National Academy of Sciences of the Republic of Armenia
ՀԱՅ  ENG  РУС
Home academy [@] sci.am
Գլխավոր էջ Ակադեմիայի մասին Կազմակերպություններ Անդամներ Կապ մեզ հետ
«Գիտություն» թերթ
N317 Ապրիլ 2018թ.
N317
Կառուցվածք
Բաժանմունքներ
Նախագահության անդամներ
Փաստաթղթեր
Նորություններ
Գիտաժողովներ
Բոլոր հրապարակումները մամուլում
Բոլոր հայտարարությունները
Լուսանկարներ
«Գիտություն» թերթ
Հիմնադրամներ
Հոբելյաններ
Հրատարակություններ
Վեբ ռեսուրսներ
Այլ ակադեմիաներ
Համալսարաններ
Լինդաույում Նոբելյան մրցանակի դափնեկրի հետ հանդիպում
Կայքի քարտեզ
Նորություններ
31/01/2018
«Ամպային հաշվարկների միջավայրի ստեղծում գիտական և կիրառական խնդիրների լուծման համար» գիտաժողովում ամփովեցին համանուն պետական նպատակային ծրագրի արդյունքները

   2018թ. հունվարի 27–ին   ՀՀ ԳԱԱ Արզականի գիտաժողովների տանը տեղի ունեցավ «Ամպային հաշվարկների միջավայրի ստեղծում գիտական և կիրառական խնդիրների լուծման համար» աշխատանքային գիտաժողովը։ Գիտաժողովը կազմակերպել էր ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը: Այն նվիրված էր համանուն պետական նպատակային ծրագրի շրջանակներում ՀՀ տարածքում օդերևութաբանական, սեյսմաբանական,  բնապահպանական  և այլ  մշտադիտարկման տվյալների հիման վրա ամպային միջավայրի ռեսուրսներով, համակարգչային մոդելների միջոցով ստացված գիտական և կիրառական արդյունքների ներդրմանը։
   Գիտաժողովին մասնակցեցին ՀՀ ԳԱԱ  նախագահության, ՀՀ ԿԳՆ Գիտության պետական կոմիտեի, ՀՀ արտակարգ իրավիճակների և ՀՀ բնապահպանության նախարարությունների, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի, ՀՀ ԳԱԱ Ա. Նազարովի անվան երկրաֆիզիկայի և ինժեներային սեյսմաբանության ինստիտուտի, ՀՀ ԳԱԱ Վիկտոր Համբարձումյանի անվան Բյուրականի աստղաֆիզիկական աստղադիտարանի, ՀՀ ԳԱԱ Մեխանիկայի ինստիտուտի,  Երևանի կապի միջոցների ինստիտուտի մասնագետներ:
   «Ամպային հաշվարկների միջավայրի ստեղծում գիտական և կիրառական խնդիրների լուծման համար» պետական նպատակային ծրագրի համակարգող, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի տնօրեն Վլադիմիր Սահակյանը ներկայացրեց ծրագրի նպատակները,  խնդիրները:Գիտաժողովի մասնակիցներն իրենց զեկուցումներով ներկայացրեցին ծրագրի շրջանակներում ստացված արդյունքները և հետագա անելիքները:

20180131_body.jpg
   ՀՀ ԳԱԱ փոխնախագահ ակադեմիկոս Յուրի Շուքուրյանը, ՀՀ ԳԱԱ մաթեմատիկական և տեխնիկական գիտությունների բաժանմունքի ակադեմիկոս–քարտուղար ակադեմիկոս Լենսեր Աղալովյանը, ՀՀ ԿԳՆ Գիտության պետական կոմիտեի աշխատակազմի ղեկավար Լևոն Մարդոյանն իրենց ելույթներում բարձր գնահատեցին նպատակային ծրագրի շրջանակներում ձևավորված համագործակցությունը և ստացված գիտական ու կիրառական արդյունքները։
   Հիշեցնենք, որ 2017թ. ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտի և ՀՀ արտակարգ իրավիճակների նախարարության «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն», ՀՀ բնապահպանության նախարարության «Շրջակա միջավայրի մոնիթորինգի և տեղեկատվության կենտրոն» ՊՈԱԿ-ների միջև ստորագրվել են երկկողմ համաձայնագրեր։  Համաձայնագրերը նախատեսում են համատեղ գիտատեխնիկական ներուժի միջոցով իրականացնել հետազոտական ծրագրերի արդյունքների ներդրումը, ստեղծել ընդհանուր հաշվողական միջավայր, նախագծել և ներդնել ժամանակակից հաշվողական մոդելներ, թվայնացնել բազմաթիվ դիտարկումների տվյալներ, զարգացնել ծառայությունների ավտոմատ կառավարման համակարգեր։  
   Գիտաժողովի շրջանակներում անցկացված կլոր սեղանի ժամանակ առանձնահատուկ կարևորվեց ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտում սուպերկոմպյուտերային կենտրոնի նախագիծը, որի միջոցով կստեղծվի հզոր ամպային միջավայր, որը կունենա հաշվողական վիրտուալ ռեսուրսներ և տվյալների հուսալի և անվտանգ պահուստներ։ Այսպիսի կենտրոնի գոյությունը կնպաստի ինչպես գիտության և տնտեսության տարբեր ոլորտների մեծածավալ խնդիրների լուծմանը,  այնպես էլ կապահովի ֆինանսական միջոցների խնայողություն։

   ՀՀ ԳԱԱ Տեղեկատվական-վերլուծական ծառայություն
   31.01.2018թ.

Վերջին հայտարարություններ
2018թ.-ի մայիսի 20-25-ը ՀՀ ԳԱԱ Նախագահությունը, ՀՀ ԳԱԱ Մաթեմատիկայի ինստիտուտը, ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը, Երևանի պետական համալսարանը, Հարավային Ֆլորիդայի համալսարանը, Երևանի մաթեմատիկական մեքենաների գիտահետազոտական ինստիտուտը ՓԲԸ-ը, Հայկական Մաթեմատիկական միությունը անց են կացնում Սերգեյ Մերգելյանի 90-ամյակին նվիրված միջազգային գիտաժողով (Երևան, Հայաստան)

ՀՀ ԳԱԱ հայագիտության և հասարակական գիտությունների բաժանմունքը, Երևանի պետական համալսարանը ՀՀ Սփյուռքի նախարարության աջակցությամբ 2018 թ. մայիսի 25-26-ին հրավիրում են միջազգային գիտաժողով «Հայաստանի Հանրապետություն - 100» խորագրով՝ նվիրված Հայաստանի Հանրապետության հռչակման և Մայիսյան հերոսամարտերի 100-րդ տարեդարձին

2018թ.-ի մայիսի 27-ից հունիսի 2-ը ՀՀ ԳԱԱ Մաթեմատիկայի ինստիտուտը, Հայկական Մաթեմատիկական միությունը, Մաթեմատիկայի բանգավառում երիտասարդների համար մրցանակներ շնորհող Էմիլ Արթինի անվան կոմիտեն, Բերգենի համալսարանը, Երևանի պետական համալսարանը, Հայաստանի Ամերիկյան համալսարանը, Ռուսաստանի Գիտությունների ակադեմիայի Վ.Ա. Ստեկլովի անվան մաթեմատիկական ինստիտուտի աջակցությամբ անց են կացնում Էմիլ Արթինի 120-ամյակին նվիրված միջազգային գիտաժողով (Երևան, Հայաստան)

2018թ. հունիսի 7-8-ը ՀՀ ԳԱԱ արևելագիտության ինստիտուտը կազմակերպում է միջազգային գիտաժողով՝ նվիրված անվանի դիվանագետ և վաճառական Մանուկ Բեյ Միրզայանին (1769-1817)

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 14-ին կազմակերպում է «Հումանիտար և հասարակական գիտությունները ակադեմիական համակարգում» թեմայով գիտաժողով` նվիրված ՀՀ ԳԱԱ 75-ամյակին

ՀՀ ԳԱԱ Փիլիսոփայության, սոցիոլոգիայի և իրավունքի ինստիտուտը 2018 թ. նոյեմբերի 15-ին կազմակերպում է գիտաժողով նվիրված UNESCO-ի հռչակած փիլիսոփայության միջազգային օրվան

ՀՀ 2018 թ. պետական բյուջեից ֆինանսավորման երաշխավորված գիտական միջոցառումների ցանկ

ՀՀ 2018 թ. պետական բյուջեից ֆինանսավորման երաշխավորված երիտասարդ գիտնականների դպրոցների ցանկ

Հրապարակումներ մամուլում
21/05/2018
Մեր երկրում մասնագիտությունների բաշխումը երբեք մտածված չի եղել. Արեգ Միքայելյան
panorama.am
18/05/2018
Գիտության զարգացում առանց սահմանափակումների
aravot.am
04/05/2018
Հայաստանում գիտական դիվանագիտությունը պետք է ակտիվացնել
mediamax.am
02/05/2018
Горизонт-2020: Дети за зеленой оградой
golosarmenii.am
28/04/2018
Երիտասարդների` գիտության հանդեպ հետաքրքրությունը ցածր մակարդակի վրա է, գիտնականների իմիջն՝ ընկած
aravot.am
12/04/2018
Արտերկրում բնակվող գիտնականների հայտարարությունը
hetq.am
Կայքը հաճախել են
1 482 630

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ լոգոտիպ (սև, կապույտ)
Դեպի վեր Կայքը վերջին անգամ թարմացվել է՝  15:24, 22/05/2018 Դեպի վեր
Գլխավոր էջ - Ակադեմիայի մասին - Կազմակերպություններ - Անդամներ - Կապ մեզ հետ - Կառուցվածք - Բաժանմունքներ
Նախագահության անդամներ - Փաստաթղթեր - Նորություններ - Գիտաժողովներ - Բոլոր հրապարակումները մամուլում
Բոլոր հայտարարությունները - Լուսանկարներ - «Գիտություն» թերթ - Հիմնադրամներ - Հոբելյաններ - Հրատարակություններ
Վեբ ռեսուրսներ - Այլ ակադեմիաներ - Համալսարաններ
Լինդաույում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2018, Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM)
Հարցերի կամ առաջարկությունների համար կարող եք գրել webmaster {[ at ]} sci.am էլեկտրոնային փոստին: