ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Ազիզյան Ռուբեն Իլյիչի
Բժշկ.գ.դ., պրոֆեսոր
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Միջազգային համագործակցություն
Երիտասարդական ծրագրեր
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի գիտնականները
Երիտասարդ գիտնականի ամբիոն
Մեր երախտավորները
Հայտարարություններ
Կայքի քարտեզ
Գիտական արդյունքներ
27/06/2023
ՀՀ ԳԱԱ Մեխանիկայի ինստիտուտի գիտական արդյունքները կարող են նպաստել մեքենաշինության, ինքնաթիռաշինության բնագավառներում հուսալի և ամուր դետալներ ունենալուն

ՀՀ Գիտությունների ազգային ակադեմիայի Մեխանիկայի ինստիտուտում ստացված գիտական արդյունքները կարող են օգտագործվել մեքենաշինության, ինքնաթիռաշինության և տեխնիկայի այլ բնագավառներում տարբեր տիպերի լարումների կենտրոնացուցիչներ պարունակող կառույցների, կառուցվածքների և նրանց դետալների նախագծման աշխատանքներում և դրանց ամրության ու հուսալիության հաշվարկներում։

«Ստացված արդյունքներն ունեն թե՛ հիմնարար, թե՛ կիրառական կարևոր նշանակություն: Դրանք կարող են ծառայել որպես ուղեցույց նոր ստատիկ և դինամիկ կոնտակտային և խառը եզրային խնդիրների ուսումնասիրման համար, ինչպես նաև օգտագործվել կոնտակտային և խառը խնդիրների վերաբերյալ հատուկ դասընթացներում: Կիրառական տեսանկյունից ստացված արդյունքները կարող են օգտագործվել մեքենաշինության, ինքնաթիռաշինության և տեխնիկայի այլ բնագավառներում հաճախ հանդիպող, այս կամ այն պատճառներով միաժամանակ տարբեր տիպերի լարումների կենտրոնացուցիչներ պարունակող կառույցների, կառուցվածքների և նրանց դետալների նախագծման աշխատանքներում և դրանց ամրության ու հուսալիության հաշվարկներում»,- ասաց գիտական խմբի ղեկավար, ֆիզիկամաթեմատիկական գիտությունների դոկտոր, պրոֆեսոր Վահրամ Հակոբյանը։

Ըստ պրոֆեսոր Հակոբյանի՝ առաձգականության տեսության հավասարումների խզվող լուծումների, սինգուլյար ինտեգրալ հավասարումների, ինտեգրալ ձևափոխությունների, ինչպես նաև մեխանիկական քառակուսացման բանաձևերի թվային–վերլուծական մեթոդների օգնությամբ ուսումնասիրվել են լայն դասի նոր, ստատիկ և դինամիկ կոնտակտային և խառը եզրային խնդիրներ: Կառուցվել են դրանց ճշգրիտ կամ արդյունավետ լուծումները։ Արդյունքում բացահայտվել են լարումների կենտրոնացուցիչների շրջակայքում առաջացած արագ փոփոխվող լոկալ ինչպես ստատիկ, այնպես էլ դինամիկ լարվածային դաշտերի փոփոխման, նաև լարումների կենտրոնացուցիչների փոխազդեցության օրինաչափությունները։

Վահրամ Հակոբյանի և համահեղինակների՝ ֆիզիկամաթեմատիկական գիտությունների դոկտոր Ավետիք Սահակյանի, ֆիզիկամաթեմատիկական գիտությունների թեկնածուներ Լիլիթ Դաշտոյանի, Հարություն Ամիրջանյանի և Լուսինե Հակոբյանի կողմից ստացված արդյունքները զեկուցվել են Հայաստանում և արտասահմանում կայացած միջազգային գիտաժողովներում։ Արդյունքներն ամփոփվել են պրոֆեսոր Հակոբյանի «Լարումների կենտրոնացուցիչները դեֆորմացվող հոծ մարմիններում» («Stress Concentrators in Continuous Deformable Bodies») մենագրության մեջ, որը տպագրվել է «Springer» հրատարակչությունում։ Մենագրությունը նվիրված է համասեռ ու կտոր առ կտոր համասեռ մասիվ մարմինների և նրանցում միաժամանակ առկա ճաքերի, դրոշմների, մասամբ կամ լրիվ ամրակցված բացարձակ կոշտ ներդրակների և առաձգական վերադիրների տիպի լարումների կենտրոնացուցիչների փոխազդեցության հարցերին: Մենագրությունը ստացել է դրական արձագանք հայրենական և միջազգային գիտական հանրության կողմից:

Արդյունքների մասին աշխատանքներ են տպագրվել հետևյալ հանդեսներում՝ ՀՀ ԳԱԱ «Մեխանիկա» տեղեկագիր, «Journal of Physics», Вестник МГТУ им. Н.Э.Баумана. Серия «Естественные науки», «Механика композитных материалов», «Известия РАН Механика твердого тела», «Journal of Mathematical Sciences», ինչպես նաև «Springer» հրատարակչության կողմից հրատարակվող մի քանի թեմատիկ ժողովածուներում:

Գիտական արդյունքները ստացվել են ՀՀ ԳԱԱ Մեխանիկայի ինստիտուտում բազային ֆինանսավորմամբ իրականացվող «Հոծ միջավայրի մեխանիկա» ծրագրի, ինչպես նաև ՀՀ կրթության, գիտության, մշակույթի և սպորտի նախարարության գիտական կոմիտեի տրամադրած միջազգային և տեղական թեմատիկ ֆինանսավորման ծրագրերի շրջանակներում:

ՀՀ ԳԱԱ գիտության հանրայնացման և հասարակայնության հետ կապերի բաժին
27․06․2023թ․


Ազդեր








2025թ․ սեպտեմբերի 8-11 ՀՀ ԳԱԱ ֆիզիկական հետազոտությունների ինստիտուտը Երևանում անց է կացնում «Մագնիսական և գերհաղորդիչ նյութեր» XIII միջազգային գիտաժողովը (MSM25)

2025թ. սեպտեմբերի 8-12-ը ՀՀ ԳԱԱ Վ․Համբարձումյանի անվ․ Բյուրականի աստղադիտարանում կանցկացվի 4-րդ Բյուրականյան տարածաշրջանային ամառային դպրոցը՝ «Աստղագիտությունը և տվյալագիտությունը» խորագրով (4RASS)

2025թ. սեպտեմբերի 15–19-ը ՀՀ ԳԱԱ Բյուրականի աստղադիտարանում կանցկացվի միջազգային գիտաժողով «Աստղագիտական շրջահայություններ և մեծ տվյալներ – 3» (ASBD-3)

2025թ. սեպտեմբերի 16-19-ը ՀՀ ԳԱԱ ֆիզիկայի և աստղաֆիզիկայի բաժանմունքը և ՀՀ ԳԱԱ ֆիզիկական հետազոտությունների ինստիտուտը կազմակերպում են ամենամյա «Լազերային ֆիզիկա 2025» միջազգային գիտաժողովը: Գիտաժողովի բացման արարողությունը և առաջին օրվա գիտական նիստերը նվիրված Քվանտային գիտությանը և տեխնոլոգիաներին կկայանան ՀՀ ԳԱԱ նախագահության շենքում

Ս.թ. սեպտեմբերի 21-ից 25-ը ՀՀ ԳԱԱ օրգանական և դեղագործական քիմիայի գիտատեխնոլոգիական կենտրոնը, Երևանի պետական համալսարանը և ՌԳԱ Ն.Դ.Զելինսկու անվ. օրգանական քիմիայի ինստիտուտը կազմակերպում են «Նոր զարգացող միտումները քիմիայում» (NewTrendsChem-2025) միջազգային գիտաժողով

2025թ. սեպտեմբերի 22-26-ը ՀՀ ԳԱԱ Ինֆորմատիկայի և ավտոմատացման պրոբլեմների ինստիտուտը անց է կացնում «Համակարգչային գիտություն և ինֆորմացիոն տեխնոլոգիաներ՝ CSIT-2025» 15-րդ միջազգային գիտաժողով (Երևան, Հայաստան)

2025թ. սեպտեմբերի 22-26-ը ՀՀ ԳԱԱ Մեխանիկայի ինստիտուտը կազմակերպում է «Հոծ միջավայրի մեխանիկայի արդի խնդիրներ» IX միջազգային գիտաժողովը (Ծաղկաձոր, Հայաստան)

Ս.թ սեպտեմբերի 26-27-ը ՀՀ ԳԱԱ ՇՀՀ կենտրոնը հրավիրում է Ձեզ Գյումրի՝ առկա և հեռավար կարգով մասնակցելու «Շիրակի պատմամշակութային ժառանգությունը. հայագիտության արդի հիմնահարցեր» խորագրով 12-րդ միջազգային գիտաժողովի աշխատանքներին

2025թ. հոկտեմբերի 6–10-ը ՀՀ ԳԱԱ Վ․Համբարձումյանի անվ․ Բյուրականի աստղադիտարանում ՅՈՒՆԵՍԿՕ-ի հովանու ներքո կանցկացվի «Մերձավոր Արևելքի աստղագիտական ժառանգությունը – 2» (AHME-2) միջազգային գիտաժողովը

Ս․թ․ հոկտեմբերի 17-18-ը ՀՀ ԳԱԱ-ն, ՀՀ ԿԳՄՍՆ-ը, ՀՀ ԳԱԱ ԳԿՄԿ-ը ՀՀ ԳԱԱ-ում կազմակերպում են «Բնագիտությունը, մաթեմատիկան, տեխնիկան, ինֆորմատիկան XXI դարում. հանրամատչելիացման և ուսուցման հիմնախնդիրներ ու լուծումներ» խորագրով համահայկական 8-րդ կրթական գիտաժողով

Մեկնարկել է 2026-2027 ուստարվա ասպիրանտուրայի առկա և հեռակա ընդունելության տեղերի ձևավորման գործընթացը։ Հայտերի ներկայացնելու վերջնաժամկետը՝ 2025թ․ հոկտեմբերի 20, ժամը 18:00 (Բարձրագույն կրթության և գիտության կոմիտեի grants.hesc.am համակարգի միջոցով)

2025թ. հոկտեմբերի 22-25-ին ՀՀ ԳԱԱ Մ. Աբեղյանի անվան գրականության ինստիտուտը, ՀՀ ԳԱԱ հայագիտության և հասարակական գիտությունների բաժանմունքը, ՌԳԱ Ա. Մ. Գորկու անվան համաշխարհային գրականության ինստիտուտը, Մխիթարյան միաբանությունը, Երևանի պետական համալսարանը, Ավետիք Իսահակյանի տուն-թանգարանը, ՀՀ ԳԱԱ հիմնարար գիտական գրադարանը հրավիրում են մասնակցելու Ավետիք Իսահակյանի ծննդյան 150-ամյակին նվիրված հոբելյանական միջազգային գիտաժողովին

Հրապարակումներ մամուլում
01/09/2025

От человека разумного к человеку покорному?
golosarmenii.am
25/08/2025

ՀՀ ԳԱԱ «Գիտություն» հրատարակչությունը լույս ընծայեց Կոմիտասի Երկերի ժողովածուի երկրորդ հրատարակության երկրորդ հատորը, որն ընդգրկում է Կոմիտասի խմբերգերը
aravot.am
29/07/2025

Համագործակցության հուշագիր՝ միտված պատմամշակութային ժառանգության հանրահռչակմանը
1lurer.am
26/07/2025

Գիտաշխատողները քարտեզագրում են դարավանդային այգիները
1lurer.am
Կայքը հաճախել են
7 441 627

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  14:18, 12/09/2025 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - Նախագահության անդամներ
Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ - Միջազգային համագործակցություն
Երիտասարդական ծրագրեր - Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես
Հրապարակումներ մամուլում - Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի գիտնականները
Երիտասարդ գիտնականի ամբիոն - Մեր երախտավորները - Հայտարարություններ - Կայքի քարտեզ
© Copyright 1998-2025 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: