Новости
27/02/2018
«Հայանտառ»-ի, ՀԱԱՀ-ի և ՀՀ ԳԱԱ բուսաբանության ինստիտուտի միջև ստորագրվել է համագործակցության հուշագիր

Այսօր՝ փետրվարի 27-ին, «Հայանտառ» ՊՈԱԿ-ի տնօրեն Միքայել Մանուկյանի, Հայաստանի ազգային ագրարային համալսարանի ռեկտոր Արշալույս Թարվերդյանի և ՀՀ ԳԱԱ «Ա․Թախտաջյանի անվան բուսաբանության ինստիտուտ» ՊՈԱԿ-ի տնօրեն Ժիրայր Վարդանյանի միջև ստորագրվել է համագործակցության հուշագիր։

Հուշագրի նպատակն է կողմերի միջև համագործակցության զարգացումն ու ընդլայնումը, համատեղ գիտակրթական գործունեության ուղղությամբ փոխադարձ պարտականությունների ստանձնումը, ինչպես նաև՝ բարձրորակ անտառագետ մասնագետների պատրաստումը։Հուշագրի ստորագրումից հետո կողմերն իրենց գոհունակությունն են հայտնել և կարևորել արդյունավետ գործակցությանն ուղղված քայլերը։

20180227_1.jpg
ՀԱԱՀ ռեկտոր Արշալույս Թարվերդյանն իր խոսքում նշել է՝ սույն հուշագրի կնքնման նախաձեռնությունը «Հայանտառ» ՊՈԱԿ-ի տնօրեն Միքայել Մանուկյանինն է։ Մանուկյանն էլ իր հերթին Թարվերդյանին շնորհակալություն է հայտնել առաջարկն ընդունելու համար, ապա ընդգծել՝ «Հայանտառ»-ում իրականացվող համակարգային փոփոխությունների համատեքստում այս հուշագիրը ևս շատ կարևոր դերակատարություն ունի։

20180227_2.jpg
Միքայել Մանուկյանը նաև նշել է, որ անտառային ոլորտի բարձրակարգ մասնագետների պատրաստումն անչափ կարևոր է։ «Առաջինը պետք է սկսենք կրթելուց, մեր մասնագետներին վերապատրատելուց»,- ընդգծել է Մանուկյանը, ապա հավելել, որ «Հայանատառ»-ը պետք է իր դեմքը փոխի, այլ որակի աշխատանք պետք է կատարի։    ՀԱԱՀ ռեկտոր Արշալույս Թարվերդյանն էլ իր խոսքում շեշտել է, որ  հուշագրով հնարավոր է դառնում ՀԱԱՀ-ում առաջատար մասնագետների ուժերով իրականացնել չափազանց կարևոր գործ, այն է՝ արտադրությունում աշխատող կադրերի վերապատրաստման կազմակերպում:  Թարվերդյանի խոսքով՝ համալսարանը շահում է կարևոր մի բան՝ ուսանողների ուսումնական և արտադրական պրակտիկաներն անտառային տնտեսություններում կազմակերպելու առումով:«Սա նախ հնարավորություն կտա գործնական հմտություններով մասնագետներ պատրաստել և երկրորդ՝ անտառային ոլորտի աշխատակիցների համար հեշտանում է ապագա մասնագետների ճիշտ ընտրությունը»,- ասել է Թարվերդյանը։    

«Հայանտառ» ՊՈԱԿ-ի լրատվական ծառայություն



Сайт последний раз обновлялся:  16:31, 30/11/2020

Главная страница - Об Академии - Отделения - Организации - Члены - Связь с нами - COVID-19 - Структура - Члены президиума
Документы - Инновационные предложения - Новости - Конференции - Публикации в прессе - Объявления - Фотогалерея
Газета "Гитутюн" - Фонды - Юбилеи - Публикации - Веб ресурсы - Другие академии
Университеты - Линдау - Карта сайта - Поиск