ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
08/12/2023
«Հորիզոն Եվրոպա» ծրագրում Հայաստանն առաջընթաց է գրանցում

ՀՀ Գիտությունների ազգային ակադեմիայում տեղի ունեցավ Եվրոպական միության «Հորիզոն Եվրոպա» ծրագրի տեղեկատվական միջոցառումը, որը կազմակերպել էր Գիտական և նորարարական գործընկերությանն աջակցման կենտրոնը՝ Եվրոպական հանձնաժողովի և ՀՀ ԳԱԱ-ի հետ համատեղ։

«Միջոցառման նպատակն է խթանել Հայաստանի կազմակերպությունների մասնակցությունը գիտանորարարական նախագծերում», - իր ողջույնի խոսքում նշեց Գիտական և նորարարական գործընկերությանն աջակցման կենտրոնի տնօրեն Տիգրան Արզումանյանը։

Մասնակիցներին ողջունեց ՀՀ ԿԳՄՍՆ բարձրագույն կրթության և գիտության կոմիտեի նախագահ Սարգիս Հայոցյանը՝ նշելով, որ «Հորիզոն Եվրոպա» ծրագրի շրջանակներում պետք է լինել ակտիվ և օգտագործել ընձեռված հնարավորությունները։


ՀՀ ԳԱԱ ակադեմիկոս-քարտուղար Արթուր Իշխանյանը շեշտեց «Հորիզոն Եվրոպա» ծրագրի կարևորությունը Հայաստանի գիտահետազոտական համայնքի համար։  ««Հորիզոն Եվրոպա»-ն մրցունակ ծրագիր է, և համարժեք մասնակցություն ունենալու համար հայկական գիտահետազոտական ինստիտուտներն ու համալսարանները պետք է իրականացնեն համաշխարհային մակարդակի հետազոտություններ, ակտիվ ներգրավված լինեն միջազգային համագործակցության մեջ։ Մենք առաջնահերթություն ենք տալիս մեր գիտահետազոտական ինստիտուտների կարողությունների ուժեղացմանը՝ որպես եվրոպական ծրագրերի հիմնական շահագրգիռ կողմերի: Այս առումով դեռ շատ խնդիրներ ունենք լուծելու։ Վստահ եմ, որ գիտության և նորարարության ոլորտում իրականացվող ծրագրերը, ֆինանսավորման զգալի ավելացումը, գիտության միջազգայնացմանն ուղղված քայլերը կհանգեցնեն դրական արդյունքների և ավելի ակտիվ մասնակցության եվրոպական ծրագրերում», - ասաց Արթուր Իշխանյանը։

«Հորիզոն Եվրոպա» ծրագրի ասոցացման հարցերով ստորաբաժանման ղեկավարի տեղակալ Անն Հագլունդ-Մորիսին նշեց, որ Եվրոպական միությունը կարևորում է համագործակցությունը նորարարությունների ոլորտում՝ հաղթահարելու գլոբալ մարտահրավերները՝ ինչպիսիք են կլիմայի փոփոխությունը, «Քովիդ-19» համավարակը, խաղաղության, ժողովրդավարության նկատմամբ սպառնալիքները։

«Հայաստանը մեկն է այն երկրներից, որն ունի հետազոտությունների և նորարությունների համար համագործակցության հնարավորություններ։ Ուրախությամբ նշեմ, որ «Հորիզոն 2020»-ին Հայաստանն ունեցել է ակտիվ մասնակցություն։ Շնորհավորում եմ «Հորիզոն Եվրոպա» ծրագրին ասոցացման համար։ Ուրախ եմ նշել, որ Հայաստանն արտոնյալ խմբում ներառված 17 պետություններից մեկն է», - ասաց Անն Հագլունդ-Մորիսին։

Միջոցառման ընթացքում ներկայացվեցին «Հորիզոն Եվրոպա» ծրագիրը և մրցույթները, Հայաստանի գիտանորարարական կազմակերպությունների և անհատ գիտնականների մասնակցության հնարավորությունները «Հորիզոն Եվրոպա» ծրագրում և նրա ենթածրագրերում՝ «Մարի Սկլոդովսկա-Կյուրի գործողությունները», «Մասնակցության ընդլայնում և եվրոպական հետազոտական տարածքի հզորացում», «Նորարարությունների Եվրոպական Խորհուրդ», «COST գործողություններ»։ 

ԵՄ «Հորիզոն Եվրոպա» ծրագիրը նախատեսված է 2021-2027 թվականների համար: Շուրջ 95 միլիարդ եվրո ընդհանուր բյուջե ունեցող ծրագիրը համաշխարհային մակարդակով ամենածավալուն գիտահետազոտական ծրագիրն է, որը համաեվրոպական համագործակցային գիտահետազոտական նախագծերի ֆինանսավորման հիմնական գործիքն է: 

ՀՀ ԳԱԱ գիտության հանրայնացման և հասարակայնության հետ կապերի բաժին
08․12․2023թ․


Ազդեր








Սույն թվականի մարտի 6-ին ժամը 15.00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա Նովա Գորիցայի համալսարանի (Սլովենիա, ԵՄ) դոցենտ Արտեմ Բադասյանի «Ջրում սպիտակուցների կոնֆորմացիաների տեսական և փորձառական հարցեր» թեմայով գիտական զեկուցումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
28/02/2024

Բելգիայում տեղի կունենա Մարի Սկլոդովսկա-Կյուրի գործողություններ ծրագրի վարպետության դաս
hesc.am
27/02/2024

Հովակիմ Զաքարյան. Կառավարությունն իրավունք չունի մեր հարկերով ձևավորվող բյուջեից միլիարդներ ծախսել մեգանախագծերի վրա
panorama.am
27/02/2024

STEM ոլորտում կանանց հնարավորությունների ընդլայնում. Բրիտանական խորհրդի կրթաթոշակային ծրագիրը
hesc.am
27/02/2024

Գիտարբուք Արսեն Առաքելյանի հետ․ Մոլեկուլային կենսաբանությունն ու հիվանդությունները
infocom.am
Կայքը հաճախել են
6 857 036

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:11, 29/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: