ՀՀ Գիտությունների ազգային ակադեմիայի մաթեմատիկայի ինստիտուտում տեղի ունեցավ «Journal of Mathematical Sciences Series A, Springer» ամսագրի խմբագրական խորհրդի բաց ժողովը: 

Հանդիպմանը մասնակցեցին «Journal of Mathematical Sciences Series A, Springer» ամսագրի գլխավոր խմբագիր Ալեքսեյ Կարապետյանցը և խմբագրական խորհրդի անդամները, «Springer»-ի Արևելյան Եվրոպայի ամսագրերի համակարգող Ալեքսանդր Բիրյուկովը, համահրատարակիչ Տատյանա Գոլեան, ՀՀ ԳԱԱ մաթեմատիկայի ինստիտուտի տնօրեն Ռաֆիկ Արամյանը,  մաթեմատիկոսներ Հայաստանից և արտերկրից։

Ժողովի շրջանակներում «Journal of Mathematical Sciences Series A, Springer» ամսագրի խմբագրական խորհրդի անդամները ներկայացրին իրենց աշխատանքները: Քննարկվեցին ամսագրի զարգացման հեռանկարները, ամսագրի նոր ծառայությունները, հրապարակումների ժամանակակից պահանջների հիմնախնդիրները, ինչպես նաև հայկական մաթեմատիկական ամսագրերի հետ համագործակցության հեռանկարները: 

ՀՀ ԳԱԱ գիտության հանրայնացման և հասարակայնության հետ կապերի բաժին
23․10․2023թ․