ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Արմեն Յուրիի Ղազարյան
արվ.դ., պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
05/09/2022
ՀՀ ԳԱԱ-ում մեկնարկեց «Կովկասը միջազգային առևտրի և մշակութային փոխառնչությունների խաչմերուկներում՝ հնագույն ժամանակներից մինչև նորագույն շրջան» միջազգային գիտաժողովը

Սույն թվականի սեպտեմբերի 5-ին ՀՀ Գիտությունների ազգային ակադեմիայում մեկնարկեց «Կովկասը միջազգային առևտրի և մշակութային փոխառնչությունների խաչմերուկներում՝ հնագույն ժամանակներից մինչև նորագույն շրջան» թեմայով միջազգային գիտաժողովը: 

Գիտաժողովի բացմանը մասնակցեցին ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս-քարտուղար Յուրի Սուվարյանը, ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը, ՀՀ ԳԱԱ ինստիտուտների տնօրեններ, Իվանե Ջավախիշվիլիի անվան Թբիլիսիի պետական համալսարանի Պատմության և հնագիտության ինստիտուտի տնօրեն Գիորգի Ճեիշվիլին, հետազոտողներ Հայաստանի, Վրաստանի, Ճապոնիայի, Ռուսաստանի Դաշնության, Ամերիկայի Միացյալ Նահանգների, Լեհաստանի, Իրանի գիտական կենտրոններից: 

Ողջունելով գիտաժողովի մասնակիցներին՝ ՀՀ ԳԱԱ Հայագիտության և հասարակական գիտությունների բաժանմունքի ակադեմիկոս-քարտուղար ակադեմիկոս Յուրի Սուվարյանն ասաց. «Կովկասը խաչմերուկ է, որտեղ խաչվել և խաչվում են շատ երկրների շահեր: Ես լիահույս եմ, որ այս գիտաժողովն էական ներդրում կունենա կովկասագիտության զարգացման գործում: Ներկայիս աշխարհաքաղաքական իրավիճակում առաջանում են նոր բարդություններ, և մեր գիտաժողովը պետք է ունենա նաև գործնական նպատակ՝ մշակել այնպիսի ռազմավարություն, որը հնարավորություն կստեղծի համատեղ դիմակայել աշխարհաքաղաքական այն մարտահրավերներին, որոնք առկա են կամ սպասվում են կովկասյան ժողովուրդներին»:

ՀՀ ԳԱԱ Արևելագիտության ինստիտուտի տնօրեն Ռոբերտ Ղազարյանը նշեց, որ ինստիտուտի համար էական նշանակություն ունի հայ-վրացական գիտական կապերի ամրապնդումը: «Կովկասյան տարածաշրջանը և Հայկական լեռնաշխարհը հնագույն քաղաքակրթական կենտրոններ են: Այստեղ ձևավորված քաղաքակրթական արժեքները, պատմական իրադարձություններն ազդել են ամբողջ տարածաշրջանի գործընթացների վրա: Հետագայում նույնպես տարածաշրջանում տեղի են ունեցել կարևոր իրադարձություններ, և Կովկասը դարձել է իսկական քաղաքակրթական խաչմերուկ բնիկ և հարևան ժողովուրդների համար», - ասաց Ռոբերտ Ղազարյանը:

«Մեզ համար պատիվ է գտնվել այստեղ: Սա կարևոր համագործակցություն և առաջնահերթություն է մեր ինստիտուտի համար: Լիահույս եմ, որ գիտաժողովը կպսակվի մեծ հաջողությամբ և մեզ կոգեշնչի հետագայում ևս նման գիտաժողովներ կազմակերպել կամ համատեղ տպագրություններ նախաձեռնել», - ասաց Իվանե Ջավախիշվիլիի անվան Թբիլիսիի պետական համալսարանի Պատմության և հնագիտության ինստիտուտի տնօրեն Գիորգի Ճեիշվիլին:

Նա ընթերցեց Շոթա Ռուսթավելիի անվան Վրաստանի Գիտության ազգային հիմնադրամի գլխավոր տնօրեն Ջաբա Սամուշիայի ուղերձը. «Այս գիտաժողովը ցույց է տալիս այն գիտական երկխոսությունը, որը գոյություն ունի Հայաստանի և Վրաստանի միջև և մեր երկկողմանի գիտական հարաբերությունների կապն է: Կարծում եմ, որ Վրաստանում ևս տեղի կունենա նման գիտաժողով, որտեղ մենք կշարունակենք մեր աշխատանքները»:

Գիտաժողովը կշարունակվի սեպտեմբերի 6-ին: Կներկայացվեն զեկուցումներ՝ նվիրված Միջնադարյան Վրաստանի թագավորությանն ու սահմաններին, 12-րդ դարավերջի վրացական դրամագիտությանն ու նրա հիմնախնդիրներին, սելջուկյան ռազմարշավներից հետո Հայոց եկեղեցու նվիրապետական համակարգին, հայկական վկայաբանություններին՝ ուշ միջնադարյան Վանա լճի շրջակայքի՝ քրիստոնյաների և մուսուլմանների սոցիալ-տնտեսական հարաբերությունների ուսումնասիրությանը, հայ-վրացական բառային որոշ զուգաբանություններին, պատմական հիշողությանը՝ որպես էթնիկ ինքնության զարգացման գործընթացի հիմնական գործոններից մեկը, մարդու իրավունքներին ու ժողովրդավարական բարեփոխումներին Վրաստանի Դեմոկրատական Հանրապետությունում, Իրան-Կովկաս առնչություններին տնտեսական տեսանկյունից, Ադրբեջանի արտաքին քաղաքականության արաբական-իսլամական ուղղության կերպափոխումների հիմնական միտումներին, Կասպից ծովի հիմնախնդրին Իրան-Ադրբեջան հարաբերություններում, Հին Հայաստանի պատմությանը գինու միջազգային առևտրի ոլորտում, ուշ միջնադարյան Հայաստանի տնտեսական պատմության մեջ որոշ սակավ ուսումնասիրված հարկերի և տուրքերի մեկնաբանություններին, Նախիջևանի սոցիալ-տնտեսական իրավիճակին՝ ըստ 1590 թվականի օսմանյան աշխարհագիր մատյանի հարկերի քննության, Հայ առաքելական եկեղեցու՝ Վրաստանում հայկական թեմի կարգավիճակին 14-16-րդ դարերում:

Միջազգային գիտաժողովը կազմակերպել են ՀՀ ԳԱԱ Արևելագիտության ինստիտուտը և Իվանե Ջավախիշվիլիի անվան Թբիլիսիի պետական համալսարանի Պատմության և հնագիտության ինստիտուտը՝ ՀՀ կրթության, գիտության, մշակույթի և սպորտի նախարարության գիտության կոմիտեի ֆինանսական աջակցությամբ:

ՀՀ ԳԱԱ գիտության հանրայնացման և հասարակայնության հետ կապերի բաժին
05.09.2022թ.


Ազդեր








Սեպտեմբերի 24-28-ը Երևանում կանցկացվի «Նոր զարգացող միտումները քիմիայում» միջազգային գիտաժողովը

2023թ. սեպտեմբերի 25-30-ը ՀՀ ԳԱԱ-ն և ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը անց են կացնում «Համակարգչային գիտություն և ինֆորմացիոն տեխնոլոգիաներ՝ «CSIT-2023» 14-րդ միջազգային գիտաժողով (Երևան, Հայաստան), նվիրված ՀՀ ԳԱԱ 80-ամյակին: Մանրամասներին կարելի է ծանոթանալ https://csit.am/2023/

Ֆունկցիոնալ սննդի կենտրոնի 31-րդ միջազգային համաժողովը տեղի կունենա Մատենադարանում 2023 թվականի սեպտեմբերի 29-ից հոկտեմբերի 1-ը (առկա և հեռավար միացման հնարավորությամբ): Համաժողովը կմիավորի բժշկության, կենսաբանության և սննդի արդյունաբերության փորձագետներին

2023թ. հոկտեմբերի 1-5-ը ՀՀ ԳԱԱ Մեխանիկայի ինստիտուտը, ՀՀ կիրառական և տեսական մեխանիկայի ազգային կոմիտեն, Ռուսաստանի գիտությունների ակադեմիայի Ա.Յու. Իշլինսկու անվան մեխանիկայի պրոբլեմների ինստիտուտը, Հարավային դաշնային համալսարանը (Դոնի Ռոստով, ՌԴ), Ճարտարապետության և շինարարության Հայաստանի ազգային համալսարանը, Ծաղկաձորի գրողների տունը անց են կացնում «Հոծ միջավայրի մեխանիկայի արդի պրոբլեմները» VIII միջազգային գիտաժողով (Ծաղկաձոր, Հայաստան) նվիրված ՀՀ ԳԱԱ 80-ամյակին: Մանրամասներին կարելի է ծանոթանալ http://www.mechins.sci.am կայքում

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
05/09/2023

ՀՀ բարձրագույն կրթության և գիտության կոմիտեի նախագահի տեղակալ է նշանակվել Արթուր Մովսիսյանը
scs.am
05/09/2023

Կհիմնվի 15 հեռավար լաբորատորիա. մրցույթի արդյունքները հայտնի են
1lurer.am
04/09/2023

Ինչպե՞ս են շարքային մարդիկ ապրել միջնադարյան Հայաստանում. պեղումներն Արփայում պատասխանում են այս հարցին
ankakh.com
31/08/2023

Андрей Гончар, племянник Агаси Ханджяна
golosarmenii.am
Կայքը հաճախել են
6 676 995

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  14:34, 26/09/2023 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2023 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: