Սույն թվականի մայիսի 14-15-ին Տաջիկստանի մայրաքաղաք Դուշանբեում կայացել է ԱՊՀ երկրների ստեղծագործական և գիտական մտավորականության 18-րդ համաժողովը «ԱՊՀ՝ համագործակցության նոր հորիզոններ» խորագրի ներքո։
Համաժողովին մասնակցել է Հայաստանի պատվիրակությունը՝ Կրթության, գիտության, մշակույթի և սպորտի նախարարի տեղակալ Դանիել Դանիելյանի գլխավորությամբ։ Պատվիրակության կազմում էր ԱՊՀ երկրների
հետ համագործակցության հարցերով ՀՀ ԳԱԱ փորձագետ Գևորգ Վարդանյանը։
Համաժողովի շրջանակում կայացել է ԱՊՀ երկրների գիտությունների ազգային ակադեմիաների ղեկավարների
և գիտական հանրության առաջնորդների հանդիպումը, որի ընթացքում ողջույնի խոսքով հանդես է եկել Գևորգ Վարդանյանը։ Նա կարևորել է նման միջոցառումների անցկացումը և ներկայացրել ՀՀ ԳԱԱ և ԱՊՀ երկրների
գիտությունների ակադեմիաների միջև համագործակցությունը։ Հանդիպման մասնակիցները քննարկել են համագործակցության ընդլայնման ուղղված հետագա անելիքները։
ՀՀ ԳԱԱ գիտության հանրայնացման և հասարակայնության հետ կապերի բաժին
20․05․2025թ․
![academy [@] sci.am](images/email.jpg "academy [@] sci.am")
