News
23/09/2019
ՀՀ ԳԱԱ-ում տեղի կունենա առաջին համաժամ առցանց համերգը՝ Հայաստանի և Իտալիայի երգչախմբերի մասնակցությամբ

    Սույն թվականի սեպտեմբերի 24-ին՝ ժամը 20։00-ին, ՀՀ ԳԱԱ նախագահության սրահում (Երևան, Մ. Բաղրամյան պողոտա 24), տեղի կունենա «Հովեր» պետական կամերային երգչախմբի և Իտալիայի Վենետիկի Սուրբ Մարկոսի «Cappella Marciana» երգչախմբի համաժամ համերգը՝ նվիրված հայ մեծանուն երգահան Կոմիտասի 150-ամյակին: Համերգը յուրահատուկ է նրանով, որ «Cappella Marciana» երգչախումբը ելույթ է ունենալու Իտալիայից: 
    Համատեղ առցանց կատարումները հնարավոր կդառնան ցածր հապաղման տեսաձայնային համակարգի (LOLA -LOw LAtency audio visual streaming system) միջոցով: Առցանց համերգն իրականացվելու է հետազոտական և կրթական եվրոպական GEANT ցանցի միջոցով, որը հնարավորություն է տալիս աշխարհի տարբեր անկյուններից համատեղ աշխատել իրական ժամանակում՝ առանց նշանակալից աղավաղման կամ հետաձգման: Համերգի տեխնիկական ապահովումը կիրականացնեն Հայաստանի ASNET-AM և Իտալիայի GARR գիտական և կրթական ազգային ցանցերը:
    Նմանատիպ համերգ Հայաստանում կազմակերպվում է առաջին անգամ:

ՀՀ ԳԱԱ Տեղեկատվական-վերլուծական ծառայություն
23.09.2019թ.


Website last updated on:  12:31, 24/02/2020

General Page - About Academy - Divisions - Organisations - Members - Contact us - Structure - Presidium Members
Documents - Innovation Proposals - News - Conferences - Publications in Press - Announcements - Photogallery
"Gitutyun" newspaper - Funds - Anniversaries - Publications - Web Resources - Other Academies
Universities - Lindau - Sitemap - Search