National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N317 Ապրիլ 2018թ.
N317
Կառուցվածք
Բաժանմունքներ
Նախագահության անդամներ
Փաստաթղթեր
Նորություններ
Գիտաժողովներ
Բոլոր հրապարակումները մամուլում
Բոլոր հայտարարությունները
Լուսանկարներ
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաույում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
22/09/2017
Գիտական հանրությունը հանդիսավորությամբ նշեց վաստակաշատ պատմաբան Վլադիմիր Բարխուդարյանի 90-ամյա հոբելյանը

    Սեպտեմբերի 22-ին գիտական հանրությունը ՀՀ ԳԱԱ-ում հանդիսավորությամբ նշեց վաստակաշատ պատմաբան, հայագիտության բնագավառի ճանաչված կազմակերպիչ, գիտության վաստակավոր գործիչ ՀՀ ԳԱԱ ակադեմիկոս Վլադիմիր Բարխուդարյանի 90-ամյակը: ՀՀ ԳԱԱ Պատմության ինստիտուտում բացվեց ակադեմիկոս Վլադիմիր Բարխուդարյանի անվան սրահը: Սրահում պահվելու է Բարխուդարյանի ամբողջ գրաֆոնդը: Սրահը ծառայելու է  գիտաժողովների, ՀՀ ԳԱԱ Պատմության ինստիտուտի «Հայ գաղթավայրերի և Սփյուռքի բաժնի» նիստերի անցկացմանը: 

22092017-2b.jpg
    Սրահի բացմանը հաջորդեց հանդիսավոր նիստ: «Այսօր մենք հավաքվել ենք` նշելու ականավոր գիտնական, փայլուն մարդու 90-ամյակը: Մենք նորից ենք հիշում Վլադիմիր Բարխուդարյանի գործերը, նրա մարդկային ամենանուրբ գծերը, նրա հզոր, հսկա ծառայությունը, որ մատուցել է մեր հանրապետության համար, հատկապես Գիտությունների ազգային ակադեմիայի համար: Նրա ամբողջ կյանքը նվիրված էր Գիտությունների ազգային ակադեմիային: Մեզ համար այսօր շատ դժվար է, որ նա չկա: Մենք զգում ենք նրա պակասը, նրա խորհուրդների կարիքը, նրա նվիրվածությունը մեր բոլորի նկատմամբ»,- իր ելույթում ասաց ՀՀ ԳԱԱ նախագահ ակադեմիկոս  Ռադիկ Մարտիրոսյանը:

22092017-1b.jpg
    «Բարխուդարյանը վիթխարի վաստակ ունեցող պատմաբան էր, և այդ մասին վկայում են և իր գրքերը, և  գրախոսական կարծիքները, և այն պարգևները, որ նա ստացել է իր գիտական աշխատությունների համար: Նա շատ ջանք ու եռանդ է ներդրել, որպեսզի ակադեմիայում գիտական գործընթացը կազմակերպվի բարձր արդյունավետությամբ, իսկ հայագիտությունը զարգանա պատշաճ մակարդակով»,- ասաց ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս-քարտուղար Յուրի Սուվարյանը:

    «Մեր` պատմաբաններիս պատկերացմամբ Գիտությունների ակադեմիան ունի պատմություն, որը երկու մասի կարելի է բաժանել` մինչբարխուդարյանական ակադեմիա և հետբարխուդարյանական: Երբ որ սև ամպեր են կուտակվել ակադեմիայի գլխին, Բարխուդարյանը միշտ առաջին շարքում է եղել, պայքարել է և միշտ հաջողել է: Մենք պարտավոր ենք հետբարխուդարյանական շրջանում ակադեմիան պահել այն նույն բարձրության վրա, ինչպիսին Բարխուդարյանի ժամանակ կար: Սա մեր պարտքն է. ազգային արժեքը պիտի պահել»,- ասաց ՀՀ ԳԱԱ Պատմության ինստիտուտի տնօրեն ակադեմիկոս Աշոտ Մելքոնյանը:

22092017-3b.jpg
    Ընթերցվեցին Ն.Ս.Օ.Տ.Տ. Գարեգին Բ կաթողիկոսի և ՀՀ Սփյուռքի նախարար Հրանուշ Հակոբյանի ուղերձները: Ցուցադրվեց «Մի կյանքի պատմություն. Վլադիմիր Բարխուդարյան» ֆիլմը և ներկայացվեցին «Ակադեմիկոս Վլադիմիր Բարխուդարյան-90» (նյութերի ժողովածու, Եր., 2017), «Բարխուդարյան Վ.Բ., Ֆեոդալական հողատիրությունը Հայաստանում 9-11-րդ դդ.» (Եր., 2017) գրքերը:

    Հնչեցին ջերմ խոսքեր ակադեմիկոս Բարխուդարյանի աշակերտների և գործընկերների կողմից: Առաջարկվեց Բարխուդարյանի ծննդավայրի` Աղքյորփի գյուղի միջնակարգ դպրոցն անվանակոչել Վլադիմիր Բարխուդարյանի անունով:

ՀՀ ԳԱԱ Տեղեկատվական-վերլուծական ծառայություն
22.09.2017թ.

Վերջին հայտարարություններ
2018թ.-ի մայիսի 20-25-ը ՀՀ ԳԱԱ Նախագահությունը, ՀՀ ԳԱԱ Մաթեմատիկայի ինստիտուտը, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը, Երևանի պետական համալսարանը, Հարավային Ֆլորիդայի համալսարանը, Երևանի մաթեմատիկական մեքենաների գիտահետազոտական ինստիտուտը ՓԲԸ-ը, Հայկական Մաթեմատիկական միությունը անց են կացնում Սերգեյ Մերգելյանի 90-ամյակին նվիրված միջազգային գիտաժողով (Երևան, Հայաստան)

ՀՀ ԳԱԱ հայագիտության և հասարակական գիտությունների բաժանմունքը, Երևանի պետական համալսարանը ՀՀ Սփյուռքի նախարարության աջակցությամբ 2018 թ. մայիսի 25-26-ին հրավիրում են միջազգային գիտաժողով «Հայաստանի Հանրապետություն - 100» խորագրով՝ նվիրված Հայաստանի Հանրապետության հռչակման և Մայիսյան հերոսամարտերի 100-րդ տարեդարձին

2018թ.-ի մայիսի 27-ից հունիսի 2-ը ՀՀ ԳԱԱ Մաթեմատիկայի ինստիտուտը, Հայկական Մաթեմատիկական միությունը, Մաթեմատիկայի բանգավառում երիտասարդների համար մրցանակներ շնորհող Էմիլ Արթինի անվան կոմիտեն, Բերգենի համալսարանը, Երևանի պետական համալսարանը, Հայաստանի Ամերիկյան համալսարանը, Ռուսաստանի Գիտությունների ակադեմիայի Վ.Ա. Ստեկլովի անվան մաթեմատիկական ինստիտուտի աջակցությամբ անց են կացնում Էմիլ Արթինի 120-ամյակին նվիրված միջազգային գիտաժողով (Երևան, Հայաստան)

2018թ. հունիսի 7-8-ը ՀՀ ԳԱԱ արևելագիտության ինստիտուտը կազմակերպում է միջազգային գիտաժողով՝ նվիրված անվանի դիվանագետ և վաճառական Մանուկ Բեյ Միրզայանին (1769-1817)

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 14-ին կազմակերպում է «Հումանիտար և հասարակական գիտությունները ակադեմիական համակարգում» թեմայով գիտաժողով` նվիրված ՀՀ ԳԱԱ 75-ամյակին

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 15-ին կազմակերպում է գիտաժողով նվիրված UNESCO-ի հռչակած փիլիսոփայության միջազգային օրվան

ՀՀ 2018 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ 2018 թ. պետական բյուջեից ֆինանսավորման երաշխավորված երիտասարդ գիտնականների դպրոցների ցանկ

Հրապարակումներ մամուլում
21/05/2018
Մեր երկրում մասնագիտությունների բաշխումը երբեք մտածված չի եղել. Արեգ Միքայելյան
panorama.am
18/05/2018
Գիտության զարգացում առանց սահմանափակումների
aravot.am
04/05/2018
Հայաստանում գիտական դիվանագիտությունը պետք է ակտիվացնել
mediamax.am
02/05/2018
Горизонт-2020: Дети за зеленой оградой
golosarmenii.am
28/04/2018
Երիտասարդների` գիտության հանդեպ հետաքրքրությունը ցածր մակարդակի վրա է, գիտնականների իմիջն՝ ընկած
aravot.am
12/04/2018
Արտերկրում բնակվող գիտնականների հայտարարությունը
hetq.am
Կայքը հաճախել են
1 483 651

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  15:24, 22/05/2018 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Նորություններ - Գիտաժողովներ - Բոլոր հրապարակումները մամուլում
Բոլոր հայտարարությունները - Լուսանկարներ - «Գիտություն» թերթ - Հիմնադրամներ - Հոբելյաններ - Հրատարակություններ
Վեբ ռեսուրսներ - Այլ ակադեմիաներ - Համալսարաններ
Լինդաույում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2018, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM)
Հարցերի կամ առաջարկությունների համար կարող եք գրել webmaster {[ at ]} sci.am էլեկտրոնային փոստին: