Գյուղատնտեսություն, անասնաբուժություն, կենսատեխնոլոգիա

Առաջարկվող պատրաստուկն օժտված է իմունախթանիչ և հակավիրուսային ազդեցությամբ: Այն ՀՀ-ում ներկայումս միակ արդյունավետ միջոցն է, որը մշակված է գյուղատնտեսական կենդանիների և թռչունների վիրուսային սուր վարակիչ հիվանդությունների (մասնավորապես եղջերավոր կենդանիների դաբաղի և թռչունների Նյու-Քասլ հիվանդության) կանխարգելման արդյունավետության բարձրացման համար: Նախագիծն արդիական է, քանի որ հաճախ Հայաստանում և Հայաստանից դուրս լինում են դաբաղի բռնկումներ: Առաջարկվող պատրաստուկը երկպարույր ՌՆԹ-ի մոլեկուլի Ca2+-մոդիֆիկացված ածանցյալ է, որում Ca2+-ի իոններն անհրաժեշտ են շիճուկային նուկլեազների արգելակման, երկպարույր ՌՆԹ-ի ամբողջականության պահպանման և բջջաթաղանթի միջով բջջից ներս պատրաստուկի արագ ներթափանցման համար: Առաջարկվող պատրաստուկը չի համարվում պատվաստանյութ կամ շիճուկ, այլ ունի խթանիչ ազդեցություն իմունային համակարգի վրա: Համաձայն «Սննդամթերքի անվտանգության ոլորտի ռիսկերի գնահատման և վերլուծության գիտական կենտրոն» ՊՈԱԿ-ի կատարած փորձաքննության` պատրաստուկը դրսևորել է բարձր արդյունավետություն խոզերի, խոշոր եղջերավոր կենդանիների սուր վարակիչ հիվանդությունների և թռչունների Նյու-Քասլ հիվանդության դեպքերում: Իմունոմոդուլյատորը պատրաստ է առաջնային արտադրությունում ներդնելու համար, որից հետո առավել հստակ կգնահատվի պատրաստուկի ինքնարժեքը:

-

Համատեղ ձեռնարկության ստեղծում: Ներդրողի բաժնեմասը կախված կլինի ներդրման չափից և ծրագրին միանալու փուլից

Արսեն Առաքելյան, ՀՀ ԳԱԱ մոլեկուլային կենսաբանության ինստիտուտի տնօրեն
Էլ. փոստ՝ aarakelyan {[ at ]} sci.am
Հեռ.՝ (+374 10) 281626