National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N353 մայիս 2021թ.
N353
COVID-19
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
07/06/2021
Երևանի բուսաբանական այգում բացվեց Էկոէպիկենտրոն

   Սույն թվականի հունիսի 5-ին՝ Շրջակա միջավայրի համաշխարհային օրը, ՀՀ ԳԱԱ Արմեն Թախտաջյանի անվան բուսաբանության ինստիտուտում բացվեց Հայաստանի կենսաբազմազանության տեղեկատվական և կրթական կենտրոնը՝ Էկոէպիկենտրոնը:
   ՀՀ ԳԱԱ նախագահ Ռադիկ Մարտիրոսյանը շնորհավորեց բոլորին էկոէպիկենտրոնի բացման առթիվ և նշեց, որ Բուսաբանության ինստիտուտում սկսվում է զարգացման նոր շրջափուլ: Նա կարևորեց էկոէպիկենտրոնի դերը նոր սերունդների կրթության և դաստիարակության հարցում՝ շնորհակալություն հայտնելով Բուսաբանության ինստիտուտի աշխատակիցներին, բարերարներին, միջազգային կառույցներին, որոնք մեծ ներդրում են ունեցել Բուսաբանության ինստիտուտի և Երևանի բուսաբանական այգու՝ որպես ինստիտուտի անբաժանելի մասի պահպանման ու զարգացման մեջ:
   Էկոէպիկենտրոնի բացման հանդիսավոր արարողությանը ողջույնի խոսքով հանդես եկան նաև Հայաստանում Գերմանիայի Դաշնային Հանրապետության դեսպան Միխայել Բանցհաֆը, Բնության Համաշխարհային հիմնադրամի հայաստանյան գրասենյակի տնօրեն Կարեն Մանվելյանը, ՀՀ կրթության, գիտության, մշակույթի և սպորտի նախարարի տեղակալ Կարեն Թռչունյանը, ՀՀ շրջակա միջավայրի նախարարի տեղակալ Աննա Մազմանյանը, ՀՀ ԳԱԱ բուսաբանության ինստիտուտի տնօրեն Անահիտ Ղուկասյանը:
   Միջոցառմանը մասնակցեցին բնապահպաններ, գիտական հանրության, միջազգային կառույցների ներկայացուցիչներ, Երևանի բուսաբանական այգու այցելուներ: Նրանք ծանոթացան նորաբաց կենտրոնի ինտերակտիվ ցուցահանդեսի ցուցանմուշներին, կենդանի բույսերի հավաքածուին՝ կենսատոպերին, որոնք ներկայացնում են Հայաստանի հարուստ բուսական աշխարհը։ Էկոէպիկենտրոնի աշխատակիցները ներկայացրեցին կենտրոնի առջև դրված հիմնական նպատակները՝ կենսաբազմազանության վերաբերյալ ուսուցում և հանրության տեղեկացվածության բարձրացում ցուցահանդեսների, էքսկուրսիաների, դասընթացների և դասախոսությունների կազմակերպման և կամավորների ներգրավման, ինչպես նաև համախոհ անհատների և կազմակերպությունների հետ համագործակցության միջոցով, ինչպես նաև Հայաստանի ֆլորայի տեսակների ex situ պահպանություն և ուսումնասիրություն:
   Էկոէպիկենտրոնը ստեղծվել է Գերմանիայի Դաշնային Հանրապետության ֆինանսական աջակցությամբ, ՀՀ ԳԱԱ բուսաբանության ինստիտուտի, Գերմանիայի միջազգային համագործակցության ընկերության (GIZ) և Բնության համաշխարհային հիմնադրամի հայաստանյան գրասենյակի (WWF-Հայաստան) համագործակցության շնորհիվ: Ցուցահանդեսի բովանդակությունը և դիզայնը մշակվել են Բուսաբանության ինստիտուտի և Գերմանիայի միջազգային համագործակցության ընկերության հետազոտողների կողմից՝ Գերմանիայի Տնտեսական համագործակցության և զարգացման դաշնային նախարարության (BMZ) կողմից ֆինանսավորվող «Շրջակա միջավայր» ծրագրի միջոցով: Շենքի վերանորոգումն ու կահավորումն իրականացրել է Բնության Համաշխարհային հիմնադրամի հայաստանյան գրասենյակը Վերականգնման վարկերի բանկի (KfW) միջոցով՝ Գերմանիայի Տնտեսական համագործակցության և զարգացման դաշնային նախարարության կողմից ֆինանսավորվող Անդրսահմանային միացյալ քարտուղարության (TJS) ծրագրի շրջանակներում:

   ՀՀ ԳԱԱ տեղեկատվական-վերլուծական ծառայություն
   07.06.2021թ.

Լուսանկարներ
Վերջին հայտարարություններ








Եվրահանձնաժողովը, ՀՀ Գիտությունների ազգային ակադեմիայի և Գիտական և նորարարական գործընկերությանն աջակցման կենտրոնի հետ՝ որպես «Հորիզոն Եվրոպա» ծրագրի ազգային կոնտակտային անձանց համակարգող, համատեղ հրավիրում է Հայաստանի պետական և մասնավոր հատվածների գիտնականներին մասնակցելու նախագծերի առաջարկների պատրաստման եռօրյա թրեյնինգին՝ ԵՄ «Հորիզոն Եվրոպա» շրջանակային ծրագրում հաջող մասնակցությանը օժանդակելու նպատակով: Միջոցառումը տեղի կունենա առցանց ձևաչափով ՝ 2021 թ. հուլիսի 5-ին, 7-ին և 9-ին

ՀՀ ԳԱԱ գիտակրթական միջազգային կենտրոնը հայտարարում է 2021-2022 ուս տարվա ընդունելություն մագիստրատուրայում

Կրթության և հետազոտությունների դաշնային նախարարությունը (BMBF) հայտարարել է «Կանաչ ջրածնի» ոլորտում համատեղ նախագծերի առաջարկների մրցույթ. Հետազոտական համագործակցություն Ուկրաինայի, Հարավային Կովկասի և Կենտրոնական Ասիայի երկրների և Իրանի հետ

ILUCIDARE հատուկ մրցանակներ. «Եվրոպական ժառանգության մրցանակ» the European Heritage Awards / Europa Nostra Awards 2021թ. մրցույթը հայտարարված է

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
26/04/2021
Գիտությունների ազգային ակադեմիայի մասին
engineeringassociation.am
08/04/2021
Մենք շատ անելիք ունենք, որ մեր երկիրը ոտքի կանգնեցնենք, և դրա ճանապարհը գիտությունն ու կրթությունն են. նախագահ Արմեն Սարգսյանը մասնակցել է ՀՀ ԳԱԱ խորհրդի նիստին
president.am
17/02/2021
«Ակադեմիական ինստիտուտները կհալվեն ու ի վերջո կփոշիանան». ԳԱԱ ինստիտուտները ցանկանում են մնալ ԳԱԱ կազմում
armtimes.com
16/02/2021
ՏԵՍԱՆՅՈՒԹ. Վահրամ Դումանյանի հետ խոսակցություն ենք ունեցել. Ռադիկ Մարտիրոսյանը փակագծեր է բացում
armlur.am
16/02/2021
Գիտությունների ազգային ակադեմիայի կարգավիճակի էական փոփոխություն, ենթադրում ենք, որ չի լինի. Մարտիրոսյան (Տեսանյութ)
aysor.am
16/02/2021
Հայաստանը կործանիչների հանգույցներ է ստեղծել, Ռուսաստանի հետ համագործակցությունը կամրապնդեր մեր ներուժը. Ռադիկ Մարտիրոսյան
aysor.am
Կայքը հաճախել են
5 610 231

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  16:24, 14/06/2021 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - COVID-19 - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2021, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: