ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
06/10/2022
ՀՀ ԳԱԱ-ում անցկացվում է «Շրջակա միջավայրի պահպանությանհետբուհական նորարարական կրթություն. մեթոդներ և գործիքներ» գիտաժողովը

Սույն թվականի հոկտեմբերի 5-7-ին Գիտությունների ազգային ակադեմիայում անցկացվում է «Շրջակա միջավայրի պահպանության հետբուհական նորարարական կրթություն. մեթոդներ և գործիքներ» գիտաժողովը: Այն ամփոփում է «Շրջակա միջավայրի պաշտպանություն (բնապահպանություն)» կրթական ծրագրերի արդիականացում Հայաստանի և Վրաստանի համար» (MENVIPRO) կարողությունների զարգացման Էրազմուս+ ծրագրի արդյունքները: Գիտաժողովի ընթացքում ներկայացվում են Հայաստանում և Վրաստանում հետբուհական նորարարական բնապահպանական կրթության զարգացման ներկա պահանջները, Եվրոպական միության գործընկերների՝ Իտալիայի, Պորտուգալիայի, Գերմանիայի լավագույն փորձը:

Գիտաժողովի մեկնարկին մասնակիցները մեկ րոպե լռությամբ հարգեցին հայ-ադրբեջանական պատերազմի զոհերի, ինչպես նաև Ծրագրի գաղափարը գեներացնողի՝ ԳԱԱ Էկոլոգանոոսֆերային հետազոտությունների կենտրոնի տնօրեն, պրոֆեսոր Արմեն Սաղաթելյանի և կենտրոնի գիտաշխատող Գարեգին Տեփանոսյանի հիշատակը: 

Իր ողջույնի խոսքում ՀՀ ԳԱԱ Էկոլոգանոոսֆերային հետազոտությունների կենտրոնի տնօրեն Լիլիթ Սահակյանն ասաց. «Ես գիտաժողովը շատ եմ կարևորում ոչ միայն նրա համար, որ մենք ավարտում ենք ծրագիրը և ուզում ենք ներկայացնել արդյունքները, այլ այն լայն հնչողությամբ, որ ակնկալում ենք ստանալ, որպեսզի վերջապես կարողանանք շրջակա միջավայրի գիտությունները դե յուրե ֆիքսել Հայաստանի Հանրապետությունում»:

ՀՀ ԳԱԱ նախագահ, ակադեմիկոս Աշոտ Սաղյանն իր ելույթում նշեց. «Պատահական չէ, որ Գիտությունների ազգային ակադեմիայի Գիտակրթական միջազգային կենտրոնի և Էկոլոգանոոսֆերային հետազոտությունների կենտրոնի համատեղ ամբիոնն այս ծրագրի կարևոր բաղադրիչի և արդյունքների կրողն են, քանի որ ծրագրի շրջանակներում Էկոլոգանոոսֆերային հետազոտությունների կենտրոնի գիտական ներուժի կիրառմամբ իրականացվում է հետազոտահեն և գիտահեն կրթություն: Հետազոտական համալսարանի ստեղծման համար Գիտությունների ազգային ակադեմիայում՝ ի դեմս իր Գիտակրթական միջազգային կենտրոնի և գիտական կազմակերպությունների, առկա է մեծ ներուժ: Եվ հենց այս հանգամանքն էլ հաշվի առնելով՝ ներկայում աշխատանքներ են տարվում ԳԱԱ Գիտակրթական միջազգային կենտրոնի հենքի վրա հետազոտական համալսարան ստեղծելու ուղղությամբ: Այս առումով նմանատիպ ծրագրերի իրականացումը, նման գիտաժողովների անցկացումը նպաստում է այս միասնական գաղափարի իրականացմանը՝ ի սկզբանե դրանք դնելով միջազգային ընդունված մակարդակի վրա»:

Ծրագրի իրականացումը կարևորեց ՀՀ ԳԱԱ Բնական գիտությունների բաժանմունքի ակադեմիկոս-քարտուղար, ՀՀ ԳԱԱ թղթակից անդամ Ռուբեն Հարությունյանը: Նա նշեց, որ Հայաստանում տարիներ շարունակ էկոլոգիան անտեսված է եղել, ինչն առաջացրել է բարդագույն խնդիրներ: «Էկոլոգիական կրթությունը խիստ անհրաժեշտ է բնության պահպանման, էկոլոգիական մտածելակերպի ձևավորման համար», - ընդգծեց Ռուբեն Հարությունյանը: 

MENVIPRO ծրագրի համակարգող Նիկոլո Մերենդինոն նշեց, որ Ծրագիրն օգտակար է եղել ոչ միայն գիտական առումով, այլև՝ մշակութային: «Մենք հանդիպել ենք 3 կամ 4 տարբեր մշակույթներ, այդ իսկ պատճառով կարծում եմ, որ այս Ծրագրի կարևոր ասպեկտներից է այն, որր մշակույթը ևս ներգրավված էր ծրագրում», - ասաց Նիկոլո Մերենդինոն:

ՀՀ ԳԱԱ Գիտակրթական միջազգային կենտրոնի տնօրեն Արմեն Սարգսյանը նշեց. «Կարևորում ենք Ծրագրի շրջանակներում ստեղծված միջհամալսարանական կրթական և գիտահետազոտական եզակի լաբորատորիան, որտեղ իրականացվում են ուսանողական համագործակցային տարբեր նախագծեր՝ ելնելով նախագծային ուսուցման սկզբունքներից»:

Հայաստանում Erasmus+ ծրագրի համակարգող Լանա Կառլովան նշեց, որ Էկոլոգիական կրթությանը պետք է շատ ուշադրություն դարձվի: «Մենք երիտասարդ սերնդի կարիք ունենք, որն ունենա հիմնարար գիտելիքներ, պրոֆեսիոնալ կերպով ներգրավվի շրջակա միջավայրի պաշտպանության գործում: Դուք՝ որպես թիմ, որպես պրոֆեսիոնալներ, պետք է երկրով մեկ տարածեք պրոֆեսիոնալ, հիմնարար կրթություն: Դուք պետք է շատ հետևորդներ ունենաք», - ասաց Լանա Կառլովան:

MENVIPRO ծրագիրը միտված է եղել նպաստելու բնապահպանական կրթության արդիականացմանը Հարավային Կովկասի տարածաշրջանի ԲՈՒՀ-երում` փոխանցելով եվրոպական լավագույն փորձը և կիրառելով «Quadruple Helix» սկզբունքները: Ծրագրի գործընկերներն են Տուշայի համալսարանը (Իտալիա), Երկրի էկոհամակարգերի հետազոտական ինստիտուտը, Հետազոտության ազգային խորհուրդը (Իտալիա), Լիսաբոնի բարձրագույն տեխնիկական ինստիտուտը (Պորտուգալիա), Մարտին Լյութերի անվան Հալլե-Վիթթենբերգի համալսարանը (Գերմանիա), «Giraf Pm Services Gmbh» ընկերությունը (Գերմանիա), Վրաստանի համալսարանը, Իլիա պետական համալսարանը (Վրաստան), Վրաստանի գիտակրթական ցանցային ասոցիացիան: Հայաստանում MENVIPRO ծրագրի գործընկերներն են ՀՀ ԳԱԱ Էկոլոգանոոսֆերային հետազոտությունների կենտրոնը, ՀՀ ԳԱԱ Գիտակրթական միջազգային կենտրոնը, Գավառի պետական համալսարանը:

ՀՀ ԳԱԱ գիտության հանրայնացման և հասարակայնության հետ կապերի բաժին
06.10.2022թ.

Լուսանկարներ

Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
26/02/2024

Նոր կարգ՝ գիտաշխատողների հավելավճարների տրամադրման համար
gov.am
23/02/2024

Սեյսմիկ մշտադիտարկման արդիական ցանց է ստեղծվել
1lurer.am
22/02/2024

2024 թվականի երկրորդ «PostDoc-Armenia» ծրագիրը՝ արտերկրի գիտնականների համար
hesc.am
21/02/2024

Դա հետաքրքիր մեխանիզմ է. Օրինակ՝ կարող է սահմանագծման գործընթացում գիտական թեմա ի հայտ գալ. Փաշինյան
news.am
Կայքը հաճախել են
6 853 642

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:14, 26/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: