ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
20/03/2023
Մեկնարկել է «ԵՄ-ն հանուն շրջակա միջավայրի։ Էմերալդ ցանցի ստեղծման առաջխաղացում և Էմերալդ տարածքների կառավարում» ծրագիրը

Սույն թվականի մարտի 17-ին ՀՀ ԳԱԱ Արմեն Թախտաջյանի անվան բուսաբանության ինստիտուտում տեղի ունեցավ «ԵՄ-ն հանուն շրջակա միջավայրի։ Էմերալդ ցանցի ստեղծման առաջխաղացում և Էմերալդ տարածքների կառավարում» ծրագրի շահագրգիռ կողմերի և հանրության ներգրավման աշխատաժողովը: Ծրագիրն իրականացվում է «ԵՄ-ն հանուն շրջակա միջավայրի» ծրագրի շրջանակներում՝ Համաշխարհային բանկի ֆինանսական աջակցությամբ:

Աշխատաժողովի մասնակիցներին ողջունեց ՀՀ ԳԱԱ Արմեն Թախտաջյանի անվան բուսաբանության ինստիտուտի տնօրեն Արսեն Գասպարյանը: «Մեր ինստիտուտը հունական «ԿարտԷԿՈ» կազմակերպության հետ համատեղ իրականացնում է այս ծրագիրը` նպատակ ունենալով մեկ քայլ առաջ տանել Հայաստանում էմերալդ տարածքների հաստատման և Հայաստանում այս ցանցի առաջխաղացման գործընթացը: Շատ ենք կարևորում հանրության մասնակցությունն այս գործընթացներին, որովհետև այն բազմատարր է, բազմագործոն, և առջևում դեռ մեծ աշխատանք կա կատարելու»:

«Եվրոպայի վայրի բնության և բնական միջավայրի պահպանության մասին» կոնվենցիայի ազգային համակարգող Տաթևիկ Ցյուրքերն իր ողջույնի խոսքում նշեց, որ Հայաստանը, միանալով Բեռնի կոնվենցիային, պարտավորություն է ստանձնել Էմերալդ ցանցի ստեղծման վերաբերյալ: «Շատ խնդիրներ են առաջ եկել գործընթացի ընթացքում: Շրջակա միջավայրի նախարարությունը կարևորում է, որ բոլոր որոշումները լինեն գիտահեն»,- ասաց Տաթևիկ Ցյուրքերը:

ԵՄ պատվիրակության միջազգային օգնության/համագործակցության պատասխանատու Անդրեա Բաջջիոլին ներկայացրեց Եվրոպական միության և Եվրոպական հանձնաժողովի աջակցությամբ Հայաստանում իրականացվող ծրագրերը: Նա նշեց, որ Համաշխարհային բանկի հետ համատեղ աշխատում են Հայաստանում Էմերալդ ցանցի տարածքների սահմանման և դրանց ստեղծման ուղղությամբ: Նա հավաստիացրեց, որ Եվրոպական հանձնաժողովը կանգնած է Հայաստանի կողքին, և շրջակա միջավայրի և կլիմայի ոլորտներում համատեղ ծրագրերը կլինեն շարունակական: 

Համաշխարհային բանկի շրջակա միջավայրի հարցով խորհրդատու Կարեն Աղաբաբյանը նշեց. «Էմերալդ տարածքները նախատեսվում է ստեղծել հողերի վրա, որտեղ մենք կարող ենք ունենալ պահպանվող տարածքներ, մասնավոր տարածքներ, համայնքային տարածքներ: Եվ դրանց կառավարումը նշանակում է, որ մենք պետք է հաշվի առնենք բոլորի շահերը: Հետևաբար, դրա իրականացումն ավելի բարդ է դառնում, բայց միևնույն ժամանակ՝ ավելի հետաքրքիր»:

Ծրագրի՝ Բուսաբանության ինստիտուտի կողմից համակարգող, ավագ գիտաշխատող Ալլա Ալեքսանյանը նշեց, որ ծրագրի արդյունքում հաստատման է ներկայացվելու Հայաստանի Էմերալդ թեկնածու տարածքների վերջնական ցանկը, մշակվելու է գործողությունների ազգային պլան, մշակվելու են ուղեցույցներ Էմերալդ թեկնածու տարածքների կառավարման պլանների կազմման համար և երկու էմերալդ տարածքների համար: Հիմնվելով այս ուղեցույցների վրա՝ մշակվելու են փորձնական կառավարման պլաններ: 

Այնուհետև, «Հայաստանում կենսաբազմազանության պահպանության բարձրացումը: Թվինինգ ծրագրի արդյունքների և առաջարկությունների համառոտ ակնարկը» ներկայացրեց «Կենսաբազմազանությունը Հայաստանում» Թվինինգ ծրագրի խորհրդատու Ջինդրիկ Չլապեկը, «Նատուրա 2000 ցանցը Հունաստանում։ Միտումները և կառավարումը» և «LIFE IP4-ն Նատուրա 2000 ցանցի համար» թեմաների շուրջ զեկուցումներով հանդես եկավ Հունաստանի Շրջակա միջավայրի և կլիմայի փոփոխության գործակալության տնօրեն Իոաննիս Միցոպուլոսը, «Թեկնածու Էմերալդ տարածքների ներկայիս վիճակը և հիմնախնդիրները» թեմայով զեկուցմամբ հանդես եկավ ՀՀ ԳԱԱ Բուսաբանության ինստիտուտի Երկրաբուսաբանության և էկոֆիզիոլոգիայի բաժնի վարիչ, կենսաբանական գիտությունների դոկտոր, պրոֆեսոր Գեորգի Ֆայվուշը:

Զեկուցումներից հետո ծավալվեց քննարկում աշխատաժողովի մասնակիցների միջև:

ՀՀ ԳԱԱ գիտության հանրայնացման և հասարակայնության հետ կապերի բաժին
20.03.2023թ.

Լուսանկարներ

Ազդեր








Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով` «ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

Ս.թ. մայիսի 15-ին, ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «Աստղագիտությունը միջճյուղային և բազմաճյուղային գիտությունների խաչմերուկներում» թեմայով սեմինար, որը կներկայացնի ՀՀ ԳԱԱ Վ.Համբարձումյանի անվ. Բյուրականի աստղադիտարանի տնօրեն՝ ֆ.-մ.գ.թ. Արեգ Միքայելյանը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
25/05/2024

«Անահիտ» հանդեսն այսօր էլ հետազոտության արժեքավոր աղբյուր է
1lurer.am
23/05/2024

17 գիտական դրամաշնորհ՝ ՀՕՖ-ից
1lurer.am
20/05/2024

Академик Kамалов и инновационная медицина
golosarmenii.am
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
Կայքը հաճախել են
6 981 994

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:30, 27/05/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: