ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Երվանդ Զորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
25/03/2022
ՀՀ ԳԱԱ Սևանա լճի պահպանության փորձագիտական հանձնաժողովը և EU4Sevan ծրագրի թիմը քննարկեցին Սևանա լճի վերաբերյալ առաջնահերթությունները և համագործակցության հնարավորությունները

ՀՀ Գիտությունների ազգային ակադեմիայի Սևանա լճի պահպանության փորձագիտական հանձնաժողովը և «Սևանա լճի շրջակա միջավայրի պաhպանություն» (EU4Sevan) ծրագրի թիմը քննարկեցին Սևանա լճի էկոլոգիական վիճակի բարելավման համար առաջնահերությունները և համագործակցության հնարավորությունները:

Քննարկմանը մասնակցեցին ՀՀ ԳԱԱ Սևանա լճի պահպանության փորձագիտական հանձնաժողովի նախագահ Բարդուխ Գաբրիելյանը, հանձնաժողովի անդամներ՝ ՀՀ ԳԱԱ Բուսաբանության ինստիտուտի գեոբուսաբանության և էկոլոգիական ֆիզիոլոգիայի բաժնի վարիչ Գեորգի Ֆայվուշը, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի գիտական գծով տնօրենի տեղակալ, հաշվողական և իմացական ցանցերի բաժնի վարիչ Վլադիմիր Սահակյանը, ՀՀ ԳԱԱ Երկրաբանական գիտությունների ինստիտուտի գիտաշխատող, աշխարհագրական տեղեկատվական համակարգի մասնագետ Ալեքսանդր Առաքելյանը, ինժեներ-հիդրոլոգ, տեխնիկական գիտությունների թեկնածու Ալեքսեյ Թարվերդյանը, հիդրոլոգ Օֆելյա Գրիգորյանը, EU4Sevan ծրագրի թիմի ղեկավար Քրիստիան Հենշելը, ծրագրի կոյուղաջրերի կառավարման գծով խորհրդական Նվեր Խաչատուրյանը, ՄԱԶԾ բաղադրիչի (էկոհամակարգային կառավարում) համակարգող Աստղիկ Դանիելյանը:

Սևանա լճի շրջակա միջավայրի պահպանությանն ուղղված EU4Sevan ծրագիրն իրականացվում է Գերմանիայի միջազգային համագործակցության ընկերության (GIZ) և ՄԱԿ-ի զարգացման ծրագրի կողմից՝ Եվրոպական միության ֆինանսավորմամբ:

EU4Sevan ծրագրի թիմի ղեկավար Քրիստիան Հենշելն ասաց, որ հիմնական նպատակն է ունենալ ընդհանուր տեսլական և համատեղ լուծել Սևանա լճի հետ կապված բարդ և բազմաբաղադրիչ խնդիրները: «Մեզ համար շատ կարևոր է գիտահետազոտական բաղադրիչը: Որոշում կայացնող անձիք պետք է կայացնեն գիտահեն, փաստահեն որոշումներ: Մենք այստեղ փնտրում ենք համագործակցության եզրեր: Առաջին քայլն արված է, մեր ծրագրում ներգրավված է հանձնաժողովի անդամ Ալեքսանդր Առաքելյանը՝ որպես ջրային ռեսուրսների համապարփակ կառավարման գծով խորհրդական», - ասաց Քրիստիան Հենշելը:

ՄԱԶԾ բաղադրիչի համակարգող Աստղիկ Դանիելյանն ասաց. «Ծրագրի շրջանակներում իրականացվող գործողությունները սերտորեն համակարգվում են Հայաստանի կառավարության հետ, և որոշումները կայացվելու են կառավարության կողմից, ունենալու են իրավական ուժ: Սևանա լճի հետ կապված գործողությունները համակարգվելու են և բխելու են այդ որոշումներից»:

ՀՀ ԳԱԱ Սևանա լճի պահպանության փորձագիտական հանձնաժողովի նախագահ Բարդուխ Գաբրիելյանը նշեց. «Ամենակարևորը ջրի որակն է, իսկ այն հնարավոր է բարելավել լճի մակարդակի բարձրացմամբ: Մենք պետք է մտածենք ջրի ավելի արդյունավետ օգտագործման ուղղությամբ: Կլիմայի փոփոխության ներկայիս պայմաններում պետք է նվազեցնել ջրի ելքը լճից, իսկ դրա համար պետք է նվազեցնել ջրի կորուստները, որոնք որոշ տեղերում հասնում են 80 տոկոսի»:

ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի գիտական գծով տնօրենի տեղակալ Վլադիմիր Սահակյանն առաջարկեց ծրագրում ներառել տվյալների հավաքագրման բաղադրիչը: «Ամենաբարդը տեղեկատվության հավաքագրումն է: Տարիներ առաջ մենք փորձեցինք ստեղծել տվյալների բազա՝ հավաքագրելով տվյալներ Սևանա լճի հետ կապված գործունեություն իրականացնող կազմակերպություններից: Մեր համակարգն աշխատեց կես տարի, որից հետո կազմակերպություններն այլևս տեղեկատվություն չտրամադրեցին: Տեղեկատվության հավաքագրումը շատ կարևոր է, դրա համար  պետք է լինեն պայմանագրեր այդ բոլոր կազմակերպությունների հետ», - ասաց նա:

Տեխնիկական գիտությունների թեկնածու Ալեքսեյ Թարվերդյանը բարձրացրեց Սևանա լճի ավազանում կոյուղաջրերի մաքրման հարցը. «Շրջակա միջավայրի նախարարության կողմից մշակվում է նախագիծ, որով նախատեսվում է գոյություն ունեցող մաքրման կայանների փոխարեն տեղադրել լոկալ մաքրման կայաններ: Ծրագրի շրջանակներում պետք է գնահատել՝ տեղադրել այդ լոկալ կայանները, թե՝ ոչ, ինչ անել գոյություն ունեցող հզոր կայանների հետ»:
ՀՀ ԳԱԱ Սևանա լճի պահպանության փորձագիտական հանձնաժողովի և EU4Sevan ծրագրի թիմի կողմից ձեռք բերվեց պայմանավորվածություն ամրապնդել և զարգացնել համագործակցությունը:
  
ՀՀ ԳԱԱ գիտության հանրայնացման և հասարակայնության հետ կապերի բաժին 
25.03.2022թ.


Ազդեր








Սույն թվականի փետրվարի 21-ին Հր. Աճառյանի անվան լեզվի ինստիտուտը սիրով հրավիրում է մասնակցելու «Հայոց լեզվի ուսումնասիրության և ուսուցման արդի խնդիրներ» խորագրով միջազգային գիտաժողովին: Գիտաժողովը տեղի կունենա Լեզվի ինստիտուտում

Ս.թ. փետրվարի 23-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա «Չընդհատված ծածկագիր. հայեր» գիտական ֆիլմի ցուցադրությունը և քննարկումը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

2024թ․ մարտի 28-30-ը ՀՀ գիտությունների ազգային ակադեմիան և Երևանի պետական համալսարանը անցկացնելու են «Հայաստանը որպես քաղաքակրթական խաչմերուկ․ պատմամշակութային առնչություններ» թեմայով միջազգային գիտաժողով

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
21/02/2024

Դա հետաքրքիր մեխանիզմ է. Օրինակ՝ կարող է սահմանագծման գործընթացում գիտական թեմա ի հայտ գալ. Փաշինյան
news.am
21/02/2024

Փաշինյանն առաջարկել է բուհերի ազատված շենքերը վարձակալության տալ և եկամուտն ուղղել «Ակադեմիական քաղաքի» ֆինանսավորմանը
news.am
21/02/2024

Գիտական կոչումների շնորհման գործընթացում ստաբիլ ցածր դինամիկա կա. պատճառը գրագողության դեմ պայքարն է. Սարգիս Հայոցյան
news.am
20/02/2024

Վարչապետին է ներկայացվել Բարձրագույն կրթության և գիտության կոմիտեի 2023թ. հաշվետվությունը
primeminister.am
Կայքը հաճախել են
6 852 261

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:41, 23/02/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: