ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Զադիգ Մկրտիչ Մուրադյան
Ֆիզ.-մաթ. գիտությունների դոկտոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
09/11/2018
Հայաստանի գիտությունների ազգային ակադեմիան դարձավ Միջազգային գիտական կազմակերպությունների դաշինքի համահիմնադիր

   Չինաստանի գիտությունների ակադեմիայի նախաձեռնությամբ ստեղծված Միջազգային գիտական կազմակերպությունների դաշինքի (ՄԳԿԴ-ANSO)  համահիմնադիր դարձավ Հայաստանի Գիտությունների ազգային ակադեմիան:
   ՄԳԿԴ-ն ստեղծվեց «Մեկ գոտի և մեկ ճանապարհ» նախաձեռնության շրջանակներում Չինաստանի գիտությունների ակադեմիայի նախաձեռնությամբ: Սույն թվականի նոյեմբերի 3-5-ը Չինաստանի մայրաքաղաք Պեկինում տեղի ունեցավ ՄԳԿԴ-ի ստեղծմանը նվիրված առաջին գլխավոր ասամբլեան, որի ընթացքում Դաշինքի համահիմնադիրները ստորագրեցին ՄԳԿԴ-ի ստեղծման համաձայնագիրը: Ասամբլեայի ընթացքում ընտրվեցին ՄԳԿԴ-ի կառավարող և գործադիր մարմինները, քարտուղարությունը, հաստատվեց Դաշինքի կանոնադրությունը: ՄԳԿԴ-ի նախագահ դարձավ Չինաստանի Գիտությունների ակադեմիայի նախագահ Բայ Չունլին, փոխնախագահներ` Ռուսաստանի Գիտությունների ակադեմիայի նախագահ Ալեքսանդր Սերգեևը և Պակիստանի Գիտությունների ակադեմիայի նախագահ Քասիմ Ջանը:
Դաշինքի համահիմնադիրները 36 կազմակերպություններ են` մի շարք երկրների գիտությունների ակադեմիաներ, համալսարաններ, միջազգային գիտական կազմակերպություններ: 
   ՄԳԿԴ-ն միջազգային, ոչ պետական, եկամուտ չհետապնդող գիտական կազմակերպություն է, որի հիմնական նպատակն է աջակցել գիտության, տեխնոլոգիաների և նորարարությունների զարգացմանը «Մեկ գոտի և մեկ ճանապարհ» տարածաշրջանի երկրներում: ՄԳԿԴ-ն ապահովելու է լայն հնարավորություներ տրածաշրջանային երկրների գիտական կազմակերպությունների կողմից խոշոր և միջին գիտական ծրագրերի նախաձեռնման և իրականացման համար: Այն կդառնա գիտական նորարար նախաձեռնությունների առաջարկման, քննարկման և կյանքի կոչման հարթակ:

20180911_1a.jpg
   ՄԳԿԴ-ի առաջին գլխավոր ասամբլեայի ընթացքում ելույթ ունեցողները բարձր գնահատեցին այս Դաշինքի ստեղծման կարևորությունը և համոզվածություն հայտնեցին, որ այն միջազգային կազմակերպությունների ցանկում կգրավի կարևորագույն տեղ:
   ՄԳԿԴ-ն ստեղծվեց 2016թ-ին Պեկինում տեղի ունեցած Ազգային գիտական կազմակերպությունների առաջին միջազգային գիտական ֆորումում ստորագրված «Չինաստանի և Մետաքսի ճանապարհի տնտեսական գոտու երկրների միջև գիտության և տեխնոլոգիաների համագործակցության նոր էջ. Պեկին հռչակագրի» շրջանակներում:
   ՄԳԿԴ-ի առաջին գլխավոր ասամբլեայի շրջանակներում տեղի ունեցավ նաև «Մեկ գոտի և մեկ ճանապարհ նախաձեռնության գիտական կազմակերպությունների երկրորդ միջազգային ֆորումը, որին Հայաստանի կողմից մասնակցեցին ՀՀ ԳԱԱ ֆիզիկայի և աստղաֆիզիկայի բաժանմունքի ակադեմիկոս-քարտուղար ակադեմիկոս Ռադիկ Կոստանյանը և ՀՀ ԳԱԱ Միջազգային կապերի վարչության պետ Գագիկ Էվոյանը: Ֆորումի ընթացքում անցկացվեցին գիտաժողովներ հետևյալ թեմաներով.

    ՄԳԿԴ-Շրջակա միջավայր և «կանաչ» զարգացում
    ՄԳԿԴ-Թվային Մեկ գոտի և մեկ ճանապարհ
    ՄԳԿԴ-Կայուն Մեկ գոտի և մեկ ճանապարհ, անցում «կանաչ» տեխնոլոգիաներին, կառավարում և նորարարություններ,
    ՄԳԿԴ-Գիտություն և կրթություն
    ՄԳԿԴ- Ինֆեկցիոն հիվանդություններ և բժշկություն
    ՄԳԿԴ- Նորարարություններ և զարգացում
    ՄԳԿԴ-Կենսաբազմազանություն և պահպանություն:

    Ֆորումի մասնակիցները պատրաստակամություն հայտնեցին իրենց ներդրումը բերել ֆորումի շրջանակներում հայտարարված գիտական ուղղությունների ծավալման և «Մեկ գոտի և մեկ ճանապարհ» նախաձեռնության նպատակների իրականացման համար:
   «Մեկ գոտի և մեկ ճանապարհ»  նախաձեռնության շրջանակներում ՄԳԿԴ-ի հիմնադրումը արժանացել է Չինաստանի կառավարության հավանությանը:
   «Մեկ գոտի և մեկ ճանապարհ»  նախաձեռնությունը ստեղծվել է 2013 թ-ին  Չինաստանի Ժողովրդական Հանրապետության նախագաh Սի Ծինփինի որշմամբ որպես Չինաստանի մասնակցությամբ միջազգային համագործակցության և զարգացման նոր մոդել: Այս նախաձեռնությունը պատմական «Մետաքսի ճանապարհի» զարգացման նոր մոդելն է: Նախաձեռնությունը կոչ է արել մշակել տարածաշրջանային գործընկերության նոր մեխանիզմներ, խթանել ներգրավված երկրներում տնտեսական աճը, ամրապնդել տարբեր քաղաքակրթությունների միջև մշակութային արժեքները և կապերը բոլոր ոլորտներում, ինչպես նաև նպաստել խաղաղությանը և կայուն զարգացմանը:
   «Մեկ գոտի և մեկ ճանապարհ» նախաձեռնությունը ներգրավում է աշխարհի զարգացած և զարգացող երկրներ:

   ՀՀ ԳԱԱ Տեղեկատվական-վերլուծական ծառայություն
   09.11.2018թ.


Ազդեր








Սույն թվականի հոկտեմբերի 11-13-ը տեղի կունենա «Բնագիտությունը, մաթեմատիկան, տեխնիկան, ինֆորմատիկան XXI դարում. Հանրամատչելիացման և ուսուցման հիմնախնդիրներ ու լուծումներ» խորագրով համահայկական 7-րդ կրթական գիտաժողովը

Ս.թ. հունիսի 5-ին ժամը 15:00 ՀՀ ԳԱԱ նիստերի կլոր դահլիճում տեղի կունենա գիտական զեկուցում հետևյալ թեմայով` «ԳԵՈՊԱՐԿԻ ՍՏԵՂԾՄԱՆ ՆԱԽԱԴՐՅԱԼՆԵՐԸ ՀՀ-ՈՒՄ»

Ս.թ. մայիսի 15-ին, ժամը 14:00-ին ՀՀ ԳԱԱ Նախագահության նիստերի դահլիճում տեղի կունենա «Աստղագիտությունը միջճյուղային և բազմաճյուղային գիտությունների խաչմերուկներում» թեմայով սեմինար, որը կներկայացնի ՀՀ ԳԱԱ Վ.Համբարձումյանի անվ. Բյուրականի աստղադիտարանի տնօրեն՝ ֆ.-մ.գ.թ. Արեգ Միքայելյանը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
25/05/2024

«Անահիտ» հանդեսն այսօր էլ հետազոտության արժեքավոր աղբյուր է
1lurer.am
23/05/2024

17 գիտական դրամաշնորհ՝ ՀՕՖ-ից
1lurer.am
20/05/2024

Академик Kамалов и инновационная медицина
golosarmenii.am
19/05/2024

Շիրակի ջրանցքի հետազոտություն՝ կառուցումից մեկ դար անց
1lurer.am
Կայքը հաճախել են
6 982 871

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  17:37, 29/05/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: