ՀՀ գիտությունների ազգային ակադեմիա
ՀԱՅ  ENG  РУС
Home academy [@] sci.am Facebook Page
Գլխավոր էջ Ակադեմիայի մասին Բաժանմունքներ Կազմակերպություններ Անդամներ Կապ մեզ հետ
Վարդան Գրեգորյան
դոկտոր, պրոֆեսոր
COVID-19
Կառուցվածք
Նախագահության անդամներ
Փաստաթղթեր
Ինովացիոն առաջարկներ
Հրատարակություններ
Հիմնադրամներ
Գիտաժողովներ
Մրցույթներ
Լուսանկարներ
Տեսադարան
Վեբ ռեսուրսներ
Այլ ակադեմիաներ
«Գիտություն» թերթ
«Գիտության աշխարհում» հանդես
Հրապարակումներ մամուլում
Ազդեր
Հոբելյաններ
Համալսարաններ
Նորություններ
Գիտական արդյունքներ
Սփյուռքի բաժինը ներկայացնում է
Երիտասարդ գիտնականի ամբիոն
Մեր երախտավորները
Հայտարարություններ
Լինդաու քաղաքում Նոբելյան մրցանակի դափնեկրի հետ հանդիպում
Կայքի քարտեզ
Երիտասարդ գիտնականի ամբիոն
Ալբերտ Դավթյան

«Գիտական հոդվածների տպագրության համար երիտասարդ գիտնականներին խրախուսման» մրցույթի շահառու

«ՔԵՆԴԼ» սինքրոտրոնային հետազոտությունների ինստիտուտի և Բելգիայի միջուկային հետազոտությունների կենտրոնի (SCK CEN) գիտաշխատողներն իրականացրել են ConFlat-տեսակի կցաշուրթերի միացումների վերլուծում և փորձարարական հետազոտում։ ConFlat-տեսակի կցաշուրթերն ապահովում են համակարգերի գերբարձր վակուումային հերմետիկացում և ամենակիրառվողն են արագացուցչային և տիեզերական տեխնոլոգիաներում։ Հետազոտության արդյունքներն ամփոփվել են «Արագացուցչային և տիեզերական տեխնոլոգիայում կիրառվող գերբարձր վակուումային ConFlat տեսակի կցաշուրթերի միացումների վերլուծումը և փորձարարական հետազոտումը» (The analysis and experimental research of ultrahigh vacuum ConFlat-type flange joints applied in accelerator and space technology) հոդվածում, որը տպագրվել է «Journal of Instrumentation» ամսագրում։

Այս աշխատանքով «ՔԵՆԴԼ» ՍՀԻ-ի «Վակուումային տեխնոլոգիաներ» լաբորատորիայի ղեկավարի ժ/պ Ալբերտ Դավթյանը ճանաչվել է «Երիտասարդ գիտնականների աջակցության ծրագրի» շրջանակներում իրականացվող «Գիտական հոդվածների տպագրության համար երիտասարդ գիտնականներին խրախուսման» մրցույթի շահառու՝ «Scimago Journal & Country Ranking (SJR)»-ում ամսագրերի դասակարգման ավելի բարձր քառորդում առաջին անգամ հոդվածի տպագրության համար։

«Նմանատիպ ծրագրերը խրախուսում են երիտասարդ գիտնականներին, մոտիվացնում առաջ շարժվելու և ստեղծում են մի հարթակ, որի շնորհիվ նոր ծանոթություններ և կապեր են ձեռք բերվում», - նշում է Ալբերտ Դավթյանը։

Հոդվածի համահեղինակներն են «ՔԵՆԴԼ» ՍՀԻ ասպիրանտ Համլետ Իսունցը, SCK CEN Բելգիայի միջուկային հետազոտությունների կենտրոնի տ.գ.թ. Վլադիմիր Դեխտյարովը, «ՔԵՆԴԼ» ՍՀԻ ֆ.մ.գ.թ. Աշոտ Վարդանյանը, «ՔԵՆԴԼ» ՍՀԻ տ.գ.դ. Վարդան Ավագյանը և «ՔԵՆԴԼ» ՍՀԻ կրտսեր գիտաշխատող Տիգրան Մկրտչյանը։

Ալբերտ Դավթյանը պատմում է․ «Ուսումնասիրելով ոլորտի հիմնախնդիրները, առկա միջազգային գրականությունը՝ հասկացա, որ տվյալ ուղղությամբ հետազոտությունները քիչ են: Կատարված համակարգչային մոդելավորումներն ու փորձերի արդյունքները միմյանց չէին համապատասխանում։ Բազմակի օգտագործվում են ConFlat տեսակի կցաշուրթերի Wheeler-ի և CERN-ի մոդելները, որոնք կիրառվում են համաշխարհային հայտնի արագացուցչային կենտրոններում։ Դրանք մի քանի հերմետիկացում-ապահերմետիկացումից հետո կորցնում են իրենց նախնական հերմետիկացման հատկությունները, որի պատճառը բավականաչափ ուսումնասիրված չէ։

Մեր աշխատանքի գիտական նորույթն այն է, որ առաջին անգամ ստացվել են կցաշութերի դեֆորմացնող եզրերի պլաստիկ դեֆորմացիաների բաշխվածությունները, որոնց առկայությունն էական սահմանափակում է դնում դրանց բազմակի օգտագործման համար։ Նաև դիտարկվել են դրանց հերմետիկացման համար միջազգայնորեն սերտիֆիկացված հեղյուս-մանեկային միացության համար նախատեսված անցքերի չափերն ու քանակը, որոնց թերությունները ևս քննարկված են աշխատանքում, և դրանք բացառելու համար մշակվել են համապատասխան տեխնիկական հանձնարարականներ։ Բացատրություն ենք տվել նաև Wheeler-ի և CERN-ի մոդելների դեպքում կցաշուրթերի դեֆորմացնող եզրերի ներխրման արդյունքում առաջացող բացակին, որը գերբարձր վակուումային համակարգերի համար գազանջատման աղբյուր է։ 

Այս աշխատանքում ստացել ենք համակարգչային մոդելավորման ու փորձարարական հետազոտությունների արդյունքների մեծ ճշգրտությամբ համապատասխանություն։ Տվյալ հետազոտական թեման շարունակական է. դրա շրջանակում նախատեսում ենք ստանալ նոր երկրաչափությամբ մի մոդել, որը չի ունենա միջազգայնորեն սերտիֆիկացված, ամենատարածված մոդելների թերությունները ու կփոխարինի համաշխարհային ամենահայտնի արագացուցիչներում առկա մոդելներին»։ 

Ալբերտ Դավթյանը մասնագիտությամբ ճարտարագետ-մեխանիկ, մեքենագետ է։ «Ամենաշատն ինձ գրավում է ամեն օր լրիվ նորի հետ բախումը։ Օրեցօր նոր մարտահրավերներ ստանալով՝ հետաքրքիր երևույթներ ես ուսումնասիրում ու բացահայտում, գիտափորձեր իրականացնում, որոնք էլ քեզ գցում են նոր հարցերի և դրանց պատասխանների որոնման շրջապտույտի մեջ։ 22 տարեկանում ստացա գյուտի արտոնագիր, ինչն ինձ համար զարմանալի փաստ էր։ Հիմա եմ հասկանում, որ մեծ ցանկության, նվիրվածության ու աշխատասիրության շնորհիվ ամեն ինչի հնարավոր է հասնել։ Կարևոր է գիտակցել, թե ինչ կարող ես քաղել անհաջողություններից՝ առավել ևս գիտության ոլորտում։ Ինչպես ասում են՝ «Ձախողված փորձը նույնպես փորձ է»», - նշում է Ալբերտ Դավթյանը։

Նա հեռանկարային է համարում Հայաստանում հետթեկնածուական կարգավիճակի (PostDoc) համակարգի ներդրումը, քանի որ այն հնարավորություն կտա աշխատելու նոր միջավայրում կամ նոր գիտական խմբերի հետ՝ զարգացնելով երիտասարդ գիտնականի աշխարհայացքն ու հմտությունները։ Նաև կարևորում է գիտական նախաձեռնությունների գործունեությունը։ ««Գիտուժ»-ը և այլ գիտական նախաձեռնություններ նվիրյալ աշխատանք են կատարում, գիտական նորություններն ու հնարավորությունները զանգվածային տարածում են ստանում, բարձրացնում են մարդկանց տեղեկացվածության մակարդակը և երիտասարդ գիտնականների խոսքն ու կատարած առաջին քայլերը տեսանելի են դարձնում մեծ լսարանի համար», - նշում է Ալբերտ Դավթյանը։

Երիտասարդ գիտնականն առաջնորդվում է՝ «Տեսնում եմ նպատակ, չեմ տեսնում խոչընդոտներ, հավատում եմ ինքս ինձ» կարգախոսով։

Ալբերտ Դավթյանը 13 գիտական հրապարակումների հեղինակ է, որոնցից 3-ը հրապարակված են «Scopus» և «Web of Science» միջազգային գիտատեղեկատվական շտեմարանների ցանկերում ներառված ամսագրերում։ Ներկայում ներգրավված է ՀՀ ԿԳՄՍՆ բարձրագույն կրթության և գիտության կոմիտեի կողմից ֆինանսավորվող «Ասպիրանտների և երիտասարդ հայցորդների հետազոտությունների աջակցության ծրագիր - 2023»-ում, որը 3 տարի տևողությամբ է։ Նա նաև մասնակցում է «Գիտության ոլորտում ենթակառուցվածքի, նյութատեխնիկական բազայի արդիականացման համար ֆինանսական աջակցության տրամադրման մրցույթի» շրջանակներում իրականացվող ծրագրերում։

Մոնիկա Երիցյան


Ազդեր








2024թ.-ի ապրիլի 23-ին՝ ժամը 10:30-ին, ՀՀ Գիտությունների ազգային ակադեմիայում տեղի կունենա տարեկան ընդհանուր ժողով՝ նվիրված ՀՀ ԳԱԱ 2023թ.-ի գիտական և գիտակազմակերպական գործունեության հիմնական արդյունքներին: Գիտությունների բաժանմունքների տարեկան ընդհանուր ժողովները կանցկացվեն ապրիլի 22-ին՝ ժամը 10:00-ին

ՀՀ ԳԱԱ ՖՀԻ-ը IPR Armenia Optica Student Chapter-ի հետ միասին հայտարարում են «Լույսը լուսանկարչի աչքերով» խորագրով ֆոտոմրցույթ՝ նվիրված Լույսի միջազգային օրվան: Մրցույթին գրացման վերջնաժամկետն է՝ ս.թ. մայիսի 1-ը

Ս.թ. ապրիլի 10-ին ժ. 15:00-ին ՀՀ ԳԱԱ նիստերի դահլիճում (Բաղրամյան պող., 24) տեղի կունենա սեմինարների շարքի երրորդ հանդիպումը՝ «Հավաքում ենք փաթիլ. ատոմներից դեպի մոլեկուլ և բյուրեղ» խորագրով: Որպես մոդերատոր հանդես կգա անվանի քիմիկոս, SKOLKOVO-ի գիտության և տեխնոլոգիաների ինստիտուտի պրոֆեսոր Արտեմ Օհանովը

Ս.թ. ապրիլի 5-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Կանալացման նորագույն տեխնոլոգիաներ։ Չեզոք և լիցքավորված փնջեր ուղղորդող հզոր արտաքին էլեկտրամագնիսական դաշտեր» թեմայով սեմինար, որը կներկայացնի Միջուկային ֆիզիկայի ազգային ինստիտուտի (Իտալիա) պրոֆեսոր Սուլտան Դաբագովը

Ս.թ. ապրիլի 1-ին, ժամը 12:00-ին ՀՀ ԳԱԱ Նախագահության նիստերի դահլիճում տեղի կունենա «Մագնիսաչափությունը՝ միջուկային սպին-բևեռացված 14N-ով ադամանդում NV-կենտրոնների հիման վրա» թեմայով սեմինար, որը կներկայացնի Լատվիայի համալսարանի պրոֆեսոր Մարցիս Աուզինշը

ՀՀ ԳԱԱ Շիրակի հայագիտական հետազոտությունների կենտրոնը սկսում է «Գիտական աշխատություններ» պարբերականի 2024թ.1 (27) հատորի հոդվածների ընդունումը: Առաջնահերթությունը տրվում է անգլերեն և ռուսերեն լեզուներով հոդվածներին: Հոդվածների ընդունման վերջնաժամկետն է՝ 2024թ. մարտի 1-ը

Международный инновационный центр нанотехнологий СНГ (МИЦНТ СНГ) при поддержке Межгосударственного фонда гуманитарного сотрудничества государств - участников СНГ (МФГС) и Объединенного института ядерных исследований объявляет о проведении конкурса на соискание грантов на разработку проектов в рамках деятельности МИЦНТ СНГ в 2024 году и очередной Стажировки молодых ученых и специалистов стран СНГ в Дубне в апреле - мае 2024года

ՀՀ գիտության և տեխնիկայի զարգացման 2020-2024թթ. գերակայության ՀՀ կառավարության որոշման նախագիծ

Հրապարակումներ մամուլում
15/04/2024

Ֆինանսական փոխհատուցում կտրամադրվի գիտական աշխատանքների հրատարակության համար․ նոր կարգ
escs.am
12/04/2024

Մեկնարկել է «Երկակի նշանակության գիտական նախագծեր 2024» մրցույթը
escs.am
12/04/2024

Նոր կարգ՝ ուղղված արշավախմբերի կազմակերպանը, գիտական գործուղման ճանապարհածախսի փոխհատուցմանը
hesc.am
11/04/2024

Արցախի՝ աղվանական ներկայացվող կոթողները որևէ կապ չունեն աղվանների և կովկասյան բնիկ հանրույթների հետ․ Monument Watch
news.am
Կայքը հաճախել են
6 954 241

անգամ սկսած 01.01.2005թ.
National Academy of Sciences of the Republic of Armenia
ՀՀ ԳԱԱ պատկերանիշ (սև, կապույտ)
Ճիշտ տառատեսակի արտապատկերման համար ներբեռնեք և տեղադրեք Arian AMU.ttf
Դեպի վեր Կայքը վերջին անգամ թարմացվել է՝  15:46, 19/04/2024 Դեպի վեր
Գլխավոր էջ - Ակադեմիայի մասին - Բաժանմունքներ - Կազմակերպություններ - Անդամներ - Կապ մեզ հետ - Կառուցվածք - COVID-19
Նախագահության անդամներ - Փաստաթղթեր - Ինովացիոն առաջարկներ - Հրատարակություններ - Հիմնադրամներ - Գիտաժողովներ - Մրցույթներ
Լուսանկարներ - Տեսադարան - Վեբ ռեսուրսներ - Այլ ակադեմիաներ - «Գիտություն» թերթ - «Գիտության աշխարհում» հանդես - Հրապարակումներ մամուլում
Ազդեր - Հոբելյաններ - Համալսարաններ - Նորություններ - Գիտական արդյունքներ - Սփյուռքի բաժինը ներկայացնում է - Երիտասարդ գիտնականի ամբիոն
Մեր երախտավորները - Հայտարարություններ - Լինդաու քաղաքում Նոբելյան մրցանակի դափնեկրի հետ հանդիպում - Կայքի քարտեզ
© Copyright 1998-2024 Բոլոր հեղինակային իրավունքները պաշտպանված են:
Կայքը պատրաստված է և սպասարկվում է Հայաստանի ակադեմիական գիտահետազոտական կոմպյուտերային ցանցի կողմից (ASNET-AM):
Հարցերի կամ առաջարկությունների համար կարող եք ուղարկել նամակ webmaster {[ at ]} sci.am էլեկտրոնային փոստին: