ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Մկրտիչ Թումանյան
Մ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
COVID-19
Նորություններ
23/07/2021
Քննարկվել են գիտության ոլորտի խնդիրները և լուծման ճանապարհները

    ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը Բյուրականի աստղադիտարանում գիտական համայնքի հետ քննարկել է ոլորտի խնդիրներին և զարգացման հնարավորություններին վերաբերող հարցեր:
    ՀՀ գիտությունների ազգային ակադեմիայի, ՀՀ գիտության և կրթության ազգային հիմնադրամի (ԳԿՀԱՀ/ANSEF) գիտնականների, Հայ օգնության ֆոնդի, երիտասարդ աստղագետների հանդիպման նպատակը քննարկումների ու մտագրոհների միջոցով գիտությանն ու մասնավորապես ԳԿՀԱՀ-ի շրջանակում դրամաշնորհ ստացած գիտնականներին վերաբերող խնդիրների բարձրաձայնումը և դրանք ոլորտի ներկայացուցիչների, գիտության քաղաքականությունն առաջ տանողների հետ քննարկելն էր:
    ՀՀ ԿԳՄՍ նախարարի տեղակալ Կարեն Թռչունյանը, շնորհակալություն հայտնելով ՀՕՖ-ին սեմինար-խորհրդակցության կազմակերպման համար, շեշտել է պարբերաբար նման հանդիպումներ անցկացնելու և այդպիսով ոլորտի բարեփոխումների ուղղությամբ տարվող աշխատանքներն առավել նպատակային ու արդյունավետ դարձնելու կարևորությունը: Կարեն Թռչունյանի խոսքով՝ բոլոր ծրագրերի հիմքում պետք է լինեն հենց ոլորտի ներկայացուցիչների առաջարկությունները և նկատառումները:


    ՀՕՖ-ի Գիտական և կրթական ծրագրերի ղեկավար Էդուարդ Կարապետյանը, ընդգծելով ԳԿՀԱՀ-ի երկարամյա դերը հայաստանցի գիտնականներին աջակցելու ու ոլորտում նրանց կայացման գործում, խոսել է կատարած և առաջիկա անելիքների, համագործակցության նոր ուղիների մասին. «2001-ին՝ ԳԿՀԱՀ-ի ստեղծման ժամանակ, խնդիրներն այլ էին. մենք փորձում էինք կասեցնել գիտական մտքի արտահոսքը, աջակցել գիտահետազոտական ինստիտուտներին, քանի որ շատերը նույնիսկ համակարգիչ չունեին: Մինչ օրս ԳԿՀԱՀ հետազոտական խմբին ներկայացվել է շուրջ 3100 գիտական աշխատանք, դրամաշնորհ է ստացել ավելի քան 500 գիտական խումբ, որոնցում ընդգրկված են մոտ 2000 գիտնականներ, իսկ դրամաշնորհային ընդհանուր գումարը կազմել է 2 մլն 700 հազար դոլար»:
    ԿԳՄՍ նախարարի տեղակալ Կարեն Թռչունյանն առկա համագործակցությունն ընդլայնելու և խորացնելու պատրաստակամություն է հայտնել՝ ընդգծելով, որ կձեռնարկվեն անհրաժեշտ քայլերը պետական կառավարման համակարգին առնչվող հարցերին արդյունավետ լուծումներ տալու համար:
    ՀՀ ԳԱԱ նորընտիր ակադեմիկոս-քարտուղար, ԳԿՀԱՀ դրամաշնորհառու Արթուր Իշխանյանն ընդգծել է ԳԿՀԱՀ-ի առանձնահատկությունը Հայաստան-Սփյուռք համատեքստում, խոսել գիտության հանրայնացման կարևորության մասին՝ հասարակության շրջանում դիսկուրսի փոփոխություն մտցնելու առումով, իսկ ՀՀ ԳԱԱ Բյուրականի աստղադիտարանի տնօրեն Արեգ Միքայելյանը զեկույց է ունեցել «Աստղագիտությունը միջճյուղային և բազմաճյուղային գիտությունների քառուղիներում» խորագրով և ներկայացրել աստղագիտության զարգացման ներկայիս միտումները: Քննարկվել են նաև դպրոցներում գիտության դերի բարձրացման ներկայիս հնարավորությունները և հեռանկարները:
    Հանդիպման մասնակիցներն այցելել են նաև Վ. Համբարձումյանի տուն-թանգարան, ծանոթացել Շմիդտի համակարգի 1 մ հայելու տրամագծով ու 2.6 մ հայելու տրամագծով աստղադիտակների հնարավորություններին:

Սկզբնաղբյուր՝ escs.am

Լուսանկարներ

Ազդեր








Ս.թ. ապրիլի 23-ին ժ. 13:00-ից ԳԱԱ տարեկան ընդհանուր ժողովի շրջանակներում ՀՀ ԳԱԱ նախագահության նիստերի փոքր դահլիճում կկայանան գիտական զեկուցումներ,որի ընթացքում ելույթ կունենան ԳԱԱ արտասահմանյան անդամներ՝ Գերմանիայից, Մեծ Բրիտանիայից, Շվեդիայից, Ֆրանսիայից և Ռուսաստանի Դաշնությունից

Ս/թ. ապրիլի 26-ին, ժամը 12.00-ին, ՀՀ ԳԱԱ մոլեկուլային կենսաբանության ինստիտուտը և Հայկական տիեզերական ֆորումը անց են կացնում «Science in Space Analog Missions: AMADEE-24 Mars Simulation Results and the Future Prospects» աշխատաժողով (ՀՀ գիտությունների ազգային ակադեմիայի կլոր դահլիճ, Բաղրամյան պ., 24)

2025թ. ապրիլի 28-30-ը ՀՀ ԳԱԱ Մաթեմատիկայի ինստիտուտը և ՌԴ Հարավային տարածաշրջանային գիտակրթական մաթեմատիկական կենտրոնը անց են կացնում «Օպերատորների տեսություն և հարմոնիկ անալիզ» միջազգային գիտաժողովը (Երևան, Հայաստան)

Ս․թ․ ապրիլի 29-ին ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը, ՀՐ. Աճառյանի անվան լեզվի ինստիտուտը և Մ. Աբեղյանի անվան գրականության ինստիտուտը ՀՀ ԳԱԱ-ում կազմակերպում են «Հայոց լեզու և հայ գրականություն․ զարգացման միտումները, հանրամատչելիացման հնարավորությունները և դրանց արտացոլումը ուսումնական գործընթացում» համահայկական գիտաժողով

Ս.թ. մայիսի 5-8-ը ՀՀ ԳԱԱ Կենդանաբանության և հիդրոէկոլոգիայի գիտական կենտրոնը և Երևանի պետական համալսարանը համատեղ կազմակերպում են «Կենսաբազմազանություն, պահպանություն և կլիմայի փոփոխություն» խորագրով միջազգային գիտաժողով (ք.Երևան, ՀՀ ԳԱԱ նախագահության շենք)

2025թ. մայիսի 5-9 ՀՀ ԳԱԱ Վ.Համբարձումյանի անվ. Բյուրականի աստղադիտարանը Բյուրականում անց է կացնում 17-րդ հայ-վրացական աստղագիտական կոլոքվիումը

Ս.թ մայիսի 6-ին՝ ժամը 15․00-ին ՀՀ ԳԱԱ հնագիտության և ազգագրության ինստիտուտի գրադարանում տեղի կունենա ՀԱԻ սոցիալական գործընթացների և ինստիտուտների մարդաբանության բաժնի «Պատերազմ և հիշողություն. Արցախյան երկրորդ պատերազմի հուշարձանացման հիմնախնդիրը» գրքի շնորհանդեսը

2025թ. hունիսի 16-21-ը ՀՀ ԳԱԱ ֆիզիկայի կիրառական պրոբլեմների ինստիտուտը կազմակերպում է Ակադեմիկոս Ալպիկ Մկրտչյանի անվան «Ճառագայթային ֆիզիկա և հարակից կիրառություններ» 4-րդ միջազգային գիտական դպրոցը Երևան քաղաքում

2025թ․ սեպտեմբերի 8-11 ՀՀ ԳԱԱ ֆիզիկական հետազոտությունների ինստիտուտը Երևանում անց է կացնում «Մագնիսական և գերհաղորդիչ նյութեր» XIII միջազգային գիտաժողովը (MSM25)

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

Международный инновационный центр нанотехнологий СНГ (МИЦНТ СНГ) объявляет о проведении в 2025 году очередного Конкурса на соискание грантов и 18-й научной Стажировки для молодых ученых и специалистов из стран СНГ

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
05/05/2025

Կյանքից հեռացել է ԳԱԱ նախկին նախագահ, ակադեմիկոս Ռադիկ Մարտիրոսյանը
armenpress.am
05/05/2025

Մահացել է ՀՀ ԳԱԱ ակադեմիկոս Ռադիկ Մարտիրոսյանը
factor.am
05/05/2025

Կյանքից հեռացել է ՀՀ ԳԱԱ ակադեմիկոս Ռադիկ Մարտիրոսյանը
hesc.am
05/05/2025

Կյանքից հեռացել է ԳԱԱ նախկին նախագահ Ռադիկ Մարտիրոսյանը
livenews.am
Կայքը հաճախել են
7 323 637

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  00:02, 09/05/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ - COVID-19
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: