| ||||||||
Սույն թվականի դեկտեմբերի 20-ին՝ ՀՀ ԳԱԱ Գիտակրթական միջազգային կենտրոնի դահլիճում, տեղի է ունեցել «Երիտասարդ գիտնականների աջակցության ծրագրի» (ԵԳԱԾ) տարեվերջյան հաշվետու ժողովը։ Միջոցառմանը մասնակցել են ԵԳԱԾ հանձնաժողովի անդամներ, վերջին երկու տարիների ընթացքում ծրագրի շրջանակում իրականացված մրցույթների շահառուներ, ինստիտուտների գիտաշխատողներ։ Ժողովի ընթացքում ԵԳԱԾ հանձնաժողովը ներկայացրեց 2025 թվականին իրականացրած աշխատանքները, այդ թվում՝ հայտարարած մրցույթները, դրանց շրջանակում ընդունած հայտերի քանակը և գնահատման արդյունքները․
Հաշվետու զեկուցումներով հանդես եկան այն գիտաշխատողները, ովքեր 2025 թվականի ընթացքում մասնագիտական վերապատրաստում են անցել արտասահմանյան գիտահետազոտական կենտրոններում։ Նրանք ներկայացրին, թե ինչ դասընթացների են մասնակցել և ինչ կիրառական փորձ են ձեռք բերել։ ԵԳԱԾ հանձնաժողովի ներկայացուցիչները զեկուցողներին ուղղեցին մի շարք հարցեր՝ ուղղված ռիսկերի գնահատմանը և ստացած գիտելիքների կիրառման հնարավորություններին հայաստանյան գիտական ինստիտուտներում։ Շահառուներն օրինակներով ներկայացրին ձեռք բերված փորձի կիրառման արդյունավետությունը տեղական գիտական ինստիտուտներում իրականացվող իրենց աշխատանքներում։ Այն արտահայտվում է նաև արտերկրի և տեղական լաբորատորիաների միջև ձևավորված համագործակցությամբ և համատեղ հետազոտությունների իրականացմամբ։ Ստացված արդյունքները հոդվածի տեսքով տպագրվում են համահեղինակությամբ։ Հաշվետու ժողովի ընթացքում քննարկվեցին նաև 2026 թվականի համար նախատեսվող ծրագրերը։ |
Главная страница - Об Академии - Отделения - Организации - Члены - Связь с нами - Структура - Члены президиума
Документы - Инновационные предложения - Публикации - Фонды - Конференции - Конкурсы - Международное сотрудничество
Молодежные программы - Фотогалерея - Видеогалерея - Веб ресурсы Другие академии - Газета "Гитутюн" - Журнал "В мире науки"
Публикации в прессе - Анонсы - Юбилеи - Университеты - Новости - Научные результаты - Ученые диаспоры
Трибуна молодого ученого - Наши заслуженные деятели - Объявления - Карта сайта - Поиск