ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Սփյուռքի բաժինը
ներկայացնում է
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Հայտարարություններ
Գիտաժողովներ
Հրապարակումներ մամուլում
Ազդեր
Լուսանկարներ
Տեսադարան
«Գիտություն» թերթ
«Գիտության աշխարհում» հանդես
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
16/11/2021
Միջազգային գիտաժողով ՀՀ ԳԱԱ-ում՝ նվիրված «Կովկասի հայոց բարեգործական ընկերության» հիմնադրման 140-ամյակին

   Ս.թ. նոյեմբերի 16-ին ՀՀ գիտությունների ազգային ակադեմիայի պատմության ինստիտուտում տեղի ունեցավ «Բարեգործությունը հայոց մեջ» միջազգային գիտաժողովը՝ նվիրված «Կովկասի հայոց բարեգործական ընկերության» հիմնադրման 140-ամյակին:
   Գիտաժողովի մասնակիցներին ողջունեց ՀՀ ԳԱԱ հայագիտության և հասարակական գիտությունների բաժանմունքի ակադեմիկոս քարտուղար, ՀՀ ԳԱԱ ակադեմիկոս Յուրի Սուվարյանը: Շեշտելով հայ ժողովրդի համար դժվարին ժամանակներում բարեգործական գործունեության կարևորությունը՝ Յուրի Սուվարյանն ասաց. «Հայոց բարեգործական սովորույթը վաղուց է արմատավորվել և առաջին հերթին այն պատճառով, որ մենք չենք ունեցել պետականություն: Հայ մտավորականության, հայ մշակույթի զարգացման գործը առաջ է մղվել բարեգործության արդյունքում: 140 տարի առաջ Թիֆլիսում ստեղծվեց Կովկասի հայոց բարեգործական ընկերությունը, և դա պատահական չէր, որովհետև այդ ժամանակ Թիֆլիսում բնակչության 70 տոկոսը հայեր էին: Հայոց առաջին բարեգործական ընկերության ակունքներում կանգնած են եղել մեր շատ ականավոր գործիչներ, որոնք ուղղորդել են բարեգործական ընկերության գործունեությունը: Ընկերությունը գործել է մինչև 1921թ-ը: Այդ ժամանակ ընկերության ամբողջ գույքը վարչության որոշմամբ հանձնվեց նորաստեղծ Հայաստանի կառավարությանը: 
   Բարեգործական այդ գործունեությունը միայն պատմական փաստ չէ, այն նաև դաս է այսօրվա սերնդին՝ իմանալու համար, որ առաջին հերթին պետությունը պետք է զբաղվի մշակութային, գիտական գործունեության հովանավորմամբ, մարդկանց սոցիալական խնդիրների լուծմամբ: Սա պետք է դաստիարակի վարքագիծ բոլոր ապրող մարդկանց մոտ մշակույթի, գիտության նկատմամբ, վարքագիծ, որը կարող է նպաստել այդ ոլորտների զարգացմանը», - ասաց Յուրի Սուվարյանը:

   ՀՀ ԳԱԱ պատմության ինստիտուտի տնօրեն, ՀՀ ԳԱԱ ակադեմիկոս Աշոտ Մելքոնյանը նշեց, որ առանց բարեգործության, հատկապես 19-րդ դարի վերջին և 20-րդ դարի առաջին տասնամյակներին, երբ վայրիվերումների դաժան դարաշրջան էր, հայ ժողովուրդը շատ ավելի մեծ կորուստներ էր ունենալու: «Բազմաթիվ անգամներ տեղի են ունեցել սովահարություններ Հայաստանի տարբեր շրջաններում, երբ չկար պետականություն: Հայ ժողովրդի օժանդակության ծանրագույն բեռը իր վրա էր փորձում վերցնել Հայաստանյաց առաքելական եկեղեցին: 1889թ-ին տեղի ունեցավ Վանի հայտնի սովը, որը, իմ խորին համոզմամբ, արագորեն խթանեց բարեգործության գործընթացը մեզանում», - ասաց Աշոտ Մելքոնյանը: Ըստ նրա՝ բարեգործական կազմակերպությունների առանձնահատկությունը նրանում էր, որ զուգահեռ դրանք զբաղվում էին նաև քաղաքական գործունեությամբ: 
   ՀՀ ԳԱԱ Մանուկ Աբեղյանի անվան գրականության ինստիտուտի տնօրեն Վարդան Դևրիկյանն էլ նշեց. «Որքան էլ բարեգործությունը վեհ հասկացություն է, մաղթենք, որ մեր երկիրը հասնի այն մակարդակի, երբ հնարավորինս կնվազեցվի բարեգործությունը, և այն կմնա որպես մարդկային գթասիրության օրինակ»: 
   Գիտաժողովի ընթացքում նախատեսվում են երկու տասնյակից ավելի զեկուցումներ՝ նվիրված տարբեր ժամանակներում և տարբեր բնակավայրերում հայության բարեգործական գործունեության հոգևոր և բարոյական հիմունքներին, կրթական և մարդասիրական ընկերությունների գործունեությանը, հայ անվանի գործիչների մասնակցությանը բարեգործության կազմակերպմանը, արևմտահայ գաղթականությանը, որբախնամ գործունեության պատմությանը Առաջին աշխարհամարտի տարիներին:
   Զեկուցումները կներկայացնեն ՀՀ ԳԱԱ պատմության ինստիտուտի, Հրաչյա Աճառյանի անվան լեզվի ինստիտուտի, Մանուկ Աբեղյանի անվան գրականության ինստիտուտի, Երևանի պետական համալսարանի, Ռուսաստանի Դաշնության Պյատիգորսկի պետական համալսարանի և Սարատովի պետական համալսարանի գիտաշխատողները:

   ՀՀ ԳԱԱ տեղեկատվական-վերլուծական ծառայություն
   16.11.2021թ.


Ազդեր








ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

Հայաստանի և սփյուռքի 16-35 տարեկան երիտասարդները կարող են մասնակցել «100 գաղափար Հայաստանի համար» մրցույթին

Ազդարարվել է Մարի Կյուրիի անվան կրթաթոշակային ծրագրի 2021թ. մրցույթի մեկնարկը

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
04/12/2021
2022-ին գիտության ֆինանսավորումը կավելանա 85 տոկոսով armradio.am
03/12/2021
Արդյո՞ք Ռուսաստանը և Թուրքիան դիտարկում են եվրասիականությունը որպես պետական քաղաքականության փիլիսոփայություն. Վերոնիկա Թորոսյան yerepouni-news.com
03/12/2021
Վարչապետ Նիկոլ Փաշինյանն անդրադարձել է գիտության ոլորտի ֆինանսավորման աճին primeminister.am
03/12/2021
Ոչ սպիտակուցային ամինաթթուների ստացման հետազոտություն՝ պետական դրամաշնորհով 1lurer.am
Կայքը հաճախել են
5 978 688

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:23, 06/12/2021 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտական արդյունքներ - Սփյուռքի բաժինը ներկայացնում է
Հայտարարություններ - Երիտասարդ գիտնականի ամբիոն - Գիտաժողովներ - Հրապարակումներ մամուլում - Ազդեր - Լուսանկարներ - Տեսադարան
«Գիտություն» թերթ - «Գիտության աշխարհում» հանդես - Հիմնադրամներ - Հոբելյաններ - Հրատարակություններ - Վեբ ռեսուրսներ - Այլ ակադեմիաներ
Համալսարաններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: