղղություններով են։ Այսօր խնդիր է ընտրել այնպիսի ճիշտ համակարգ, որպեսզի ինստիտուտները մնան, զարգանան, ոչ թե գնան մարման։ Այստեղ ակադեմիայի խնդիրը չէ, գրել էլ ենք, կանչում էլ ենք։ Երկխոսություն լինում է երկու կողմի միջև, մեկ հոգին իր հետ չի կարող երկխոսել»։

ՀՀ ԳԱԱ գիտության հանրայնացման և հասարակայնության հետ կապերի բաժին

19․04․2024թ․


Ազդեր








Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով` «ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

Ս.թ. մայիսի 15-ին, ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «Աստղագիտությունը միջճյուղային և բազմաճյուղային գիտությունների խաչմերուկներում» թեմայով սեմինար, որը կներկայացնի ՀՀ ԳԱԱ Վ.Համբարձումյանի անվ. Բյուրականի աստղադիտարանի տնօրեն՝ ֆ.-մ.գ.թ. Արեգ Միքայելյանը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
19/05/2024

Այցելուները կդառնան երկրաբաններ. «Թանգարանների գիշեր»-ը՝ Երկրաբանական թանգարանում
1lurer.am
19/05/2024

Հավատարիմ հայրենի ավանդույթներին. «Հայագիտակ»
hy.armradio.am
18/05/2024

ԳԱԱ լաբորատորիաներից մեկը 160 մլն դրամանոց սարք է ստացել. 2024-ին 4.2 մլրդ կտրամադրվի սարքերի համար
1lurer.am
Կայքը հաճախել են
6 979 590

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:42, 24/05/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: