ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
28/04/2022
ՀՀ ԳԱԱ Քիմիայի և Երկրի մասին գիտությունների բաժանմունքն ամփոփեց 2021թ-ի գործունեության հիմնական արդյունքները

Սույն թվականի ապրիլի 28-ին տեղի ունեցավ ՀՀ Գիտությունների ազգային ակադեմիայի Քիմիայի և Երկրի մասին գիտությունների բաժանմունքի տարեկան ընդհանուր ժողովը: Բաժանմունքի կազմում ընդգրկված են Օրգանական և դեղագործական քիմիայի գիտատեխնոլոգիական կենտրոնը (Օրգանական քիմիայի ինստիտուտ, Մնջոյանի անվան նուրբ օրգանական քիմիայի ինստիտուտ, Մոլեկուլի կառուցվածքի ուսումնասիրման կենտրոն), Նալբանդյանի անվան քիմիական ֆիզիկայի ինստիտուտը, Մանվելյանի անվան ընդհանուր և անօրգանական քիմիայի ինստիտուտը, Երկրաբանական գիտությունների ինստիտուտը, Նազարովի անվան երկրաֆիզիկայի և ինժեներային սեյսմաբանության  ինստիտուտը: Բաժանմունքի կազմում ընդգրկված են ԳԱԱ 5 ակադեմիկոս, 5 թղթակից անդամ և 19 արտասահմանյան անդամ:

ՀՀ ԳԱԱ Քիմիայի և Երկրի մասին գիտությունների բաժանմունքի ակադեմիկոս-քարտուղար, ՀՀ ԳԱԱ ակադեմիկոս Լևոն Թավադյանը ներկայացրեց 2021թ-ի գիտական և գիտակազմակերպական գործունեության հիմնական արդյունքները:

2021 թվականին բաժանմունքի գիտաշխատողների կողմից տպագրվել է 149 հոդված, որից 97-ը՝ արտասահմանում, 62 թեզիս, որից 55-ը՝ արտասահմանում, 10 մենագրություն, որից 4-ը՝ արտասահմանում, ստացվել է մեկ արտոնագիր:

Ակադեմիկոս Լևոն Թավադյանը ներկայացրեց բաժանմունքի կազմակերպությունների կողմից իրականացված և շարունակվող դրամաշնորհային ծրագրերը:

ՀՀ ԳԱԱ Նալբանդյանի անվան քիմիական ֆիզիկայի ինստիտուտի կողմից իրականացվել են և շարունակվում են հետևյալ ծրագրերը.

  • «Հրազդան գետի ավազանի համար գետավազանային կառավարման նախագծի մշակում. (մաս 2)» ԵՄ ջրային նախաձեռնություն+ԱլԳի, Ջրային միջազգային գրասենյակի ֆինանսավորմամբ

ՀՀ ԳԱԱ Երկրաբանական գիտությունների ինստիտուտի կողմից իրականացվել են հետևյալ ծրագրերը.

  • «Մեծ Կովկասի սեյսմիկ կառուցվածքը և բարձրացումը», Միջազգային գիտատեխնիկական կենտրոնի (ISTC) ֆինանսավորմամբ
  • «Բարձր լեռնային լճերը որպես լոկալ միջավայրի կարևոր բաղկացուցիչ, մարդածին և բնական ազդեցություններ», Միջազգային գիտատեխնիկական կենտրոնի (ISTC) ֆինանսավորմամբ
  • «Սեյսմիկ ցանցի ընդարձակում Կովկասում և Կենտրոնական Ասիայում», Միջազգային գիտատեխնիկական կենտրոնի (ISTC) ֆինանսավորմամբ
  • «Երկրաջերմային էներգետիկ ռեսուրսների և բնական վտանգների գնահատումը Հայաստանում», ԱՄՆ Միջազգային զարգացման գործակալության (USAID) ֆինանսավորմամբ: 

ՀՀ ԳԱԱ Երկրաբանական գիտությունների ինստիտուտում պետական-նպատակային ծրագրի շրջանակներում հիմնավորվել են Հայաստանում առաջին «Գեոպարկ»-ի ստեղծման նախադրյալները: Առաջարկվող երկրաբանական վտանգների հայկական «Գեոպարկ»-ը կներառի 26 երկրատեղանքներ, որոնք կենտրոնացած են համեմատաբար սահմանափակ 4.573 կմ2 տարածքում, որը համապատասխանում է Հայաստանի Հանրապետության 15.3% -ին:

Ժողովի ընթացքում ներկայացվեցին հետևյալ գիտական զեկուցումները՝

  • «Սեյսմակայուն շինարարության նորմերում ու կանոններում հաշվարկային սխեմաների փոփոխման անհրաժեշտության մասին», զեկուցող՝ ՀՀ ԳԱԱ թղթակից անդամ Ս. Մ. Հովհաննիսյան
  • «Հակաացետիլխոլինէսթերազային ակտիվությամբ օժտված քիմիական միացությունների սինթեզը և նրանց կանխարգելիչ ազդեցության  ուսումնասիրումն Ալցհեյմերի հիվանդության փորձարարական մոդելի վրա», զեկուցող՝ կ.գ.թ. Հ. Գասպարյան
  • «Նոր տվյալներ Հայաստանի մետաղային հանքավայրերի վերաբերյալ», զեկուցող՝ ե.գ.թ. Ս. Հովակիմյան
  • «Բարձր էնտրոպիական նյութեր․ լուծույթների այրման սինթեզի եղանակով ստացում և կայծապլազմային եռակալում», զեկուցող՝ ք.գ.թ. Ս. Այդինյան 
  • «Սերպենտիններից կորզված հիդրոսիլիկաժելի կիրառումը մի շարք գործնական նշանակություն ունեցող սիլիկատային միացությունների ստացման համար», զեկուցող՝ տ.գ.թ. Ա. Մ. Թերզյան:

ՀՀ ԳԱԱ Քիմիայի և Երկրի մասին գիտությունների բաժանմունքի ստացված գիտական և կիրառական արդյունքներն առանձին հրապարակումներով կներկայացվեն ՀՀ ԳԱԱ պաշտոնական կայքում:

ՀՀ ԳԱԱ գիտության հանրայնացման և հասարակայնության հետ կապերի բաժին
28.04.2022թ.


Ազդեր








Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով` «ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

Ս.թ. մայիսի 15-ին, ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «Աստղագիտությունը միջճյուղային և բազմաճյուղային գիտությունների խաչմերուկներում» թեմայով սեմինար, որը կներկայացնի ՀՀ ԳԱԱ Վ.Համբարձումյանի անվ. Բյուրականի աստղադիտարանի տնօրեն՝ ֆ.-մ.գ.թ. Արեգ Միքայելյանը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
19/05/2024

Այցելուները կդառնան երկրաբաններ. «Թանգարանների գիշեր»-ը՝ Երկրաբանական թանգարանում
1lurer.am
19/05/2024

Հավատարիմ հայրենի ավանդույթներին. «Հայագիտակ»
hy.armradio.am
18/05/2024

ԳԱԱ լաբորատորիաներից մեկը 160 մլն դրամանոց սարք է ստացել. 2024-ին 4.2 մլրդ կտրամադրվի սարքերի համար
1lurer.am
Կայքը հաճախել են
6 978 084

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:34, 22/05/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: