ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Արմեն Յուրիի Ղազարյան
արվ.դ., պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
01/12/2022
Աշխատաժողով ՀՀ ԳԱԱ-ում՝ նվիրված ԵԳԻ Երկրաբանական թանգարանի և ՀՀ ՏԿԵՆ Հանրապետական երկրաբանական ֆոնդի հիմնադրման 85-ամյակներին

Սույն թվականի նոյեմբերի 30-ին ՀՀ Գիտությունների ազգային ակադեմիայում անցկացվեց «Երկրաբանությունը զարգացող աշխարհում. Հայաստանի երկրաբանության անցյալը, ներկան և ապագան» գիտապրակտիկ աշխատաժողովը՝ նվիրված ՀՀ ԳԱԱ Երկրաբանական գիտությունների ինստիտուտի Հովհաննես Կարապետյանի անվան երկրաբանական թանգարանի և ՀՀ տարածքային կառավարման և ենթակառուցվածքների նախարարության Հանրապետական երկրաբանական ֆոնդի հիմնադրման 85-ամյակներին: 

Երկրաբանական թանգարանի և Հանրապետական երկրաբանական ֆոնդի անձնակազմներին շնորհավորեց ՀՀ ԳԱԱ նախագահ ակադեմիկոս Աշոտ Սաղյանը: «Հանրապետությունում միակ երկրաբանական թանգարանը հիմնադրվել է 1937թ.: Թանգարանն աշխատանքները կազմակերպում է գիտակրթամշակութային առաջընթացի ժամանակակից մակարդակով՝ ունենալով հսկայական ծավալի փաստացի նյութ հանրապետության երկրաբանական կառուցվածքի և ընդերքի հարստությունների վերաբերյալ, հնարավորություն տալով պատկերացում կազմելու Հայաստանի երկրաբանական զարգացման պատմության մասին: Թանգարանը կարևոր դեր է խաղացել երկրաբանության զարգացման, կադրերի պատրաստման, հանրապետության միներալային հումքի ուսումնասիրության և օգտագործման ոլորտում ձեռք բերված նվաճումների ցուցադրման գործում: Շատ կարևոր է պահպանել և զարգացնել թանգարանները ԳԱԱ համակարգում առաջին հերթին գիտության հանրամատչելիացման և գիտությունը երիտասարդների համար գրավիչ դարձնելու նպատակով: 

Անգնահատելի է Հանրապետական երկրաբանական ֆոնդի դերն առկա և պարբերաբար թարմացվող ահռելի քանակությամբ երկրաբանական տեղեկությունների հաշվառման և վերլուծության առումով: Այն միասնական տեղեկատվական բազա է պետական կառավարման համակարգի, գիտակրթական հատվածի, տնտեսվարողների և այլ շահառուների համար: 

Հարգելի գործընկերներ, շնորհավորում եմ Երկրաբանական գիտությունների ինստիտուտի ողջ անձնակազմին և տնօրեն պարոն Մելիքսեթյանին, Երկրաբանական թանգարանի անձնակազմին և թանգարանի վարիչ Գայանե Գրիգորյանին, ինչպես նաև Հանրապետական երկրաբանական ֆոնդի ողջ անձնակազմին, տնօրեն Հարություն Մովսիսյանին այս հրաշալի 85-ամյա հոբելյանի կապակցությամբ: Բոլորիդ մաղթում եմ նորանոր հաջողություններ և ձեռքբերումներ»,- ասաց ՀՀ ԳԱԱ նախագահը:

ՀՀ տարածքային կառավարման և ենթակառուցվածքների նախարար Գնել Սանոսյանը շնորհավորեց Երկրաբանական թանգարանի և Հանրապետական երկրաբանական ֆոնդի աշխատակիցներին. «Բոլորիդ շնորհավորում եմ, նորանոր հաջողություններ եմ մաղթում: Մեզ ոչ միայն պետք է եղածը պահպանել, այլ արդի գիտական նորարարությունները փորձել օգտագործել, այդ հսկայական տեղեկատվությունը փորձել թվայնացնել, ինչպես նաև անընդհատ շարունակվող նոր ուսումնասիրություններում փորձել նորարարական մեթոդները, նորարարական գիտելիքներն իրականություն դարձնել: Մենք կարևորում ենք մեր նախարարության աշխատանքներում համագործակցությունը գիտական հանրության, մասնագիտական կառույցների հետ: Ուրախությամբ պետք է նշենք, որ ոչ միայն ուսումնասիրված հսկայական տեղեկատվություն ունենք կուտակված, այլ նաև մեծ ներուժ նորանոր ուսումնասիրություններ անելու և պետական կառավարման համակարգին օգնելու այս ուղղությամբ ճիշտ աշխատանքեր տանելու»:

ՀՀ ԳԱԱ Երկրաբանական գիտությունների ինստիտուտի տնօրեն Խաչատուր Մելիքսեթյանն իր ելույթում ասաց. «Երկրաբանական գիտությունների ինստիտուտի երկրաբանական թանգարանը, երկրաբանական վարչությունը և երկրաբանական ֆոնդերը հիմնադրվեցին հասարակության համար բավականին ծանր՝ 30-ական թվականների կեսերին, և հետագայում՝ 1943թ.՝ պատերազմական տարիներին, հիմնադրվեց Գիտությունների ակադեմիան: Այսօր մեր ազգի համար ծանր իրավիճակում օրվա խորհուրդն է գիտության զարգացումը, ներուժի պահպանումը, համագործակցությունը պետական մարմինների, գիտնականների, բիզնեսի միջև»: 

Երկրաբանական թանգարանի 85-ամյակի կապակցությամբ, թանգարանի երկարամյա ղեկավարման և ներդրած մեծ ավանդի համար ՀՀ ԳԱԱ նախագահ Աշոտ Սաղյանը պատվոգիր շնորհեց թանգարանի վարիչ Գայանե Գրիգորյանին: Թանգարանի 85-ամյակի կապակցությամբ և թանգարանի երկարամյա ղեկավարման համար պատվոգիր շնորհվեց թանգարանի նախկին վարիչ Արայիկ Գրիգորյանին: Միներալների սրահի ցուցանմուշների գիտական դասակարգման համար շնորհակալագիր ստացավ Ժաննա Ստեփանյանը: Շնորհակալագրեր ստացան ճարտարագետ Նարինե Պողոսյանը, Էքսկուրսավար Ստելլա Պետրոսյանը, ճարտարագետ Ռուբեն Դավթյանը, ավագ գիտաշխատող Գեորգի Խոմիզուրին, ճարտարագետ, երկրաբան Նինա Խոմիզուրին, կրտսեր գիտաշխատող Սեդա Ավագյանը, ավագ ճարտարագետ Նարեկ Սահակյանը, ճարտարագետ, երկրաբան Կարեն Համբարյանը, Էքսկուրսավար Լենա Յաղուբյանը, ճարտարագետ, երկրաբան Մարինե Բադալյանը:

Հանրապետական երկրաբանական ֆոնդի աշխատակիցներին պատվոգրեր և շնորհակալագրեր հանձնեց ՀՀ տարածքային կառավարման և ենթակառուցվածքների նախարար Գնել Սանոսյանը: 

ՀՀ ԳԱԱ Երկրաբանական գիտությունների ինստիտուտի Հովհաննես Կարապետյանի անվան երկրաբանական թանգարանը համագործակցության հուշագիր ստորագրեց «Հայ - չինական գործընկերության կենտրոն» ՀԿ-ի հետ, որի միջոցով հնարավոր կլինի կապեր հաստատել և համագործակցել ՉԺՀ-ի բնագիտական թանգարանների և գիտակրթական հաստատությունների հետ: Թանգարանը համագործակցության հուշագրեր ստորագրեց նաև ՌԴ Գիտությունների ակադեմիայի Երկրաբանության ինստիտուտի Կարելյան գիտական կենտրոնի և ՀՀ պետական ճարտարագիտական համալսարանի հետ:

Աշխատաժողովի կազմակերպիչներն են ՀՀ ԳԱԱ-ն, ՀՀ ԳԱԱ Երկրաբանական գիտությունների ինստիտուտը, ՀՀ ԳԱԱ Հովհաննես Կարապետյանի անվան երկրաբանական թանգարանը, ՀՀ տարածքային կառավարման և ենթակառուցվածքների նախարարությունը, Հանրապետական երկրաբանական ֆոնդը:

ՀՀ ԳԱԱ գիտության հանրայնացման և հասարակայնության հետ կապերի բաժին
01.12.2022թ.

Լուսանկարներ

Ազդեր








2023թ․փետրվարի 13-17-ը Երևանում կանցկացվեն «Հորիզոն Եվրոպա» ծրագրի հայտադիմումների նախապատրաստման աջակցության միջոցառումներ և անհատական փորձագիտական խորհրդատվություն

В апреле - мае 2023 года «Международный инновационный центр нанотехнологий СНГ» (МИЦНТ СНГ) при поддержке Межгосударственного фонда гуманитарного сотрудничества государств-участников СНГ и Объединенного института ядерных исследований проводит очередную Стажировку молодых ученых и специалистов стран СНГ в Дубне продолжительностью 30 дней

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2023 году

Ֆունկցիոնալ սննդի կենտրոնի 31-րդ միջազգային համաժողովը տեղի կունենա Մատենադարանում 2023 թվականի սեպտեմբերի 29-ից հոկտեմբերի 1-ը (առկա և հեռավար միացման հնարավորությամբ): Համաժողովը կմիավորի բժշկության, կենսաբանության և սննդի արդյունաբերության փորձագետներին

Սույն թվականի դեկտեմբերի 22-ին՝ ժամը 14։30-ին, ՀՀ Գիտությունների ազգային ակադեմիայի Արևելագիտության ինստիտուտում (Մարշալ Բաղրամյան 24/4) տեղի կունենա «Իրանական մշակութային ժառանգությունը Հարավային Կովկասում» խորագրով աշխատաժողով

ԵՄ-բիզնեսի համար նախաձեռնության «Նորարական տուրիզմի և տեխնոլոգիաների զարգացում Հայաստանի համար» ծրագրի շրջանակներում Գերմանական միջազգային համագործակցության ընկերության և «Գիտական և նորարարական գործընկերությանն աջակցման կենտրոն» հիմնադրամի հետ համագործակցությամբ հայտարարվում է «Հորիզոն Եվրոպա» ԵՄ շրջանակային ծրագրի հայաստանյան հնարավոր մասնակիցների նախագծերի նախապատրաստման աջակցության ծրագրի մեկնարկը

ՀՀ գիտությունների ազգային ակադեմիան, Համաշխարհային հայկական կոնգրեսը և Ռուսաստանի հայերի միությունը հայտարարում են «Լավագույն գիտական աշխատանք» մրցույթ երիտասարդ գիտնականների համար

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
02/02/2023

Հանքաքարից պղնձի մանրէաբանական կորզում․ նոր հետազոտություն
1lurer.am
01/02/2023

ՀՀ ԳԱԱ Հ.Աճառյանի անվան լեզվի ինստիտուտի աշխատակազմի ընդհանուր ժողովի ՀԱՅՏԱՐԱՐՈՒԹՅՈՒՆ
language.sci.am
31/01/2023

Նոր նյութերի հետազոտություն՝ արհեստական բանականությամբ
1lurer.am
31/01/2023

Մագնիսական նանոմասնիկներ՝ քաղցկեղային հյուսվածքների ոչնչացման համար
1lurer.am
Կայքը հաճախել են
6 398 220

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  23:14, 03/02/2023 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2022 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: