Новости
19/10/2018
300-ից ավելի աշակերտներ այցելեցին ՀՀ գիտությունների ազգային ակադեմիայում բացված ցուցահանդես

    Հայաստանի Վաղարշապատի Մաքսիմ Գորկու անվան 5-րդ, Վաղարշապատի Գ. Նարեկացու անվան 2-րդ, Հրազդանի թիվ 1, Նոր Հաճնի, Երևանի թիվ 16, Երևանի թիվ 118 ավագ դպրոցների, ՀՊՄՀ վարժարանի, Վարդանանք և Մխիթարյան կրթահամալիրների և այլ կրթօջախների 300-ից ավելի աշակերտներ հոկտեմբերի 19-ին այցելեցին ՀՀ գիտությունների ազգային ակադեմիայում (ԳԱԱ) բացված ցուցահանդես:
    Ցուցահանդեսը բացվել է Հայաստանի Գիտությունների ազգային ակադեմիայի 75-ամյա հոբելյանին նվիրված միջոցառումների շրջանակներում:
    Աշակերտներին հանդիպեցին գիտական կազմակերպությունների տնօրենները, մասնագետները, ներկայացրեցին ՀՀ ԳԱԱ գիտահետազոտական կազմակերպությունների նվաճումները, կիրառական նշանակության մշակումների նախատիպերը, հրատարակված գիտական աշխատանքները:   
    Աշակերտները մեծ հետաքրքրությամբ ծանոթացան ՀՀ ԳԱԱ ստեղծման պատմությանը, արդի գիտահետազոտական կառուցվածքին, գիտական պոտենցիալին, հայագիտության զարգացմանն ուղղված աշխատանքներին:Ֆիզիկական գիտությունների տաղավարում աշակերտները հետաքրքրվեցին աճեցված բյուրեղներով, հատուկ և բժշկական նշանակության միկրոալիքային սարքավորումներով: 
    Հնագիտության և երկրաբանության տաղավարներում նրանց ուշադրությունը գրավեցին մ.թ.ա. 20-22-րդ դարերի ժամանակաշրջանի գտածոները և յուրահատուկ հանքաքարերի նմուշները:
    Բնական գիտությունների տաղավարում աշակերտներին ցուցադրվեցին մոլեկուլիար կենսաբանության և գենետիկայի ուղղությամբ կատարվող հետազոտությունների արդյունքները, որոնք կիրառվում են բժշկության մեջ: 
    Քիմիական գիտությունների տաղավարում ներկայացվեցին կենսաբանական եղանակով նոր նյութերի, դեղամիջոցների ստացման գործընթացները:
    Մաթեմատիկայի և ինֆորմատիկայի տաղավարում աշակերտները ծանոթացան տեղեկատվական տեխնոլոգիաների և ավտոմատ կառավարման համակարգերի ստեղծման և զարգացման գործընթացներին:
    Աշակերտները առաջարկեցին այցելել ակադեմիական ինստիտուտներ ավելի մանրամասնորեն ծանթանալու գիտական լաբորատորիաներին և մասնակցելու գիտափորձերին: Աշակերտները մեկնեցին նոր ցուցահանդեսների ակնկալիքով:

ՀՀ ԳԱԱ Տեղեկատվական-վերլուծական ծառայություն
19.10.2018թ.

Фотогалерея


Сайт последний раз обновлялся:  21:23, 27/11/2020

Главная страница - Об Академии - Отделения - Организации - Члены - Связь с нами - COVID-19 - Структура - Члены президиума
Документы - Инновационные предложения - Новости - Конференции - Публикации в прессе - Объявления - Фотогалерея
Газета "Гитутюн" - Фонды - Юбилеи - Публикации - Веб ресурсы - Другие академии
Университеты - Линдау - Карта сайта - Поиск