National Academy of Sciences of the Republic of Armenia
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Սփյուռքի բաժինը
ներկայացնում է
Լևոն Պետրոսյան
ֆիզմաթ. գիտութունների դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
«Գիտության աշխարհում» հանդես
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
27/09/2021
ՀՀ Գիտությունների ազգային ակադեմիայում մեկնարկեց համակարգչային գիտությանը և ինֆորմացիոն տեխնոլոգիաներին նվիրված միջազգային գիտաժողով

    Ս.թ. սեպտեմբերի 27-ին ՀՀ Գիտությունների ազգային ակադեմիայի Ինֆորմատիկայի և ավտոմատացման պրոբլեմների ինստիտուտում մեկնարկեց «Համակարգչային գիտություն և ինֆորմացիոն տեխնոլոգիաներ՝ CSIT-2021» 13-րդ միջազգային գիտաժողովը: Գիտաժողովը կազմակերպել է ՀՀ Գիտությունների ազգային ակադեմիան և ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը: 

    Գիտաժողովի նպատակն է խրախուսել գիտական և տեխնոլոգիական տեղեկատվության փոխանակումը համակարգչային գիտության և ինֆորմացիոն տեխնոլոգիաների բնագավառում: Այն հնարավորություն կտա հայ և արտասահմանցի գիտնականներին ներկայացնելու և քննարկելու իրենց գիտական գաղափարները, հետազոտությունների արդյունքները, զարգացման հեռանկարները, փոխանակելու փորձը: Գիտաժողովին առկա և առցանց մասնակցում են ավելի քան 70 հետազոտողներ և ճարտարագետներ Հայաստանից, Ռուսաստանի Դաշնությունից, Ուկրաինայից, Ամերիկայի Միացյալ Նահանգներից, Կանադայից, Ֆրանսիայից, Հունաստանից, Մակեդոնիայից, Վրաստանից, Իրանից: 

    Նիստերի հիմնական քննարկվող թեմաները նվիրված են արհեստական բանականության և մեքենայական ուսուցման, ամպային և բարձր արտադրողականությամբ հաշվարկների, իմացական ալգորիթմների և մոդելների, գաղտնագրության և կիբերանվտանգության, դիսկրետ մաթեմատիկայի և կոմբինատոր վերլուծության, տեղեկատվական տեխնոլոգիաների կիրառությունների, ինֆորմացիայի  և կոդավորման տեսության, բաշխված համակարգերի, կերպարների ճանաչման և պատկերների մշակման, հեռահաղորդակցության և ցանցերի հետ կապված հարցերին: 

    ՀՀ Գիտությունների ազգային ակադեմիայի Մաթեմատիկական և տեխնիկական գիտությունների բաժանմունքի ակադեմիկոս-քարտուղար Լենսեր Աղալովյանը նշեց, որ այս միջոցառումը նաև հնարավորություն է արտասահմանցի գիտնականների համար ծանոթանալու Հայաստանի հետ: «Հայաստանի համար հիմա դժվար ժամանակներ են, բայց մենք շարունակում ենք աշխատել: Մենք գիտության մարդիկ ենք, և միայն մեր աշխատանքը կատարելով կհասնենք ամեն ինչի», - ասաց նա:

    Գիտաժողովին բացման խոսքով ելույթ ունեցավ ՀՀ բարձր տեխնոլոգիական արդյունաբերության նախարարի խորհրդական Հայկ Ասլանյանը: «Այս միջոցառումը շատ կարևոր է Հայաստանի բարձր տեխնոլոգիաների ոլորտի համար: Գիտաժողովի մասնակիցներին մաղթում եմ հետաքրքիր քննարկումներ և գիտական արդյունքների բարելավում», - ասաց նա:

    Ռուսաստանի գիտությունների ակադեմիայի փոխնախագահ, ակադեմիկոս Հարություն Ավետիսյանը խոսեց համակարգչային գիտության կարևորության մասին: «Ես կարծում եմ, որ Հայաստանում այս ոլորտը զարգացած է, իսկ մեր օրերում համակարգչային գիտությունը, հաղորդակցությունը շատ կարևոր են: Ես հաջողություն եմ մաղթում գիտաժողովի մասնակիցներին իրենց աշխատանքներում», - ասաց նա:

    Ֆրանսիայի Գիտական հետազոտությունների ազգային կենտրոնի գիտության գծով տնօրենի տեղակալ,  պրոֆեսոր Միշել Դայդեն ողջունեց գիտաժողովի մասնակիցներին և շեշտեց համակարգչային գիտության կարևորության մասին անվտանգության ոլորտում: 

    Գիտաժողովի նիստերի ժամանակ մասնակիցները կներկայացնեն իրենց զեկույցներն ու աշխատությունները: Դրանք կամփոփվեն գիտաժողովի նյութերի ժողովածուում:

    Գիտաժողովի հովանավորն է ՀՀ Գիտության, կրթության, մշակույթի, սպորտի նախարարության Գիտության կոմիտեն։ Գիտաժողովի աշխատանքներին տեխնիկապես աջակցում են Հայաստանի ազգային պոլիտեխնիկական համալսարանը, Երևանի կապի միջոցների ինստիտուտը և ASNET-AM Հայաստանի գիտակրթական համակարգչային ցանցը։

    Գիտաժողովը իր աշխատանքները կշարունակի մինչև հոկտեմբերի 1-ը։

27.09.2021 թ.
ՀՀ ԳԱԱ Տեղեկատվական-վերլուծական ծառայություն 


Հայտարարություններ








ՀՀ կառավարությունը հաստատել է 2022 թվականին իրականացվելիք գիտական և գիտատեխնիկական պետական նպատակային ծրագրերը

Աջակցություն պոտենցիալ հայ դիմորդներին` «Հորիզոն Եվրոպա» ծրագրի շրջանկներում նախագծերի առաջարկների մշակման համար

Հայաստանի և սփյուռքի 16-35 տարեկան երիտասարդները կարող են մասնակցել «100 գաղափար Հայաստանի համար» մրցույթին

Ազդարարվել է Մարի Կյուրիի անվան կրթաթոշակային ծրագրի 2021թ. մրցույթի մեկնարկը

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի ՄՐՑՈՒՅԹ: Հայտերի ներկայացման վերջնաժամկետն է 2021 թ. օգոստոսի 13-ը ներառյալ:

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
22/10/2021
Համագործակցություն եվրոպական և ոչ միայն եվրոպական բուհերի հետ. ՀՀ ԳԱԱ Արևելագիտության ինստիտուտ
armversion.am
22/10/2021
Հայ գիտնականները ևս զբաղվում են ԱԹՍ-ների մշակմամբ
armversion.am
20/10/2021
Շրջադարձ դեպի գիտությո՞ւն. ի՞նչ են հուշում թվերը
aravot.am
20/10/2021
Հայ գիտնականները երկրաբանության ոլորտում համաշխարհային նշանակության արդյունքներ են արձանագրել
ankakh.com
Կայքը հաճախել են
5 936 314

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:00, 26/10/2021 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտական արդյունքներ - Սփյուռքի բաժինը ներկայացնում է -
Երիտասարդ գիտնականի ամբիոն - Գիտաժողովներ - Հրապարակումներ մամուլում - Հայտարարություններ - Լուսանկարներ - Տեսադարան - «Գիտություն» թերթ -
«Գիտության աշխարհում» հանդես - Հիմնադրամներ - Հոբելյաններ - Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: