ՀՀ գիտությունների ազգային ակադեմիան (ՀՀ ԳԱԱ) և Բուլղարիայի գիտությունների ակադեմիան (ԲԳԱ) հայտարարում են «ՀՀ ԳԱԱ – ԲԳԱ 2026–2027թթ.»  համատեղ գիտական նախագծերի մրցույթ 2026թ. հունվարի 1-ից մինչև 2027թ. դեկտեմբերի 31-ը ընկած ժամանակահատվածի համար։

Այս մրցույթը հայտարարվում է 2024թ. ՀՀ ԳԱԱ-ի և ԲԳԱ-ի միջև ստորագրված համագործակցության հուշագրի շրջանակում՝ նպատակ ունենալով խթանել ինստիտուցիոնալ համագործակցությունը երկու ակադեմիաների գիտահետազոտական ինստիտուտների միջև, խրախուսել երիտասարդ գիտնականների և ասպիրանտների ակտիվ ներգրավվածությունը նախագծերում, ինչպես նաև աջակցել գիտական խմբերի կարողությունների զարգացմանը՝ միտված ապագա միջազգային համագործակցությունների հաստատմանը։

Հիմնական ժամկետներ․

• Հայտերի ընդունման մեկնարկ՝ 2025 թ. հունիսի 16
• Հայտերի ներկայացման վերջնաժամկետ՝ 2025 թ. հոկտեմբերի 15
• Արդյունքների հրապարակում՝ 2025 թ. դեկտեմբերի 20

Մանրամասն տեղեկատվություն՝ հայտադիմումների պահանջների և գնահատման չափանիշների վերաբերյալ, հասանելի է մրցույթի փաստաթղթում։

Հարցերի դեպքում խնդրում ենք կապ հաստատել մրցույթի ազգային համակարգողների` Անահիտ Խաչիկյանի (fordep@sci.am) և Գաբրիելա Չոուպրենսկայի (tchouprenska@cu.bas.bg) հետ։

ՀՀ ԳԱԱ Միջազգային կապերի և երիտասարդական ծրագրերի վարչություն
16․06․2025թ.