Ստեղծել է նատյուրմորտներ, դիմանկարներ, բնանկարներ, գունավոր վիմագրություններ, խեցեգործական աշխատանքներ: Կազմակերպել է հարյուրից ավելի անհատական ցուցահանդեսներ Փարիզում (1939-ից), Լոնդոնում (1954), Նյու Յորքում (1959), Երևանում (1966, 1983), Տոկիոյում (1980), Մոսկվայում (1984) և աշխարհի այլ քաղաքներում, մասնակցել բազմաթիվ միջազգային ցուցահանդեսների: Փարիզի դրամատիկական (1968), օպերայի (1952-1954, 1971, 1975) և բալետի (1965) թատրոններում, «Կոմեդի ֆրանսեզում» (1955) ձևավորել է ներկայացումներ, նկարազարդել գրքեր:

Ավարտել է Փարիզի ճարտարապետական ուսումնարանը (1928), հաճախել Գրանդ Շոմիեր ակադեմիան: Արտաս. անդամ (1990)

Ֆրանսիայի գեղարվեստի ակադեմիայի անդամ (1977):

Ֆրանսիայի Պատվո լեգիոնի սպա (1971), Արվեստների և գրականության պսակավոր (1958), Հոլմարկի (1943, 1951, 1955) և այլ մրցանակների, «Իլ դը Ֆրանս» (1954), Տոկիոյի միջազգային ցուցահանդեսի (1955), Բրյուգեի «Եվրոպա» (1958) մեծ մրցանակների դափնեկիր: Պարգևատրվել է Ֆրանսիայի Պատվո լեգիոնի, Վաստակի ազգային, Մայր աթոռ Ս.Էջմիածնի Ս.Գրիգոր Լուսավորիչ շքանշաններով:

1925-ից բնակվել է Ֆրանսիայում: Վանսում (Ֆրանսիա) գործում է Գառզուի թանգարանը (1986-ից):