National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N328 մարտ 2019թ.
N328
Կառուցվածք
Բաժանմունքներ
Նախագահության անդամներ
Փաստաթղթեր
Ինովացիոն առաջարկներ
Նորություններ
Գիտաժողովներ
Հրապարակումներ մամուլում
Հայտարարություններ
Լուսանկարներ
Տեսադարան
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաուում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
03/11/2018
Սևանա լճի արդի խնդիրներին նվիրված կլոր սեղան` ՀՀ ԳԱԱ-ում

    ՀՀ ԳԱԱ-ում տեղի ունեցավ կլոր սեղան` նվիրված Սևանա լճի արդի խնդիրներին: Կլոր սեղանին մասնակցեցին ՀՀ կառավարության ներկայացուցիչներ, ՀՀ ԳԱԱ-ին առընթեր Սևանա լճի պահպանության փորձագիտական հանձնաժողովի անդամներ, ՀՀ ԳԱԱ և այլ գիտական և հասարակական կազմակերպությունների ղեկավարներ, գիտական հասարակայնության ներկայացուցիչներ:

    Մասնակիցներին ողջունեց ՀՀ ԳԱԱ նախագահ ակադեմիկոս Ռադիկ Մարտիրոսյանը: «Մեր հանրության ուշադրության կենտրոնում է Սևանա լիճն իր հատուկ աշխարհագրական, բնապահպանական և հասարակական նշանակության առումով: Երբեմն Սևանա լճի վերաբերյալ  ընդունվում են որոշումներ, երաշխավորություններ, որոնք, ըստ էության, հիմնավորված չեն ոչ գիտականորեն, ոչ էլ բխում են անհրաժեշտ խնդիրների լուծման անհրաժեշտությունից: Քանի որ Սևանա լճի պահպանության փորձագիտական հանձնաժողովը Գիտությունների ազգային ակադեմիայում է, մենք կազմակերպեցինք այս քննարկումը, որպեսզի հնարավորին թվով մասնագետներ և գործին տեղյակ մարդիկ ներկա լինեն, և հնչեցնենք այն կարևոր խնդիրները և առաջարկությունները, որոնք կներկայացնենք կառավարությանը և համապատասխան մարմիններին»,- իր ելույթում, մասնավորապես, ասաց Ռադիկ Մարտիրոսյանը:

20181103_1.jpg
    «Սևանա լճի հիմնախնդիրները խիստ արդիական են, քանի որ գոյություն ունեն Սևանա լճի մակարդակի բարձրացման հարցերը, որոնցից առաջին հերթին կախված է ջրի որակը: Այս տարի մենք ականատես եղանք Սևանա լճի  մեծ մասշտաբի ծաղկմանը կապտականաչ ջրիմուռներով: Լուրջ խնդիր է նաև լճում կենսառեսուրների ոչ պատշաճ մակարդակի պահպանությունը: 

    Սևանա լճի հիմնախնդիրները մինչ այժմ դիտարկվել են հիմնականում մեր տարածաշրջանի խնդիրներից առանձին: Եվ մենք տեսնում ենք այսօր, թե ինչքանով կապված են Արարատյան դաշտի ոռոգման, ձկնաբուծության խնդիրները Սևանա լճի պահպանության խնդիրների հետ:  Այս խնդիրներին ավելացել է կլիմայի փոփոխության խնդիրը, և մենք գիտակցում ենք, որ համակարգային մոտեցում է պետք ունենալ այդ բոլոր հարցերի նկատմամբ»,- ասաց ՀՀ ԳԱԱ բնական գիտությունների բաժանմունքի ակադեմիկոս-քարտուղար ՀՀ ԳԱԱ թղթակից անդամ Ռուբեն Հարությունյանը: 

20181103_2.jpg
    Սևանա լճի հիմնախնդիրների,  ինչպես նաև Արարատյան դաշտի ոռոգելի հողատարածքների և ոռոգման ջրի խնդիրների վերաբերյալ զեկուցումներով հանդես եկան ՀՀ ԳԱԱ-ին առընթեր Սևանա լճի պահպանության փորձագիտական հանձնաժողովի նախագահ, «Հայջրնախագիծ» ՓԲԸ խորհրդի նախագահ Յուրի Ջավադյանը, ՀՀ ԳԱԱ Կենդանաբանության և հիդրոէկոլոգիայի գիտական կենտրոնի տնօրեն Բարդուխ Գաբրիելյանը, ՀՀ ԳԱԱ Երկրաբանական գիտությունների ինստիտուտի տնօրեն Խաչատուր Մելիքսեթյանը, ՀԱԱՀ «Հ.Պետրոսյանի անվան Հողագիտության, ագրոքիմիայի և մելիորացիայի գիտական կենտրոն» մասնաճյուղի տնօրեն Հունան Ղազարյանը, «Հայջրնախագիծ» ՓԲԸ-ի, «ՄԵԼ-ՀՈՎ» ՍՊԸ-ի տնօրեն Վլադիմիր Թադևոսյանը: Ելույթներով հանդես եկան ՀՀ ԳԱԱ ինֆորմատիկայի և ավտոմատացման պրոբլեմների ինստիտուտի տնօրենի տեղակալ Հրաչյա Ասցատրյանը, «Խիմմաստեր» ՍՊԸ-ի նախագահ Մանվել Գաբրիելյանը:

20181103_3.jpg
    Կլոր սեղանն ընդունեց բանաձև, որում նշված է. «Կլոր սեղանի մասնակիցները՝ լսելով Սևանա լճի պահպանության փորձագիտական հանձնաժողովի նախագահի հաշվետվությունը, ՀՀ ԳԱԱ գիտահետազոտական կազմակերպությունների ղեկավարների, նախարարությունների և այլ հաստատությունների, ինչպես նաև գիտական հանրության ներկայացուցիչների ելույթները, եկան հետևյալ եզրակացությունների.

1. Սևանա լճի պահպանության փորձագիտական հանձնաժողովն ուսումնասիրել, քննարկել և եզրակացություններ է տվել հետևյալ հարցերի շուրջ.

  • Սևանա լճի մակարդակի իջեցման կանխարգելման և լճի մակարդակի օրենքով սահմանված չափով բարձրացման առաջընթացն ապահովելու համար անհրաժեշտ է իրականացնել՝
    ա) ջրի տակ մնացած շենք-շինությունների ապամոնտաժում և հատված ծառերի արմատների հեռացում
    բ) ջրօգտագործման կառավարման, անկորուստ և արդյունավետ օգտագործման, դերիվացիոն և մայր ջրանցքների գլխամասերում ջրաչափման գործընթացների ավտոմատացված համակարգի ստեղծման  նպատակով ջրաչափական հանգույցներով կահավորում:
  • «Սևան» ազգային պարկի գիտական ներուժի և ՀՀ ԳԱԱ-ի համապատասխան ինստիտուտների հետ նրա համագործածության վերականգնման հզորացում
  • Սևանա լճի պարտադիր վեց մետր և ավելի բարձրացման դրույթի իրականացման և «Սևանա լճի մասին ՀՀ օրենքով» նախատեսված գործառնական գոտիների համար ամրագրված սահմանափակումների ապահովում
  • Նախկինում ստեղծված Սևանի և նրա ջրհավաք ավազանի մշտադիտարկումների տվյալների միասնական էլեկտրոնային շտեմարանի ընթացիկ սպասարկման շարունակում՝ կառավարության կողմից լիազորված Սևանա լճում և նրա ջրհավաք ավազանում մշտադիտարկումներ կատարող կազմակերպությունների կողմից ներկայացված տվյալների  հիման վրա
  • Արփա-Սևան թունելի վերականգնողական աշխատանքների գործընթացների վրա վերահսկողության սահմանում
  • Ջրավազանի գետերում կառուցված ՓՀԷԿ-ի մինիմալ հոսքերի և ձկնանցարանների տեխնիկական վիճակի կարգավորման գործընթացի վրա վերահսկողության սահմանում:

20181103_4.jpg
2. Զեկուցողները ներկայացրեցին իրենց հաստատություններում կատարված ուսումնասիրությունների արդյունքները.

  • ՀՀ ԳԱԱ-ին առընթեր Սևանա լճի պահպանության փորձագիտական հանձնաժողովի և ՀՀ ԳԱԱ Երկրաբանական գիտությունների ինստիտուտի կողմից իրականացվում են Սևանա լճի ջրհավաք ավազանում և ազդեցության գոտում օգտակար հանածոների շահագործման գեոէկոլոգիական ռիսկերի, ջրաերկրաքիմիական, երկրաբանական վտանգավոր երևույթների գնահատման աշխատանքներ, քննարկվում են օգտակար հանածոների հանքավայրերի սահմաններում նախատեսվող աշխատանքների կատարման նախագծերը։ Առաջարկվում է խստացնել շահագործվող հանքավայրերում էկոլոգիական նորմերի պահպանման վերահսկողությունը և նախկինում շահագործված հանքավայրերի տարածքներում իրականացնել ռեկուլտիվացիոն աշխատանքներ: 
  • ՀՀ ԳԱԱ Կենդանաբանության և հիդրոէկոլոգիայի գիտական կենտրոնը կատարում է ուսումնասիրություններ՝ ուղղված Սևանա լճի կենսառեսուրսների և լճի էկոհամակարգի և ջրհավաք ավազանի վիճակի գնահատմանը, ինչպես նաև ՀՀ կառավարությանը պարբերաբար ներկայացնում է առաջարկություններ և գնահատականներ այդ հարցերի շուրջ:

    Հաշվի առնելով, որ թվարկված միջոցառումների իրականացումը կրում է շարունակական բնույթ, Սևանա լճի և ջրավազանի էկոհամակարգի և էկոլոգիական հավասարակշռության հետ առնչվող խնդիրների լուծման նպատակով, այդ թվում՝ հանձնաժողովի հետագա գործունեության ընթացքում առաջարկվում է.

  1. Ձեռնարկել Սևանա լճի ափերի մաքրման անհետաձգելի միջոցառումներ, իրականացնել բացատրական աշխատանքներ բնակչության շրջանում՝ լճի և նրա ափերի կենցաղային աղբից մաքրման վերաբերյալ: 
  2. Սևանա լճի և նրա ջրհավաք ավազանի բնօգտագործման նորմավորման ու կանոնակարգման միջոցով լճի էկոհամակարգի և դրա առանձին բաղադրիչների վրա անթրոպոգեն բացասական ներգործությունների (այդ թվում՝ աղտոտվածության) նվազեցում:
  3. Հատուկ ուշադրություն դարձնել «Սևանա լճի մասին» ՀՀ օրենքի 10-րդ հոդվածում նշված կետերի կատարման գործընթացների վրա, մասնավորապես՝ շուրջ 300 մշտական գործող հանգստի և զվարճանքի վայրերից (հյուրանոցներ, ռեստորաններ և այլն) կեղտաջրերի մաքրման կայանների կառուցում:
  4. Լճում ձկան պաշարների վերականգնման և խեցգետնի արդյունագործական պաշարների հետագա անկումը կանխելու նպատակով  ահրաժեշտ է անհապաղ բարեփոխել ապօրինի ձկնորսության դեմ պայքարի մոտեցումները և լճում գոյութուն ունեցող ձկնորսության համակարգը:
  5. Սևանա լճի ավազանում, Վարդենիս, Մարտունի և Գավառ քաղաքներում կառուցված կեղտաջրերի մեխանիկական մաքրման կայանների արդյունավետության բարձրացման համար անհրաժեշտ է նախատեսել բնակավայրերի կոյուղային ցանցերի և կենսաբանական մաքրման կայանների կառուցում:
  6. Շարունակել շտեմարանի ստեղծման համար օգտագործված ծրագրային հարթակի լրամշակման գործընթացները և կատարել շտեմարանի տեխնիկական սպասարկում, այն է՝ թարմացնել  օգտագործվող ծրագրային փաթեթները և շտեմարանում մշտադիտարկումների տվյալների գրանցումն ու պահպանումը:
  7. Նախատեսել Սևանա լճի և ավազանի գետերի ջրի մակարդակի մոնիտորինգի ավտոմատացված համակարգի մշակում և իրականացում – նպատակային հայտի քննարկում, Սևանա լճի  ավազանի Գեոպարկի ստեղծման գաղափարի ներկայացում»։

ՀՀ ԳԱԱ Տեղեկատվական-վերլուծական ծառայություն
03.11.2018թ.

Վերջին հայտարարություններ








ՀՀ ԳԱԱ Լ. Օրբելու անվան ֆիզիոլոգիայի ինստիտուտը սիրով հրավիրում է մասնակցելու մեծանուն հայ ֆիզիոլոգ, ՀԽՍՀ ԳԱ ակադեմիկոս, ԳԱ փոխնախագահ Վիկտոր Բարդուղիմեոսի Ֆանարջյանի 90-ամյակին նվիրված միջոցառմանը, որը տեղի կունենա ս.թ. մարտի 29-ին ժամը 13:00-ին Լ. Օրբելու անվան ֆիզիոլոգիայի ինստիտուտի դահլիճում

ՀՀ ԳԱԱ-ն հայտարարում է 2019թ-ի «ՀՀ ԳԱԱ համակարգի ինստիտուտների գիտական սարքավորումների սպասարկում, վերազինում, գիտափորձերի իրականացման համար նյութերի ձեռքբերում և չնախատեսված անհետաձգելի ծախսերի կատարում» և «ՀՀ ԳԱԱ համակարգի կազմակերպությունները սարքավորումներով վերազինում» ծրագրերից համակարգի կազմակերպություններին ֆինանսավորում տրամադրելու մրցույթ

ՀՀ ԳԱԱ-ն հայտարարում է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցներից 2019 թ. գիտական գործուղման ֆինանսավորման մրցույթ: Մրցույթն անցկացվելու է «ՀՀ գիտությունների ազգային ակադեմիայի համակարգի գիտական գործուղումների իրականացում» ծրագրի միջոցների օգտագործման կարգին համապատասխան

ՀՀ 2019 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը Մեսրոպ Մաշտոցի անվան Մատենադարանի հետ համատեղ 2019թ. մայիսի 22-23-ը կազմակերպում են հայագիտական միջազգային գիտաժողով՝ նվիրված անվանի հայագետ, ակադեմիկոս Սեն Արևշատյանի ծննդյան 90-ամյակին: Լրացուցիչ տեղեկությունների համար սեղմեք այստեղ

2019թ. հունիսի 30-ից հուլիսի 5-ը տեղի կունենա Նոբելյան մրցանակակիրների 69-րդ հանդիպումը ֆիզիկայի բնագավառի ներկայացուցիչների հետ

ՀՀ ԳԱԱ Մոլեկուլային կենսաբանության ինստիտուտը Գերմանիայի Լեյպցիգի համալսարանի Կենսաինֆորմատիկայի միջառարկայական կենտրոնի և Հայ-Ռուսական համալսարանի հետ համատեղ ս.թ. հուլիսի 1-5-ը կազմակերպում է կենսաինֆորմատիկայի ամառային դպրոց և աշխատաժողով «Genome Bioinformatics for Health» ուսանողների և երիտասարդ գիտնականների համար։ Գրանցման վերջնաժամկետը՝մայիսի 1, 2019

2019թ. սեպտեմբերի 23-ից 27-ը ՀՀ ԳԱԱ Մ.Գ. Մանվելյանի անվ. ընդհանուր և անօրգանական քիմիայի ինստիտուտը և ՀՀ ԳԱԱ քիմիայի և Երկրի մասին գիտությունների բաժանմունքը Երևանում կազմակերպում են «Քիմիա և քիմիական տեխնոլոգիաներ» VI միջազգային գիտաժողովը

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 21-ին կազմակերպում է միջազգային գիտաժողով` նվիրված UNESCO-ի հռչակած փիլիսոփայության համաշխարհային օրվան: Լրացուցիչ տեղեկությունների համար՝ e-mail: jijyan@mail.ru

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2019 թ. նոյեմբերի 26-ին կազմակերպում է գիտաժողով՝ նվիրված ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտի 50-ամյակին: Լրացուցիչ տեղեկությունների համար՝ e-mail: jijyan@mail.ru

Հրապարակումներ մամուլում
26/03/2019
Կարեւոր է գիտության ինտեգրումը երկրի հանրային կյանքի բոլոր ոլորտներում. վարչապետ
news.am
26/03/2019
Հայաստանի Գիտությունների ազգային ակադեմիան շարունակել է բեղուն աշխատանքը. ԳԱԱ նախագահ
news.am
26/03/2019
«Եթե որևէ խոսակցություն սկսում ենք փողից, շատ արագ մտնում ենք փակուղի». Փաշինյանի ելույթը ԳԱԱ տարեկան ժողովին
azatutyun.am
20/03/2019
Գիտական դիվանագիտություն ստեղծողները. Արեւելագիտության ինստիտուտ
hetq.am
13/03/2019
Срубим дерево, Чтобы Собрать Урожай?
golosarmenii.am
07/03/2019
Տնտեսագիտության ինստիտուտ. կադրերի դարբնոց, որտեղից հեռանում են՝ մեծ գումարներ վաստակելու համար
hetq.am
Կայքը հաճախել են
1 716 512

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  12:36, 17/04/2019 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Ինովացիոն առաջարկներ - Նորություններ - Գիտաժողովներ - Հրապարակումներ մամուլում
Հայտարարություններ - Լուսանկարներ - Տեսադարան - «Գիտություն» թերթ - Հիմնադրամներ - Հոբելյաններ
Հրատարակություններ - Վեբ ռեսուրսներ - Այլ ակադեմիաներ - Համալսարաններ
Լինդաուում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2019, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: