Երկրի մասին և դրան հարակից բնապահպանական գիտություններ

Ներկայացվող ներդրումային ծրագրի նպատակն է նախագծել և իրագործել ջրային էկոհամակարգի հետազոտման համար նախատեսված ստացիոնար գեոֆիզիկական դիտակայան: Դիտակայանը կլինի ջրի մեջ աշխատող ավտոնոմ համակարգ, որը հնարավորություն կունենա որոշել ջրի ֆիզիկական պարամետրերի (ալկալային-թթվային հավասարակշռություն (pH), տեսակարար դիմադրություն, ջերմաստիճան և պղտորություն) փոփոխությունը, ֆիքսել սեյսմիկ ցնցումները և անլար կապի միջոցով արագ տեղափոխել ինֆորմացիան ափին տեղակայված կենտրոն: Դիտակայանի կողմից նման տեսակի պարամետրերի չափման միաժամանակյա հնարավորությունը նորույթ է և դիտարկված չէ համաշխարհային պրակտիկայում: Մյուս կողմից, այսպիսի գեոֆիզիկական պարամետրերի համադրումը հնարավորություն կտա լիովին դիտարկել էկոհամակարգի վիճակի փոփոխությունը ժամանակի մեջ, հենց տեղում, որն էական առավելություն է: Իր կոնստրուկտիվ լուծմամբ դիտակայանը ճկուն համակարգ է և նախատեսված է նաև հետախուզական աշխատանքների համար:

Աշխատավարձ` 54.000$
Անհրաժեշտ դետալների, սարքավորումների և քիմիկատների ձեռքբերում, ջրային տարածքում փորձարկման համար էքսպեդիցիայի կազմակերպում՝ 13.500$
Վերադիր ծախսեր՝ 2.500$

Նախագծվող դիտակայանի նկատմամբ պահանջարկ կարող է լինել հետևյալ կազմակերպությունների կողմից. 
1. Հայաստանի տարածքում՝ ՀՀ ջրային տնտեսության պետական կոմիտե, սեյսմիկ ծառայություններ, 
2. արտասահմանում՝ պրակտիկորեն բոլոր այն երկրները, որոնք ունեն ջրային ռեսուրսների պահպանման և ճիշտ օգտագործման պետական օրենքներ, ջրի որակի ստուգման սարքեր արտադրող բրենդային ֆիրմաներ:

Ջոն Կարապետյան, ՀՀ ԳԱԱ Ա.Նազարովի անվ. երկրաֆիզիկայի և ինժեներային սեյսմաբանության ինստիտուտի տնօրեն
Էլ. փոստ՝ jon_iges {[ at ]} mail.ru
Հեռ.` (+374 94) 798580