Նորություններ
21/06/2019
Գիտական հանրությունը նշեց հայագետ-արևելագետ Արամ Տեր-Ղևոնդյանի ծննդյան 90-ամյակը

   Սույն թվականի հունիսի 20-21-ին Երևանում անցկացվեց «Արևելյան աղբյուրագիտությունը և պատմագրությունը XXI դարասկզբի Հայաստանում» միջազգային գիտաժողովը՝ նվիրված հայագետ-արևելագետ Արամ Տեր-Ղևոնդյանի (1928-1988) ծննդյան 90-ամյակին: Արամ Տեր-Ղևոնդյանի գիտական ժառանգությունը ներառում է հետազոտություններ՝ նվիրված Բագրատունյաց դարաշրջանի և արաբական խալիֆայության փոխհարաբերություններին, ինչպես նաև հայ-արաբական փոխառնչություններին։ Հայագիտության բնագավառում մեծ է նրա վաստակը Արևելյան աղբյուրագիտության՝ Մերձավոր Արևելքի քրիստոնյա և մահմեդական քաղաքակրթությունների հետազոտման գործում:

20190621_1.jpg
   Գիտաժողովի ընթացքում Հայաստանի և արտերկրից՝ ԱՄՆ-ից, Գերմանիայից, Ռուսաստանից, Ֆրանսիայից, Իսրայելից, Հունաստանից և Իտալիայից ժամանած գիտնականները հանդես եկան 34 գիտական զեկուցումներով, որոնք նվիրված էին  XXI դարասկզբի Հայաստանի արևելյան աղբյուրագիտությանը և պատմագրությանը:
   Գիտաժողովը կազմակերպել էին ՀՀ ԳԱԱ արեվելագիտության ինստիտուտը,   «Մատենադարան» Մաշտոցի անվան հին ձեռագրերի ինստիտուտը և Երևանի պետական համալսարանը:

   ՀՀ ԳԱԱ տեղեկատվական-վերլուծական ծառայություն
   21.06.2019թ.



Կայքը վերջին անգամ թարմացվել է՝  12:19, 16/09/2021

Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - COVID-19 - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Նորություններ - Գիտական արդյունքներ - Սփյուռքի բաժինը ներկայացնում է - Գիտաժողովներ - Հրապարակումներ մամուլում - Հայտարարություններ - Լուսանկարներ -
«Գիտություն» թերթ - Հիմնադրամներ - Հոբելյաններ - Հրատարակություններ - Վեբ ռեսուրսներ -
Այլ ակադեմիաներ Համալսարաններ - Լինդաու - Կայքի քարտեզ - Որոնում