ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
25/09/2023
ՀՀ ԳԱԱ-ում մեկնարկեց «Նոր զարգացող միտումները քիմիայում» միջազգային գիտաժողովը

Սույն թվականի սեպտեմբերի 25-ին ՀՀ Գիտությունների ազգային ակադեմիայում մեկնարկեց «Նոր զարգացող միտումներ քիմիայում» միջազգային գիտաժողովը՝ նվիրված ՀՀ ԳԱԱ կազմավորման 80-ամյակին և Երևանի պետական համալսարանի Քիմիայի ֆակուլտետի կազմավորման 90-ամյակին։

Գիտաժողովը համախմբել է շուրջ 350 մասնակից ԱՄԷ-ից, ԱՄՆ-ից, Գերմանիայից, Իռլանդիայից, Իտալիայից, Լեհաստանից, Կանադայից, Հայաստանից, Ղազախստանից, Միացյալ Թագավորությունից, Նիդեռլանդներից, Ռուսաստանից, Ֆինլանդիայից։ Գիտաժողովի նպատակն է միավորել քիմիայի տարբեր բնագավառների նշանավոր հետազոտողներին և խթանել արդյունավետ քննարկումներն ու ապագա համագործակցությունները:

Մասնակիցները մեկ րոպե լռությամբ հարգեցին Արցախում Ադրբեջանի ռազմական ագրեսիայի հետևանքով զոհերի հիշատակը։

«Առանձնահատուկ շնորհակալություն մեր հյուրերին, ովքեր կարողացան Հայաստան ժամանել աշխարհաքաղաքական նման բարդ իրավիճակում։ Վստահ եղեք, որ դա իսկապես շատ կարևոր ու անհրաժեշտ է և՛ հայ ժողովրդի, և՛ հայ գիտնականների համար։

Մի քանի օր առաջ ադրբեջանական բանակն իր ողջ ներուժով հարձակում գործեց Լեռնային Ղարաբաղի բնակչության՝ 120 հազար մարդկանց վրա, ովքեր ավելի քան 9 ամիս գտնվում էին շրջափակման և հումանիտար ճգնաժամի պայմաններում։ Կան մեծ թվով զոհեր, որոնց թվում՝ կանայք և երեխաներ։

Ինչպես ցույց է տվել պատմությունը, նման իրավիճակներում գիտնականները, մշակութային գործիչները և մանկավարժները եկեղեցու հետ միասին նշանակալի դեր են խաղացել ազգերին միավորելու և մարտահրավերներին դիմակայելու գործում։ Այս տեսանկյունից նման գիտաժողովները չափազանց կարևոր են», - ասաց ՀՀ ԳԱԱ նախագահ, ակադեմիկոս Աշոտ Սաղյանը։  Ակադեմիկոս Սաղյանը ներկայացրեց ՀՀ ԳԱԱ-ի պատմությունը և ձեռքբերումները։

Ներկաներին ողջունեցին և արդյունավետ աշխատանք մաղթեցին ՀՀ ԳԱԱ Քիմիայի և Երկրի մասին գիտությունների բաժանմունքի ակադեմիկոս-քարտուղար Լևոն Թավադյանը,  ՌԴ Գիտությունների ակադեմիայի ակադեմիկոս, Նիկոլայ Զելինսկու անվան օրգանական քիմիայի ինստիտուտի մետաղակոմպլեքս և նանոչափ կատալիզատորների լաբորատորիայի ղեկավար Վալենտին Անանիկովը, ԵՊՀ Քիմիայի ֆակուլտետի դեկանի տեղակալ Արմեն Գալստյանը, ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի տնօրեն Սահակ Գասպարյանը։

Գիտաժողովի ընթացքում կներկայացվեն ավելի քան 80 գիտական զեկուցումներ՝ նվիրված սինթեզի առաջընթացին, արհեստական բանականությանը և թվային դիզայնին քիմիայում, նոր քիմիական փոխակերպումներին,  նոր նյութերի կանխատեսումներին,  ֆոտոքիմիային, նոր տեսակների սինթեզին, գերմոլեկուլային փոխազդեցություններին  քիմիայում, կատալիզի տեսությանը, նանոնյութերի հետազոտական տվյալներին և շատ այլ թեմաների։

«Նոր զարգացող միտումները քիմիայում» միջազգային գիտաժողովը կազմակերպել են ՀՀ Գիտությունների ազգային ակադեմիան, ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնը, Երևանի պետական համալսարանը և ՌԴ Գիտությունների ակադեմիայի Նիկոլայ Զելինսկու անվան օրգանական քիմիայի ինստիտուտը։

Գիտաժողովը կշարունակվի մինչև սեպտեմբերի 28-ը՝ ՀՀ Գիտությունների ազգային ակադեմիայի նախագահության շենքում (Մարշալ Բաղրամյան 24)։

ՀՀ ԳԱԱ գիտության հանրայնացման և հասարակայնության հետ կապերի բաժին
25.09.2023թ.

Լուսանկարներ

Ազդեր








ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 950 451

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  18:19, 16/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: