News
10/05/2017
ՀՀ ԳԱԱ Բուսաբանության ինստիտուտն անվանակոչվեց աշխարհահռչակ բուսաբան Արմեն Թախտաջյանի անունով

    ՀՀ Գիտությունների ազգային ակադեմիայի Բուսաբանության ինստիտուտն այսուհետ կրում է 20-րդ դարի խոշորագույն բուսաբան-էվոլուցիոնիստ, գիտության վաստակավոր գործիչ Արմեն Թախտաջյանի անունը: Այս որոշումը ՀՀ կառավարությունն ընդունեց սույն թվականի մայիսի 4-ին:

    Արմեն Թախտաջյանը  Ռուսաստանի Գիտությունների ակադեմիայի և Հայաստանի Գիտություների ազգային ակադեմիայի ակադեմիկոս էր, ՌԴ ԳԱ, ԱՄՆ ԳԱ, Լոնդոնի Լինևյան ընկերության, Գերմանիայի Լեոպոլդինի անվ. բնագետների, Լեհաստանի և Նորվեգիայի ակադեմիաների իսկական անդամ:

20171005-1.jpg

    Նա ԽՍՀՄ պետական մրցանակի դափնեկիր էր, Սոցիալիստական աշխատանքի հերոս: Պարգևատրվել է Աշխատանքային կարմիր դրոշի, Ժողովուրդների բարեկամության շքանշաններով, «Անձնվեր աշխատանքի համար» և ՀՀ ԳԱԱ «Ոսկե» մեդալներով, Վ.Կոմարովի և Ռ. Ալերտոնի անվան մրցանակներով:

    Արմեն Թախտաջյանի կողմից ստեղծված բուսական աշխարհի էվոլուցիոն համակարգը ոչ միայն ընդունված է գիտական բուսաբանական հասարակության կողմից, այլ նաև համարվում է լավագույնը և ամենաարժանահատը: Արմեն Թախտաջյանը մեծ ներդրում է ունեցել Հայաստանում բուսաբանական գիտության զարգացման գործում:  Նրա շնորհիվ հայաստանյան բուսաբանական դպրոցը համարվում է առաջադեմ դպրոցներից մեկն աշխարհում: Մեծանուն գիտնականի աջակցությամբ Հայաստանում զարգացել են բուսաբանական աշխարհի ժամանակակից գիտության այնպիսի ուղղություններ, ինչպիսիք են սիստեմատիկան, պալինոլոգիան, կարիոլոգիան:

10.05.2017թ.
ՀՀ ԳԱԱ Տեղեկատվական-վերլուծական ծառայություն



Website last updated on:  18:07, 22/10/2021

General Page - About Academy - Divisions - Organisations - Members - Contact us - COVID-19 - Structure - Presidium Members
Documents - Innovation Proposals - News - Scientific Results - Diaspora Department presents - Young Scientist Tribune - Conferences - Publications in Press - Announcements - Photogallery -
"Gitutyun" newspaper - "In the World of Science" Journal - Funds - Anniversaries - Publications - Web Resources -
Other Academies Universities - Lindau - Sitemap - Search