Հիմնական աշխատ. վերաբերում են Արկտիկայի և Անտարկտիկայի յուրացման հիմնախնդիրներին, արկտիկական նավագնացության ապահովման նոր ձևերի ներդրմանը, ծովային ափամերձ սառցաշերտերի վրա բեռնման–բեռնաթափման աշխատանքների նոր մեթոդների մշակմանը:

Ավարտել է Լենինգրադի ծովակալ Ս.Մակարովի անվ. բարձրագույն ճարտարագիտական–ծովային ուսումնարանը (այժմ՝ պետ. ծովային ակադեմիա /ՊԾԱ/, 1963): Աշխ.գ.թ.: Արտաս. անդամ (2003):

Աշխատել է Արկտիկայի և Անտարկտիկայի ին-տի Տիկսի ավանի աստղադիտարանում (1963–65), վարել ղեկավար պաշտոններ ԽՍՀՄ (ապա՝ ՌԴ) ջրօդերևութաբանության պետկոմում (1974–92): «Հյուսիսային բևեռ–19», «Հյուսիսային բևեռ –22» դրեյֆող (1969–71) և Անտարկտիդայի Բելլինսգաուզեն գիտական (1971–73) կայանների ղեկավար: ՌԴ Պետ. դումայի նախագահի տեղակալ (1994-ից):

Ռուսաստանի բնական ԳԱ թղթ.անդամ, ԱՄՆ հետազոտությունների միջազգային ակումբի, Մեծ Բրիտանիայի թագավորական աշխարհագրական ընկերության անդամ: ՊԾԱ պատվ. պրոֆ. (2002):

Խորհրդային Միության հերոս (1985): ԽՍՀՄ պետ. մրցանակի դափնեկիր: Պարգևատրվել է Լենինի և այլ շքանշաններով: