Սույն թվականի սեպտեմբերի 15-ին՝ ժամը 11։00-ին, ՀՀ գիտությունների ազգային ակադեմիայում (ԳԱԱ) (Մարշալ Բաղրամյան 24, 2-րդ հարկ) կմեկնարկի «Տնտեսության նորաստեղծական զարգացման և ռազմավարական կառավարման հիմնահարցերը» միջազգային գիտաժողովը՝ նվիրված ՀՀ ԳԱԱ Միքայել Քոթանյանի անվան տնտեսագիտության ինստիտուտի հիմնադրման 70-ամյակին։

Սեպտեմբերի 16-ին և 17-ին գիտաժողովի աշխատանքները կշարունակվեն ՀՀ ԳԱԱ Միքայել Քոթանյանի անվան տնտեսագիտության ինստիտուտում (Գրիգոր Լուսավորիչ 15, 3-րդ հարկ)։ Ընդհանուր կներկայացվի 36 զեկուցում հետևյալ թեմատիկ ուղղություններով՝

• Մակրոտնտեսական ցուցանիշների զարգացման միտումները 
• Ֆինանսական քաղաքականության առաջնահերթություններ 
• Ռազմավարական կառավարում
• Նորաստեղծական զարգացում. նվաճումներ և խնդիրներ
• Ժողովրդագրություն, զբաղվածություն և կենսամակարդակ 
• Տնտեսության իրական հատվածի առաջնահերթությունները և զարգացման մակարդակը 
• Ծառայությունների ոլորտի զարգացման առաջնահերթություններն ու խնդիրները 
• Վարքագծային տնտեսագիտություն. կանխադրված ընտրության ուժը։

ՀՀ ԳԱԱ տեղեկատվության և հանրային կապերի բաժին
12․09․2025թ