Հիմնական աշխատ. վերաբերում են XVI-XX դդ. սկզբի ազգային-ազատագրական շարժումներին, XIX դ. բանվորական շարժմանը և ազգային հարցին, Անդրկովկասի և ռուս ժողովուրդների փոխհարաբերությունների, Հայ դատի նկատմամբ մեծ տերությունների վարած քաղաքականության, Հայաստանում խորհրդային կարգերի հաստատման պատմությանը:

Ավարտել է ԵՊՀ -ը (1950), ԽՄԿԿ ԿԿ առընթեր հաս. գիտ. ակադեմիան (1955): Պ.գ.դ. (1963), պրոֆ. (1964), ակադ. (1982, թղթ. անդ.՝ 1971):

ՀՀ ԳԱԱ նախագահության անդամ (1979-ից), պրեզիդենտի խորհրդական (1994-ից), խմբագրական հրատարակչական խորհրդի նախագահ (1982-ից):

ՀԽՍՀ պետական մրցանակի դափնեկիր (1985): Պարգևատրվել է Աշխատանքային կարմիր դրոշի շքանշանով:

Կատարել է կոմերիտական ղեկավար աշխատանքներ (1950–1952), ՀԿԿ Կենտկոմի քարտուղար (1988–1990): ԽՄԿԿ Կենտկոմին առընթեր ՄԼԻ հայկ. բաժանմունքի ավ. գիտաշխատող (1955–1958), փոխտնօրեն (1958–1963), պատմության ին-տի տնօրեն (1963–1979): ակադ.-քարտուղար (1979–1986), փոխպրեզիդենտ (1986–1988, 1990–1994): Դասավանդել է ԵՊՀ-ում, Երևանի Խ. Աբովյանի անվ. հայկ. մանկավարժական ին-տում և այլ բուհերում (1960–1980): ՀԽՍՀ գիտ. վաստ. գործիչ (1988):