ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
05/11/2021
Ռուսաստանի գիտությունների ակադեմիան և ՀՀ գիտությունների ազգային ակադեմիան ստորագրեցին գիտատեխնիկական համագործակցության ճանապարհային քարտեզ

    Ս.թ. նոյեմբերի 5-ին Ռուսաստանի գիտությունների ակադեմիայի նախագահ, ակադեմիկոս Ալեքսանդր Սերգեևը և ՀՀ գիտությունների ազգային ակադեմիայի նախագահ, ակադեմիկոս Աշոտ Սաղյանը ստորագրեցին Գիտատեխնիկական համագործակցության համաձայնագրի դրույթների իրականացման ճանապարհային քարտեզ ՀՀ ԳԱԱ-ի և ՌԳԱ-ի միջև: 

    ՀՀ ԳԱԱ նախագահ, ակադեմիկոս Աշոտ Սաղյանը իր ելույթում նշեց, որ ճանապարհային քարտեզը ենթադրում է համատեղ հետազոտությունների շարունակություն և համագործակցություն Հայաստանի և Ռուսաստանի համար արդիական և առաջնահերթ ուղղություններով: 

    «Հայաստանի գիտությունների ազգային ակադեմիայի համար մեծ նշանակություն ունի Ռուսաստանի գիտությունների ակադեմիայի հետ համագործակցությունը, հատկապես, որ մեր ակադեմիաները, մեր գիտնականները պատմականորեն կապված են իրար հետ: Կարևոր է, որպեսզի մեր համագործակցությունը տեղափոխենք նոր, ավելի բարձր մակարդակի վրա: Ես վստահ եմ, որ մեր համագործակցությունը բավականին հագեցած և գիտականորեն արդյունավետ կլինի, և մեր ինստիտուտների պատասխանատու մոտեցման, կառավարությունների աջակցության շնորհիվ կհասնենք լուրջ հաջողությունների, որը մեծ դեր կխաղա մեր երկրների տնտեսության զարգացման համար», - ասաց ակադեմիկոս Աշոտ Սաղյանը:

    Իր ելույթում ՌԳԱ նախագահ, ակադեմիկոս Ալեքսանդր Սերգեևը նշեց. «Մենք ունենք շատ ընդհանուր խնդիրներ: Չնայած նրան, որ մեր երկրները տարբեր են ֆորմատով և քաղաքական կառուցվածքով, մեր գիտնականները պետք է միավորվեն: Մենք ունենք բավականին լավ ներուժ իրար հետ աշխատելու և օգնելու համար:  Ճանապարհային քարտեզը հստակ ցույց է տալիս այն կարևոր ուղղությունները՝ հիմնարար և կիրառական, որոնք արդյունավետ են մեր պետությունների շահերի համար»:

    Ճանապարհային քարտեզում նշված համատեղ հետազոտությունները ներառում են ֆիզիկայի, մաթեմատիկայի, ինֆորմատիկայի, նանոտեխնոլոգիաների, կենսաբանական գիտությունների և կենսատեխնոլոգիայի, քիմիայի և նյութերի մասին գիտության, պատմաբանասիրական, բժշկական, գյուղատնտեսական հետազոտությունների, էներգետիկայի, մեխանիկայի ոլորտները: Ճանապարհային քարտեզում նշված են 54 համատեղ հետազոտություններ և նախագծեր: 

     Հայաստանում Ռուսաստանի արտակարգ և լիազոր դեսպան Սերգեյ Կոպիրկինը ողջունեց Ռուս-հայկական գիտական համագործակցության այս նախաձեռնությունը: «Դա թույլ է տալիս մեզ վստահորեն շարժվել դեպի ապագա», - ասաց ՌԴ դեսպանը:

    ՀՀ կրթության, գիտության, մշակույթի և սպորտի նախարար Վահրամ Դումանյանը շեշտեց գիտական ծրագրերում երիտասարդ կադրերի ներգրավվածության կարևորությունը և ասաց. «Մենք կանենք մեզանից կախված ամեն ինչ, որպեսզի մեր գիտական կապերն ավելի ամրապնդենք»:

    ՀՀ բարձր տեխնոլոգիական արդյունաբերության նախարար Վահագն Խաչատուրյանը նշեց, որ Հայաստանը և Ռուսաստանը պետք է վերականգնեն բարձր տեխնոլոգիաների ոլորտում համագործակցության ավանդույթները: 

    ՌԳԱ նախագահ, ակադեմիկոս Ալեքսանդր Սերգեևին ՀՀ ԳԱԱ նախագահ Աշոտ Սաղյանը հանձնեց ՀՀ ԳԱԱ պատվավոր անդամի դիպլոմ: Ի պատիվ Ալեքսանդր Սերգեևի՝ ՀՀ ԳԱԱ պատվավոր անդամ ընտրվելու, ՀՀ ԳԱԱ նախագահության գլխավոր խորհրդական, ՌԳԱ արտասահմանյան անդամ, ակադեմիկոս Ռադիկ Մարտիրոսյանը իր ելույթում ասաց, որ, համաձայն ՀՀ ԳԱԱ կանոնադրության, պատվավոր անդամ ընտրվում են համաշխարհային ճանաչում ունեցող գիտնականները, որպեսզի նպաստեն Հայաստանի գիտության զարգացմանը։ 

    Ակադեմիկոս Մարտիրոսյանը բարձր գնահատեց Ալեքսանդր Սերգեևի ներդրումը գիտության մեջ: «Սերգեևը Ռուսաստանի Դաշնության գիտական հանրության առաջատար մասնագետներից է լազերային ֆիզիկայի, ֆեմտովայրկյանային օպտիկայի, պլազմայի ֆիզիկայի և բիոֆոտոնիկայի բնագավառներում։ Նրա ղեկավարությամբ ստեղծվել է հարյուրավոր տերավատ ճառագայթման գագաթնակետային հզորությամբ աղբյուրների համալիր, որը ստեղծման պահին համաշխարհային ռեկորդ էր։ Սերգեևն առաջարկել է Ռուսաստանում ստեղծել աշխարհի ամենահզոր CELS լազերը, որը կկարողանար արտադրել հարյուրավոր մեգավատ հզորությամբ իմպուլսներ: Այս նախագիծը Ռուսաստանի կառավարության կողմից ներառվել է 2010-2020 թվականներին իրականացվող 6 մեգագիտական նախագծերի շարքում։ Սերգեևը կազմակերպել է ռուս գիտնականների մասնակցությունը մի շարք խոշոր միջազգային ծրագրերում, մասնավորապես, LIGO գրավիտացիոն ալիքների բացահայտման աստղադիտարանի աշխատանքները։ Այս հայտնագործության համար նրան 2016 թվականին շնորհվել է Տիեզերագիտության ոլորտում Գրուբերի մրցանակ», - մասնավորապես ասաց Ռադիկ Մարտիրոսյանը:

    Նա շեշտեց Ալեքսանդր Սերգեևի դերը ՀՀ ԳԱԱ-ի հետ գիտական համագործակցության զարգացման գործում, ինչը, ըստ ակադեմիկոս Մարտիրոսյանի, պայմանավորված է ռադիոֆիզիկայի ընդհանուր գիտական դպրոցի ազդեցության հետ, որն ունի հարուստ ավանդույթներ:

    Իր պատասխան խոսքում Ալեքսանդր Սերգեևը նշեց. «Ինձ համար շատ մեծ պատիվ է ձեզանից ստանալ նման կոչում: Ես կարծում եմ, որ մենք իսկապես կարող ենք լուրջ ներդրում ունենալ մեր երկրների զարգացման գործում ոչ միայն գիտության ոլորտում, նաև մշակույթի և միջկառավարական հարաբերությունների, և որ ամենակարևորն է, մենք շարունակենք մնալ մեր ժողովուրդների աչքերում որպես առանցքային դերակատարություն ունեցող կառույցներ: Ես իմ կողմից կներդնեմ բոլոր ջանքերս՝ արժանի լինելու համար այս բարձր կոչմանը», - ասաց ՌԳԱ նախագահը: 

05.11.2021 թ.
ՀՀ ԳԱԱ Տեղեկատվական-վերլուծական ծառայություն


Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 952 694

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:24, 18/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: