ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
20/05/2022
ՀՀ ԳԱԱ-ում քննարկվեց «Երիտասարդ գիտնականների աջակցության ծրագրի» իրականացման գործընթացը

Ս.թ. մայիսի 19-ին ՀՀ Գիտությունների ազգային ակադեմիայում քննարկվեց «Երիտասարդ գիտնականների աջակցության ծրագրի» շրջանակներում 2022թ-ին նախատեսվող ծրագրերի իրականացման գործընթացը: Քննարկմանը մասնակցեցին ՀՀ ԳԱԱ ակադեմիկոս-քարտուղար Արթուր Իշխանյանը, ՀՀ ԳԱԱ Ֆինանսատնտեսագիտական բաժնի պետ Գևորգ Փանոսյանը, ՀՀ ԳԱԱ Հաշվապահական հաշվառման և հաշվետվության բաժնի գլխավոր հաշվապահ Լաուրա Առուստամյանը, ՀՀ ԳԱԱ Գիտակազմակերպչական վարչության պետ Ասյա Գալոյանը, ՀՀ ԳԱԱ իրավախորհրդատու Ռիմա Մաթոսյանը, ՀՀ ԳԱԱ ակադեմիկոս-քարտուղարի օգնական Հերմինե Օհանյանը, ՀՀ ԳԱԱ գիտության հանրայնացման և հասարակայնության հետ կապերի բաժնի պետ Ինգա Զարաֆյանը, ՀՀ ԳԱԱ գիտության հանրայնացման և հասարակայնության հետ կապերի բաժնի առաջին կարգի մասնագետ Մոնիկա Երիցյանը, «Երիտասարդ գիտնականների աջակցության ծրագրի» մասնագիտական փորձագիտական խորհրդի անդամներ Հայկ Զաքարյանը, Գևորգ Տեփանոսյանը և Մաքսիմ Սարգսյանը:

«Երիտասարդ գիտնականների աջակցության ծրագրի» շրջանակներում 2022թ-ին նախատեսվում է 6 ծրագրերի իրականացում՝ ընդհանուր 100.000 միլիոն ՀՀ դրամ բյուջեով.

  • գիտական սարքերի կամ նյութերի ձեռքբերման մրցույթ
  • երիտասարդ գիտնականների վերապատրաստման դրամաշնորհներ
  • բարձրորակ գիտական հոդվածների տպագրության մրցանակներ
  • հայագիտության և հումանիտար ճյուղերի զարգացման միջոցառումներ
  • գիտության հանրայնացման խրախուսման դրամաշնորհներ
  • գիտական միջոցառումների իրականացում:

ՀՀ ԳԱԱ ակադեմիկոս-քարտուղար Արթուր Իշխանյանը նշեց. «ԵԳԱԾ-ը ստեղծված է որպես պիլոտային ծրագրերի իրականացման հարթակ, այնպիսի ծրագրերի, որոնց մեծամաշտաբ իրականացումը բարդ է: ԵԳԱԾ-ի ծրագրերով ենթադրվում է իրականացնել կետային ազդեցություններ տարբեր ոլորտների վրա՝ թողնելով լուրջ որակական փոփոխություն»:

Արթուր Իշխանյանն ասաց, որ «Երիտասարդ գիտնականների աջակցության ծրագրի» բյուջեն ավանդաբար ծախսվել է բացառապես երիտասարդ գիտնականներին աջակցելու նպատակով, և գործավարական ծախսեր չեն կատարվել: «Նույն կերպ է վարվելու նաև Գիտությունների ազգային ակադեմիան: Ունենալով համապատասխան ստորաբաժանումներ՝ ակադեմիան անվճար տրամադրելու է հաշվապահական, իրավաբանական և այլ անհրաժեշտ ծառայություններ ծրագրի մասնագիտական փորձագիտական խորհրդին համապատասխան մրցույթներն ու միջոցառումները նախապատրաստելու և իրականացնելու համար», - ասաց նա:

«Երիտասարդ գիտնականների աջակցության ծրագրի» մասնագիտական փորձագիտական խորհրդի կազմում են Ալիխանյանի անվան ազգային գիտական լաբորատորիայի գիտաշխատող Հռիփսիմե Մկրտչյանը, «YEREVANN» լաբորատորիայի տնօրեն Հրանտ Խաչատրյանը, ՀՀ ԳԱԱ Օրգանական և դեղագործական քիմիայի գիտատեխնոլոգիական կենտրոնի գիտաշխատող Ռոբերտ Հակոբյանը, Գերմանիայի Համբուրգի համալսարանի ասպիրանտ Սուսաննա Գևորգյանը, ՀՀ ԳԱԱ էկոլոգանոոսֆերային հետազոտությունների կենտրոնի Շրջակա միջավայրի երկրաքիմիայի բաժնի ղեկավար Գևորգ Տեփանոսյանը, Երևանի պետական համալսարանի ասպիրանտ, «ՔԵՆԴԼ» սինքրոտրոնային հետազոտությունների ինստիտուտի գիտաշխատող Մաքսիմ Սարգսյանը, Երևանի պետական համալսարանի Ռադիոֆիզիկայի ֆակուլտետի դասախոս, Կիսահաղորդչային սարքերի և նանոտեխնոլոգիաների կենտրոնի գիտաշխատող Հայկ Զաքարյանը:

 

Հայկ Զաքարյանը ներկայացրեց 2022թ-ին նախատեսվող ծրագրերի հիմնական նպատակները, պահանջներն ու իրականացման ժամկետները: Գիտական սարքերի և նյութերի ձեռքբերմանն ուղղված ծրագրի նպատակն է նպաստել նոր գիտական խմբերի ձևավորմանը, աջակցել գիտություն նոր մուտք գործող երիտասարդներին: Երիտասարդ գիտնականների վերապատրաստմանն ուղղված ծրագրի նպատակը՝ ծանոթացնել ուսանողներին առաջատար լաբորատորիաներում գիտական աշխատանք կատարելու մշակույթին, խթանել և մոտիվացնել բարձր որակի աշխատանք կատարած ուսանողներին մնալ գիտության մեջ թեկնածուական ատենախոսութան պաշտպանությունից հետո: Բարձրորակ գիտական հոդվածների տպագրությանն ուղղված ծրագիրը նպատակ ունի խրախուսել առաջին տպագրություն անող երիտասարդներին, խրախուսել հումանիտար և հասարակագիտական ոլորտներում անգլալեզու հոդվածների տպագրությանը տեղական և արտասահմանյան՝ Scopus, Web of Science, շտեմարաններում: Հայագիտության և հումանիտար ճյուղերի զարգացմանն ուղղված ծրագրի նպատակը՝ նպաստել, որպեսզի երիտասարդ գիտնականները մնան գիտության մեջ, նաև նպաստել  տպագրությունների միջազգայնացմանը: Գիտության հանրայնացման խրախուսմանն ուղղված ծրագրի՝ հանրայնացնել գիտությունը և դարձնել այն հանրամատչելի, ճանաչելի դարձնել Հայաստանի գիտնականներին: Գիտական միջոցառումներին ուղղված ծրագրի նպատակն է ակտիվացնել երիտասարդ գիտնականներին գիտակազմակերպչական հարցերով զբաղվելու համար, ծանոթացնել երիտասարդ գիտնականներին միմյանց և այլ ոլորտների մասնագետների հետ։

ՀՀ ԳԱԱ գիտության հանրայնացման և հասարակայնության հետ կապերի բաժին
20.05.2022թ.


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/02/2024

Դա հետաքրքիր մեխանիզմ է. Օրինակ՝ կարող է սահմանագծման գործընթացում գիտական թեմա ի հայտ գալ. Փաշինյան
news.am
21/02/2024

Փաշինյանն առաջարկել է բուհերի ազատված շենքերը վարձակալության տալ և եկամուտն ուղղել «Ակադեմիական քաղաքի» ֆինանսավորմանը
news.am
21/02/2024

Գիտական կոչումների շնորհման գործընթացում ստաբիլ ցածր դինամիկա կա. պատճառը գրագողության դեմ պայքարն է. Սարգիս Հայոցյան
news.am
20/02/2024

Վարչապետին է ներկայացվել Բարձրագույն կրթության և գիտության կոմիտեի 2023թ. հաշվետվությունը
primeminister.am
Կայքը հաճախել են
6 852 929

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:41, 23/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: