ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Արմեն Սեդրակյան
Ֆիզմաթ գիտությունների դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
02/12/2021
«Մենք հիմա ապրում ենք մի ժամանակաշրջան, երբ քիմիան մարդկությանը պետք է առավել քան երբևէ». անվանի քիմիկոս Վալենտին Անանիկովի գիտական զեկուցումը՝ ՀՀ ԳԱԱ-ում

   Ս.թ. դեկտեմբերի 2-ին ՀՀ գիտությունների ազգային ակադեմիան հյուրընկալեց Ռուսաստանի Դաշնության գիտությունների ակադեմիայի ակադեմիկոս, Նիկոլայ Զելինսկու անվան օրգանական քիմիայի ինստիտուտի մետաղակոմպլեքս և նանոչափ կատալիզատորների լաբորատորիայի ղեկավար, Եվրոպայի ակադեմիայի անդամ Վալենտին Անանիկովին: Ակադեմիկոս Անանիկովը հանդես եկավ «Կատալիզի բազմակողմանի տեսությունը Ա.Ա. Բալանդինից մինչև մեր օրեր» գիտական զեկուցմամբ։

   ՀՀ ԳԱԱ նախագահ, ակադեմիկոս Աշոտ Սաղյանը կարևորեց ակադեմիկոս Անանիկովի այցը. «Ներկայում Գիտության կոմիտեի աջակցությամբ Գիտությունների ազգային ակադեմիան իրականացնում է ծրագրեր, որոնց շրջանակներում Հայաստան են հրավիրվում առաջատար գիտնականներ արտերկրից դասախոսություն կարդալու համար:  Մենք նաև լրացուցիչ հիմնադրամ ենք ստեղծում անվանի գիտնականներին մեզ մոտ հրավիրելու նպատակով: Հարցը քննարկվել է Ռուսաստանի գիտությունների ակադեմիայի նախագահ Ալեքսանդր Սերգեևի հետ, ով պատրաստակամություն է հայտնել խթանելու այս գործընթացը»:

   ՀՀ ԳԱԱ քիմիայի և Երկրի մասին գիտությունների բաժանմունքի ակադեմիկոս-քարտուղար Լևոն Թավադյանը ներկայացրեց Վալենտին Անանիկովի գիտական նվաճումները՝ նշելով, որ նա համաշխարհային մակարդակի խորոշ գիտնական է, ում գիտական աշխատություններից ամենաշատն են հղումներ կատարվում քիմիայի ոլորտում: «Վալենտին Անանիկովն իրականացնում է քիմիական գործընթացների տեսական ուսումնասիրություն և մոդելավորում, արհեստական բանականության կիրառություն քիմիական հետազոտություններում: Նա ստեղծել է մի շարք նանոչափ արդյունավետ կատալիզատորներ, որոնց միջոցով հնարավոր է կորզել կենսաբանական զանգվածից զանազան օգտակար քիմիական միացություններ», - նշեց Լևոն Թավադյանը։

   Վալենտին Անանիկովը բարձր գնահատեց ՀՀ ԳԱԱ-ի հետ համագործակցության հեռանկարներն ինչպես քիմիական գիտությունների, այդպես էլ մյուս բնագավառներում: «Ժամանակին մենք շատ սերտ կապ ենք ունեցել: Մեր ինստիտուտում Հայաստանից շատ գիտնականներ, հետազոտողներ են աշխատել: Այդ գիտակրթական կապերը դրական ազդեցություն են ունեցել գիտության զարգացման վրա, և կարծում եմ, որ պետք է աշխատել դրանք վերականգնելու, ամրապնդելու ուղղությամբ: Դրանից երկու կողմերն էլ միայն կշահեն: Մենք հիմա ապրում ենք մի ժամանակաշրջան, երբ քիմիան մարդկությանը պետք է առավել քան երբևէ: Քիմիան արդյունաբերության մի շարք ոլորտների հիմքն է, իսկ այսօր շատ արդիական է նաև նոր հակավիրուսային դեղամիջոցների ստեղծման գործում:  Մեր օրերում քիմիան ամենապահանջված, օգտակար և հետաքրքիր ոլորտն է», - ասաց Վալենտին Անանիկովը:

   Ակադեմիկոս Անանիկովը գիտական զեկուցմամբ հանդես կգա նաև դեկտեմբերի 3-ին՝ ժամը 14.00-ին, ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնում:Վալենտին Անանիկովը ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնի գիտաշխատող Արփինե Հարությունյանի և ավագ գիտաշխատող Աստղիկ Շահխաթունու կողմից ղեկավարած «Իոնական հեղուկների մշակում և դրանց կիրառությունը քիմիայում»,  «Կենսաբանորեն ակտիվ միացությունների ինքնության և մաքրության վերլուծության նոր միջուկային-մագնիսական ռեզոնանսի սպեկտրոսկոպիկ եղանակների մշակում» թեմաների օտարերկրյա խորհրդատուն է: 

   ՀՀ ԳԱԱ տեղեկատվական-վերլուծական ծառայություն
   02.12.2021թ.


Ազդեր








Վեբինար նվիրված տեխնոլոգիաների փոխանցմանը և նորարարություններին Լեհաստանում տեղի կունենա 2022թ․ հունվարի 18-ին

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2022 году

ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

Հայաստանի և սփյուռքի 16-35 տարեկան երիտասարդները կարող են մասնակցել «100 գաղափար Հայաստանի համար» մրցույթին

Ազդարարվել է Մարի Կյուրիի անվան կրթաթոշակային ծրագրի 2021թ. մրցույթի մեկնարկը

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
12/01/2022
Անալգինին և դիկլոֆենակին փոխարինող ցավազրկող. հայ գիտնականների բացահայտումը 1lurer.am
12/01/2022
«ՀՀ» օրաթերթի «Հյուրասրահի» հյուրերը Ռուբեն Սաֆրաստյանը և Վիկտոր Անատոլիի Նադեին-Ռաեւսկին են hhpress.am
12/01/2022
ԳԱԱ ինստիտուտները դուրս չեն բերվի Ակադեմիայի կազմից. օրենքի նախագիծը վերանայվել է 1lurer.am
11/01/2022
Ինչպե՞ս կապել գիտությունն ու բիզնեսը և ապահովել գիտական արդյունքների կիրառականությունը․ գիտնականի առաջարկները ankakh.com
Կայքը հաճախել են
6 017 020

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  09:58, 14/01/2022 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ -
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: