Հարգարժան գործընկեր
Հրավիրում ենք մասնակցելու «Բնագիտությունը, մաթեմատիկան, տեխնիկան, ինֆորմատիկան 21-րդ դարում. հանրամատչելիացման և ուսուցման հիմնախնդիրներ ու լուծումներ» խորագրով համահայկական 8-րդ կրթական գիտաժողովին, որը տեղի կունենա 2025 թ. հոկտեմբերի 17-18-ին, ՀՀ ԳԱԱ-ում: Կրթական գիտաժողովում կքննարկվեն հանրակրթական և բուհական ոլորտներում բնական գիտությունների, մաթեմատիկայի, ինֆորմատիկայի, տեխնոլոգիաների հանրամատչելիացման և նրանց հիմունքների ուսուցման հիմնախնդիրները: Գիտաժողովին, ստորև ներկայացված պայմաններին ու պահանջներին համապատասխան, կարող են մասնակցել դպրոցների ուսուցիչներ, բուհերի դասախոսներ, գիտաշխատողներ, քոլեջների դասատուներ, նշված խնդիրներով զբաղվող մագիստրոսներ, ասպիրանտներ և կրթության ոլորտի մասնագետներ:
Նախատեսվում է քննարկել հետևյալ թեմաները.
Տեղեկատվություն.
ՀՀ ԳԱԱ կայք և «Գիտություն» թերթ,
Լրացուցիչ տեղեկատվության համար զանգահարել՝ 094 287888
Զեկուցումների և թեզիսների ներկայացման կարգը
Գիտաժողովին մասնակցելու համար անհրաժեշտ է մինչև 2025թ. հոկտեմբերի 10-ը ներկայացնել հոդվածի էլեկտրոնային օրինակը: Կրթական գիտաժողովի աշխատանքներին մասնակցել ցանկացողները կազմկոմիտե պետք է ներկայացնեն հետևյալ նյութերը.
Ներկայացվող նյութերի ձևակերպման պահանջները
Հոդվածները պետք է գրվեն հետևյալ պահանջներին համապատասխան. նյութի առավելագույն ծավալը 5 էջ, տեքստի համակարգչային ծրագիրը` Microsoft Word, տառատեսակը` Times New Roman (ռուսերենի, անգլերենի համար) և GHEA Grapalat (հայերենի համար), տառաչափը` 12, տողերի միջակայքը` 1,5, վերևի, նեքևի և աջ լուսանցքները` 2,0, ձախ լուսանցքը` 3,0 սմ` ստանդարտացված: Հոդվածը սկսվում է վերնագրով, որը գրվում է կենտրոնում` գլխատառերով, թավ: Վերնագրից հետո նշվում են հեղինակի ազգանունը, անվան և հայրանվան սկզբնատառերը, քաղաքը և կազմակերպությունը` աջ անկյունում, շեղատառ: Աղյուսակները պետք է կազմվեն Word ծրագրով, ունենան վերնագիր և համար։ Նկարները պետք է ունենան մակագրություն և համար։ Հոդվածում հստակորեն պետք է ներկայացված լինեն հարցի դրվածքը, կրթական նորույթը, իսկ վերջում` օգտագործված գրականության ցանկը և նյութի հակիրճ ամփոփումը` մինչև 50 բառ` անգլերեն, ռուսերեն կամ հայերեն, կախված հոդվածի շարադրման լեզվից: Տեքստում գրականության մեջբերումը նշվում է ուղիղ փակագծերում` գրելով գրականության ցանկում համապատասխան աղբյուրի համարը և էջը` օրինակ` [3, էջ 14]:
Գիտաժողովի աշխատանքային լեզուն հայերենն է, իսկ առանձին աշխատանքներ կարող են ներկայացվել ռուսերեն և անգլերեն լեզուներով:
Գիտաժողովին ներկայացված և գրախոսված նյութերից կհրատարակվի գիտա-մեթոդական հոդվածների էլեկտրոնային ժողովածու:
Գիտաժողովի կազմակերպման մասին տեղեկատվությունը առաքվում է Երևան քաղաքի և մարզային կրթության բաժիններ, ՀՀ բուհեր, ինչպես նաև ՄՄՈՒՀ-եր և սփյուռքի հայկական կրթօջախներ:
Տեղեկատվությունը տեղադրված է ՀՀ ԳԱԱ և ՀՀ ԿԳՄՍ նախարարության կայքերում (www.sci.am, www.escs.am):
Գիտաժողովին մասնակցել ցանկացողները լրացված համապատասխան հայտը և թեզիսները կազմկոմիտե են ներկայացնում մինչև ս.թ. հոկտեմբերի 10-ը` վերը նշված հասցեով:
Թեզիսները, որոնք ներկայացված պահանջներին չեն բավարարում կամ ուղարկվում են նշված ժամկետներից ուշ, չեն քննարկվում:
Գիտաժողովի նյութերի էլեկտրոնային ժողովածուն կտպագրվի գիտաժողովում զեկուցելուց և խմբագրական խորհուրդի կողմից հոդվածը խմբագրելուց հետո՝ 6- ամսյա ժամկետում:
Գիտաժողովին կարելի է մասնակցել ինչպես զեկուցումով, այնպես էլ առանց զեկուցման:
Հասցե` Երևան, Բաղրամյան 24, ՀՀ ԳԱԱ